اول مرة افارك ما ادبرهه
وأول مرة واحد من اريد انساه
ما كسر الصور انوب أكبرها
مو عشرة صغيرة ولا طويله وياك
لا عشرة عمر مااكدر اعبرها
المصبرني على الدنيا جنت انت
وبعد راح المصبرها

مادروني أسحن سحن بالروح
وأخزن هالعذاب بسماء الچلوة
- عريان السيد خلف

تكلي يُمة ماشفتلك بنت حلال ؟
طحت، يمُتة اطفالك يشيلوني
وأصدقائك حطوا بيوت وجهال
بِيك نسوان السلف عيروني!
أرد أزفك وأوفي بوعدي
لأبوك قبل لا للمكبرة يزتوني
يمة عد عيناج كلتلها وبجيت
يمة فقر الحال
أذى ضنوني
تكلي وليدي خلي
إيمانك ب اللّٰه كبير
وليدي من تحتاج بيع عيوني
وترست جيوبي دمع غالي،
وبجيت
وتدعي ضلت خايفة يرفضوني
وأطرقت بيبان أقرب لأقرباء
كالي شرايد ،
كلت خيعوني كتلة نص الدين
يكمل بالزواج
كلي دينك مايسد ديوني
كال شتملك انطينة اعكال ابوي
كلي شغلك، طلعتلة متوني
كلي بيتك، كتلة كد غار الرسول
أبتسم فر ايدة، طحت شالوني
كتلة نقرة الفاتحة؟
كال على ابوك
احمد المطوري

چنت مثل الحلم مضموم،
بس غفلة انفتح بابه!
طفل ما صدگت مجبور،
أعيش بقصة جذابة !
وسجنوني بمهد مربوط،
شگيت أهلي سلابه!

المصيبة اللي يبچي بالكاروك،
محد يفهم عتابه!

كبر حزني وطفل ظليت،
أخاف أحچي أسبابه!

وكتبت اسمي بقلم جوعان،
ما حد ضوگه اكتابة!

بزمن چان العلم ينسگ،
بالعصه اعله طلابه!

لا تنطي دوه لمجروح!
إذا ما تعرف أسبابه!
احمد المطوري

بعد أن سرقت الشمس السوداء،
هلال عيدي.

جاءني ذاك الهلال،
سائل: كم من الجروح زرعت بيك؟

فأجبته: خلهن،
مو وگتهن، خاطر أحچيهن.

يجيني الليل،
وأگعد وأنفرد بيهن.

وأفتح بابهن،
فتحة جناح الطير.

وأراويك الجروح،
الما مراويهن.

ومن گلتلك: ادعيلي،
جروح گلبي كبار.

أتذكر گلتلي:
الله يخليهن.

لا تنشدني عنهن،
كلشي ما بيهن!

حمر من نار هجرك،
والسهر بليل.

بس إنت، العيونك،
ما أدري شبيهن؟

إلك برزخ صور،
بين الجفن والعين.

أصفى من النوايا،
النشترك بيهن.

ولأن أدري الصور،
تتشوه من الماي.

جفيت عيوني،
لا يتبدلن عليهن.
عباس العبادي

اعذروني بس ليله قافل عليكم كلش بلقصايد

وين چنتي؟
وليش متاخرة علي كل هالسنين؟

وليش ما طيفچ اجه،
وفزز الصفنتي؟
وين چنتي؟

گبل تسع سنين،
مريتي على عيني،
وما وگفتي.

ليش من دگ الجرس،
ما صارن عيونچ بفرحتي؟
ليش؟

يا اول درس،
يفترض كنتي.

ليش من كف العمر،
هسه ظهرتي؟
وين چنتي؟

يا ملك شيطان،
وتلبس بجثتي.

يا دمع خسران،
يا مثل وجنتي.

يا الم لف روحه،
سجينة بحسرتي.
وين چنتي؟

ليش ما جيتي،
گبل ما توصل الفضة؟
گذلتي!

وليش من عبر المحطاتي،
ركبتي؟

ليش؟
لمن ذبلت وردتي؟

والله لو عندي بخت،
چا لمچ من سنين بختي.

وين چنتي؟

چان هسه دموعي ماكو،
وخابصة العالم ضحكتي.

وچان هسه همومي ميتة،
وعافية وچنت فرحتي.

وين چنتي؟
وليش متعطلة وصلتي؟
محمد الغريب

خلنضوج شويه

53:00

عيش يومك وأضحك بوجه اليجوك
ما تميز النار أذا ماتنچوي
وصافح الچانوا گبل يلوون أيديك
وأضحك وگلهم بعد ماتنلوي
أنت أذا ماعايش أحساس الضعيف
طول عمرك تبقى ماصاير قوي
ولا تعيش بموقف مچلب وراك
اللحظة من تعبر بعد ماراجعه
أنت أسگي وداري زرعك والتموت
الله يرحمها برحمته الواسعه
وأمشي خطوة يجوز يطلع مو سراب
وتنفتحلك عين ماي وترتوي
يمكن تلاگي بطريقك حُب عظيم
ليش گاضيها بغرفتك منطوي ؟

1:12