‏"أحيان نفسي تنطوي مثل الحرير
‏وأحيان لا والله أشدّ من السيوف"

‏"لقاني أحلى محطاته و حلمه و أول الأهداف
‏عرف قيمة حياته في يديني ّو قيمة وجوده"

"تموت أقسى الجروح إلا جروح بداية العشرين
عذاريبك قساك الحاتمي والعمر عذروبي"

‏"أحسب إني معك بقطع مشاوير السِّنين
وأثر الطريق يضمّنا بس الخطى متخالفة"

"ترى النصف ساعة معك تسوى لها يومين
لو إنها على مفرق طريق .. وطرف عجله"

"ما بين أذكر وبين أنسى وبين أسعى وبين أملّ
مراحل .. والمراحل بينها موتي وميلادي"

"مثل ماتشفق على الماء رهيفات الغصون
‏خاطري لك شفق ياللي مظاليلك نْعاس"

"ما دريت ان المصاعب تبي صدرٍ رحوب
‏لين شفت احلامي تروح مع كل اتجاه"

"تنازعني عليك النفس والنفس آفة الغاوين
‏ياصعب مجاهد شفوف الهوى والنفس غوّايه"

"اللهم صل وسلم على نبينا محمد"

"ياليتك يا بنت شريم جبتي لنا زود
و ليت ربي رازقك بأربع عيال"

‏"قديم الود .. وايام الصبا والحِلَّ والترحال
‏أعرفك مثل نظرات الوله في عيْن متجَاهل"

"عادك أغلى من مشى على رمل الضلوع
لو دياري عن ديارك مسافة و نَهوه"

"الحظيظ اللي سليتو من مودّته و سلاكم
‏النشاما ما تضيق إلا من فراق النشاما"

"أنا ألطف عليك من الهوا الي نسيمة عذْب
‏وأنا الي جمعها كلها حب ومصادق"

"أمسح دموع السَّبت في كُم الأحد
‏وأنام في عين الله اللي ما تنام"