"تعبت وقلبك المؤمن يناجي جرحك الخنّاس
لا يكشف عورة أوجاعك ما دام الناس هرّاجه"

‏"أهجر الساري و يوحشني قديم عتابه
‏الغياب أسهل علي و أنا ما أعرف أجادل

‏وين أروح بعيد يا فجرٍ خذا جلبابه
‏من زمانٍ مِسدل من أسود عتيمه سادل

‏ما يقصّر عمر الإنسان أكثر من أحبابه
‏و التشبّث و الشعور اللي ما هو متبادل"

‏"أنتي لا أخطيتي الطريق وشفت زلاتك كثيفه
‏رحت أدور لك عذر ما رحت أدور لك ملامه"

‏"يجود العمر، ويحطّ الرحال، وتثمر الأحلام
‏وصبحٍ يستردك في الخيال السالي؛ أحبّه"

‏"لو تركت الديار و لو عقرَت الركايب!
‏نَجد ما كانت إلا في حضورك عَذيَّه"

"نوب عقلي ينبذ أهل التمادي والفساد
‏ونوب رغباتي بليس إيتولّا عرشها"

"طلبته وأنا مذنب وكثّر علي الخير
‏فما بالك بطلبة فقيرٍ ماهو مذنب"

"هلا بك من قدمك لغرّتك ليا شعرك المنثور
هلا في كل شيءٍ فيك .. وانت احلى مساييري"
_ ترحيبة العيد المقترحه

"أقرب من حدود الوهم وأبعد من حدود اليقين
لا قاطعٍ فيك الامل ولا لي بك رجاء"

"وش بيّدي وقف حظ الفقير و ماتت الأحلام
على حب من أول يوم و فراق من أول يوم"

‏"تطيح الدموع ثقال و يحسبها البعيد خفاف وأشوف الوقت ياخذ من يديني معظم أحبابي"

‏"أحلام عمري راح معظمها مثل وحي الخيال
‏ ليت الحياه ترجع .. اللي ماقدرت أرجعه"

‏"خطاك البحر ياعذب منك الخطا مملوح
‏وخطاي إني الغرقان والموج يجفاني"

‏"بين خوف أغيب و إلا بين أحضر و لا أتجلّى
‏نفسي أدنى ما يجفّلها و أدنى ما توالف"

‏"فقدت أنسامك بـ صبحٍ هدوءه غاية المسكين
‏و وجهك كان عنوان الصباح وموعد إشراقي"