"يطيح من عيني عزيز ويكبر بعيني سراب
والي يطيح من العيون يموت مايرجع لها"

"أشوفك كالحضارة راسخة في معرض الكتاب
كتبها الوقت رغم إنه تلف معظم مناظرها"

"ما أخاف الوداع الواضح الموجع القتّال
‏ أخاف الوداع اللي لا اشوفه .. ولا اختاره"

‏"عرفت أعيش من دونك لكني ما عرفت أرتاح
أواجه معضلات الوقت في عبرة و تكشيرة"

"بقت بالذاكرة ليلة حزينة من سنين طوال
تجي في بالي السّارح ترجعني لعثراتي"

"عفى الله عن مدى الغيّ البعيد و ذكريات الطيش
‏ما دامك سلوة العمر الحزين و عافية بالـه"

"أصلّي في ذرى حزني ولا لي بالفرح مدهال
‏صفوف أحلامي تصلّي وراي .. أوَّاه يا كسري"

"تحلّين الحياة بعين من حاله طواه الياس
‏أجل وشلون لبسٍ تلبسينه ما يصير أحلى؟"

"تخليني ؟ وأنا اللي لا لقاك وراح من حينه
‏أقبّل كفّي اللي صافحك و أحنّط ثيابي"

أشوفك بالمدى والشمْس والتاريخ والأشعار
وكتبتك لين ما سالت‏ على الصفحة مدامعنا"

"أقول إني ما عاد أحن وأدوّر لي عذر وأسباب
‏ولا أدري كيف أبرر رجفة إيديني ودمعاتي"

‏ "و أنتي الوداع اللي مسح عبراته بتلويحته
‏و أنا الضياع اللي وقف محتار ماودّه يروح"

"أضرب لحالي مشاوير الدروب المجرهدة
‏وتّباعد عني أحلامي ليّا قمت أتقارب"

‏خطبة الجمعة: "لسان العاقل من وراء قلبه، فإذا أراد الكلام تفكر، فإن كان له قال، وإن كان عليه سكت، وقلب الجاهل من وراء لسانه، فإن هم بالكلام تكلم به له أو عليه"

"كم له مع امواج الوهم يبحرّ بعزمٍ متصل
‏لا هو قدر يوصل ولا قادر عن عزومه يتوب"

"كل ما بانت خيوط الشمس من شرق المدينة
ما ذكرت إلا سناك وما فقدت إلا مجيّه"