"وهُنَاك
هُنَاك الجنَّة،
حيثُ لا شيءَ يسلبهُ الزَّمانُ مِنك"..


يا حَبَّذا الجَنَّة..🥀

صحباتي وأسرتهم كانو في الخرطوم لغاية اليوم، شَدَّ عليهم الضرب في منطقتهم وحاليًا هم متجهين على الدندر

عايزين إيجار في الدندر نفسها للتواصل:0911178162


كرمًا شيركم ياخوانَّا، وربنا يأمّننا ويأمّنكُم
لا أراكم اللهُ بأسًا في حبيب

(فما وهنوا لما أصابهم في سبيل الله)

https://youtu.be/xNZs8aGph5Q?feature=shared

(هل ممكن يكون الخير في الشَّر؟!) ..

أخوها ليو سنين ما بِصَلّي!
بتحكي لي صحبتي، قالت قدر ما حاولت مع أخوها في موضوع الصلاة ده ما بزبط، يصلّي يوم وما يصلي شهر
وهكذا استمَرّ الحال لمن في يوم الأيام ولدو تعب ورقدو مستشفى
أول ركعة من سنين
كانت في المستشفى دي لما سأل ربنا فيها وقال
يا رب تشفي لَي ولدي وترفعو!
قالت لي على الرغم من صعوبة الموقف النّحنا فيهو، إلا إني في عز الضيق داك، صدري انشرح بي شوفتو وهو ساجِد لي ربَّنا بعد هجر طويل للصلاة
ومن اليوم اللي اتوفى فيهو ولدو، هو محافظ على صلاتو الحمدلله!
(الخير كان في الشَّر)!

صحبتنا ليها سنوات مع القرآن الكريم نفسها تختِم ومع ضغطة التخصص الهي فيهو، ما كانت بتلقى وقت تتفرّغ فيهو لي حفظ القرآن
طلعت النتيجة وكانت repeat !
كلنا حزننا ليها شديد، لأنه أساسًا دراستهم صعبة وضاغطة بس قلنا لعله خير

على بال يجي السمستر الجديد وتنزل مع الدفعة اللي تحتها كان في قاب شهور
بدت فيهم رحلة جادة في حفظ القرآن الكريم ولما بدت السنة الدراسية كانت بفضلِ الله خَتَمت!

(الخير كان في الشَّر)

صحبتنا عندها أختها ما شاء الله ذوق وأدب وجمال خلقة وأخلاق، ما لقت شريك حياتها المناسب واتخطبت لكم شاب وما كانو مناسبين معاها وبتفركش الخطوبة
لغاية ما جات الحرب، وسافرو لواحدة من الولايات ولاقَت هِنَاك سَعَدها!
شاب ما كان حيكون في بيناتهم أي رابط يجمعهم غير الحَرِب اللي خلّتهم يتلاقو في ولاية هي أول مرة تمشيها وتسكن فيها، والحمدلله كان شبِيه ليها في الطِّبَاع وتمَّ زواجهم على ألف خير، وسط فرحة الأهل بعد شهور من ضيق الحرب وإحساس النّزوح!
(الخير كان في الشَّر)

لو قعدت أحكي في المواقف اللي بكون ظاهرها شر، لكن جوَّاها كان مدسُوس لينا في خير كبير، ممكن أحكي لغاية بكرة وما أخلص!

جملة كتير بتلاقينا
"ربُّ الخير لا يأتي إلا بالخير"
لو ثَبّتناها في حياتنا ح نرتاح شديد مع مجريات الأقدار البتحصل لينا
"عجَبًا لأمر المؤمن إنَّ أمرهُ كلّه خير:
-وَلَيْسَ ذَلِكَ لأِحَدٍ إِلاَّ للْمُؤْمِن-
إن أصابتهُ سَرَّاء شَكَر=فكانَ خيرًا له
وإن أصابتهُ ضَرَّاء صَبَر=فكانَ خيرًا لَه"

في سماحة وخير أكتر من كده ياخوانَّا؟!

أما أنا يا رب
فقَد رضيت بأقدارِكَ كلّها، خيرها وشَرِّها
آمنتُ باللهِ رَبًّا وبالإسلامِ دينًا وبُمحمَّدٍ ﷺ نَبِيًّا ورَسُولا

"كُتِبَ عَلَيكُمُ القِتالُ وَهُوَ كُرهٌ لَكُم وَعَسى أَن تَكرَهوا شَيئًا وَهُوَ خَيرٌ لَكُم وَعَسى أَن تُحِبّوا شَيئًا وَهُوَ شَرٌّ لَكُم وَاللَّهُ يَعلَمُ وَأَنتُم لا تَعلَمونَ"

كُلما تحس بيها جايطة وما مُرَتّبة عندك
كلما تشوفها ضاقت بيك شديد
اتذكر قول الله:
"واللهُ يَعلمُ وَأَنتُم لا تَعلَمون"♥️

#صفية_مصطفى

اللَهمَّ إن لَنَا إخوانًا يسألوننا الدعاء، اللَهمَّ استَجِب لهم، اللَهمَّ كُن لهم، اللَهمَّ انصرهم واشفِ صدورَهم🥀

{كان بعض السلف إذا ذهب إلى شيخه تصدق بشيء وقال: (اللهم استر عيب شيخي عنّي ولا تذهب بركة علمه مني) }
تذكرة السامع لابن جماعة (٩٨)

قلت: جرت سنة أهل العلم على تربية طلابهم على نحو هذا الأدب، لا على تجرئتهم ليتتبعوا أخطاء شيوخهم وزلات معلميهم فيتكدر صفو العلم الذي يتلقونه منهم.
وتزداد المصيبة إذا وصل الحال إلى انحراف معايير الطالب حتى يعيّر شيخه بما ليس من العيب أصلا.
ومن الفتنة أن يتحدث في الناس باسم الدين من لا يفقه هدي العلماء وسبيلهم وسننهم، فيغرس فيهم بذور الانحراف السلوكي والتزكوي تحت شعارات براقة زائفة. والله المستعان.

أ. أحمد السيّد

الله! ..

رسالة من أخت لنا في غزة

من شوية شوفت بنت من غزة منزلة إن المعلمة بتاعتها اتقذفت وهى بتسمعلهم!

وتويتة على تويتر أن في ناس هناك نظرًا للشُح في المياه والطعام قرروا الصيام لله عز وجل والاحتساب وأنهم لو ماتوا يبقى وهما صايمين!

الحاجات دي بتصيبني في مقتل.. أنت معندكش حجج ولا أعذار زي ما متخيل، وقت الحساب أعمالك هتتوزن على نفس الميزان، الناس دي في زمانك عادي، فحجج زي أصل نفسيتي وحشة فمش هقدر ألتزم بطاعة معينة، أصل عندي مشكلة، أصلي مرهق من المشوار والجري على مصالحي الدنيوية.. أصل حصلي بلاء-نسأل الله السلامة- وعملت كذا وتركت طاعات كذا.. الحقيقة أنك متثاقل متباطئ، طال بك الأمل وبعُدت عليك الشُقة، وكل الكلام ده لو اتبلع هنا واتعدى.. هتقف بيه هناك أمام الله عز وجل هتتسأل عن كل شيء كل ثانية وعن صدقك ونيتك وحقيقة همومك وغاياتك، ده مناقشة الحساب عذاب!

لكل شخص مُقصر واللي بتكتب الكلام ده أولكم، لازم تجتهد شوية وتبذل لأخرتك زي ما أنت بتبذل لدنيتك بل الأخرة خير وأبقى، لازم شوية تضحيات وتنازلات من نومك بقى من أكلك وشربك وفسحك ورفاهيتك أيا كان.. الطريق له ثمن وسلعة الله غالية.

قال ابن الجوزي
«أنت في طلب الدنيا صحيح، وفي طلب الآخرة بك أوجاع؟»

منقول لصاحبه.

قنوات تليجرام دينية مفيدة جدًا ❤❤❤❤❤🌸.

1 . كنوز جزء عم سيدات ( تجويد / حفظ / تدبر )
https://t.me/+gH6Ntjg38AxlZmNk

2 . مقرأه No zero dayes ( تصحيح تلاوه / شرح تجويد )
https://t.me/+4fUR-JqD61w2Yjk0

3 . تعلم مع د/ محمد الغليظ
https://t.me/Elghalez

4 . دورة فن التعامل مع الشيطان دروسكاست
https://t.me/fanaltaamolmaaelshaytan

5 . دكتور حازم شومان
https://t.me/drhazemshouman

6 . القناه الرسميه لدكتور محمد الغليظ
https://t.me/moh_elghaleez

7 . إذاعة القرآن الكريم من القاهره
https://t.me/Quran_Station

8 . أحاديث الرسول
https://t.me/TheIslamicProphet

9 . م / أيمن عبد الرحيم
https://t.me/Ayman_Abdulraheem

10 . فهمنى القرآن . عماد أحمد
https://t.me/quranunderstanding

11 . مكتبه المرأه المسلمه
https://t.me/maktabatelmoslima

12 . إسناد | محمد حشمت
https://t.me/esnad_edu

13 . أسانسير إلى الجنه
https://t.me/asansir_ala_aljana

14 . دورات تدبر القرآن لمهندس علاء حامد
https://t.me/tdburalquran

15 . أكاديميه ميراث للوعى الإسلامى
https://t.me/MerathAcademy

16 . سلاسل د . راغب السرجانى
https://t.me/Raghebelsergany

17 . مركز آيات
https://t.me/ayatqurancenter

18 . تمكين
https://t.me/Tamkeen_Platform

19 . دروس كاست
https://t.me/DroosCast

20 . إعاده دوره أصول الإيمان
https://t.me/DawretOsolAleman

21 . الدورات العلميه للمهندس علاء حامد
https://t.me/Eng_Alaa_Hamed

22 . بث حلقات المعلمه أم عبيده
https://t.me/omobaida994

23 . أكاديميه البلده الطيبه
https://t.me/BALDATAYIBA

24 . دروس الشيخ محمد بن رمزان
https://t.me/drosbenramzanealhajri

25 . الشيخ حسين عبد الرازق
https://t.me/HusseinAhmed1983

26 . مقرأه معهد أذن خير
https://t.me/outhon_khair?livestream

27 . مبادرات مهندس علاء حامد تفاعليه
https://t.me/mobadra1alaahamed

28 . مسجد أحمد أبو أحمد ( قناة تعنى بنشر لقاءات البث المباشر وتسجيلات مسجد أحمد أبو أحمد لفضيلة الشيخ محمد خيري ، مرتبة في الفهرس حسب السلاسل )
https://t.me/MsjdAboAhmed

29 . القناه الرسميه للمهندس علاء حامد
https://t.me/Alaa_Hamed1

30 . دروس الشيخ محمد خيرى
https://t.me/mhmd5airy

31 . بوت عابر ( بوت لتجميع صوتيات الشيوخ والعلماء المعاصرين والكتب الصوتية ، وبه أقسام عديدة نافعه )
@moroor_abir_bot
ده اسم المستخدم ابحثوا لان مفيش لينك .

32 . تجويد دكتور ايمن سويد ( كل مايخص التجويد وإتقان التلاوة .. يتم رفع جميع دروس الدكتور أيمن )
https://t.me/tajweed1Ayman

33 . زاد الحفاظ ( جميع ما يحتاجه الحافظ من ملفات تساعده على حفظ القرآن الكريم
@ZadAlhoffathbot
للتواصل عبر البوت التالي
@Creativewaysbot)
مفيش لينك ابحثوا عنه هتلاقوه بسهوله إن شاء ﷲ

34 . ليطمئن قلبى ( أحاديث وتفسير وغيره )
https://t.me/KKK9K

35 . مليون كتاب إسلامى ( نحو مليون كتاب إسلامي ، قناة تهتم بنشر الكتب الإسلامية )
https://t.me/KOTOB_ISLAMIC

36 . إعلانات الدورات والدروس ( الإعلان عن الدروس العلمية والدورات العلمية الخاصة بالقرآن والتجويد )
https://t.me/CoursesIslam

يوم كده في الحِلَّة قاعدين في الحوش أنا وناس البيت
كوركت لينا بت خالتي بالحيطة
ياخوانَّا قريتو سورة البقرة ولا لسه؟!
قلتا ليها وين اتي قبيل نادينا ليك قالو مافي، قريناها تعالي بكرة بدري
أكان اشوفا ليك مدّت لي كورة فاضية قالت لي هاك ناوليني فيها موية
موية شنو أجي؟
موية البقرة🤣❤️

ياخوانَّا اها ناس بيتنا بعد كمّلو الدراما بتاعت "ما ناديتوني اقرا معاكم"
وانتقلو لي كورتك وكبايتي ودي مويتك ودي مويتي🤣

أول ما اقعد في نص السرير ده كده أقول "ألف لام ميم"

بلقى جنبي جردل وجك وكم كوز كده وطاسة، أي زول بي ماعون!🤣❤️

اليوم داك بايتة مع خالتي قلت ليها أرح نجيب سورة البقرة قبل جوطة الفطور وقصص الجبنة بتلقى روحنا مرقنا في العصر وأنا بعدين المسا عندي لف في الحلة خلينا ننجز هسي

ألقاها ليك قامت على حافظة الموية جابتها قِدّامنا وفتحتا وقعدت، الليلة شراب موية سورة البقرة بالصَّف🤣❤️

وطبعاً ياخوانَّا مِمَْا لا يخفى عليكم إنو قراءة سورة البقرة في الماء وشربه بي نيَّة الشفاء من التداوي المشروع بالقُرآن ولا بأس فيهِ إن شاء الله

فالناس تحرص على قراية سورة البقرة، وتسأل ربنا بركتها وتدعي ربنا يجعل شفاها في القرآن

ونذكّر تاني إنو البيت اللي بتُقرأ فيهو سورة البقرة لا تقرَبهُ الشياطين مصداقًا لقول النبي ﷺ

ونذكّر برضو
"فإنَّ أخذها بركة وتركُها حسرة ولا يستَطِيعُها البَطَلة"♥️

#صفية_مصطفى

كَتَبَ أحدهم سائلاً:

والله يا أحمد ما أكذب عليك
‏حين أرى مقاطع الأطفال المقطّعين والميتين بفلسطين ويأتي في بالي الآيات والأحاديث أن الله يستجيب دعوة الداعي المظلوم المكروب وإن كان كافرا، فما بالك بمسلم مؤمن وطفل؟؟
‏يأتيني وسواس ويقول .. أين الله عز وجل؟ وأين حمايته ونصره؟

والجواب:

دفعا لمثل هذه الوساوس أقول:
١- الله سبحانه كما بيّن لنا أنه يجيب الدعاء فقد بيّن أنه يقدّر البلاء، وبيّن لنا أنه لا دخول إلى الجنة دون هذا الابتلاء: (أم حسبتم أن تدخلوا الجنة ولما يأتكم مثل الذين خلوا من قبلكم مستهم البأسا والضراء وزلزلوا) فلا تأخذ بالخبر الأول وتترك الثاني.
٢- الله سبحانه قصّ علينا في كتابه قصصا مشابهة لما يحدث في غزة، بل أفظع منها؛ فقال عن فرعون: (يذبّح أبناءهم ويستحيي نساءهم)
ثم بيّن لنا أنه نصر هؤلاء المستضعفين بعد زمن فقال: (وأورثنا القوم الذين كانوا يُستضعفون مشارق الأرض ومغاربها) وبيّن أنه نصرهم بسبب الصبر: (وتمّت كلمة ربك الحسنى على بني إسرائيل بما صبروا) فالقصة لا تكتمل إلا في نهايتها وليس من البداية.
٣- أن الله سبحانه بيّن لنا أن من سنّته: إمهال الظالمين مدة ثم يأخذهم: (إنّما نُملي لهم ليزدادوا إثما) وقال ﷺ: (إن الله ليملي للظالم) فالصورة لها جانبان: جانب متعلق بالمظلوم، وجانب متعلق بالظالم، ولا يكتمل المشهد إلا برؤية الجانبين، فعادة الله الدائمة: عدم معاجلة المجرمين بل تركهم واستدراجهم ثم أخْذهم.
٤- أنّ معيّة الله للمؤمنين لا تتمثل في النصر فقط، بل تتمثل كذلك في تثبيت القلوب وإنزال السكينة: (إذ يوحي ربك إلى الملائكة أني معكم فثبتوا الذين آمنوا). وهذا ما نشاهده بأعيننا في أهل غزة وغيرهم من المؤمنين الذين يصبرون على الأهوال التي لا يحتملها البشر، بينما ينهار غير المؤمن بأقل من ذلك بكثير.
٥- أنّ الله أخبرنا عن الجزاء الأخروي كثيرا في كتابه، وأن هذه الدنيا متاع الغرور، وأنها فانية، وأنه سيضع الموازين القسط ليوم القيامة فلا تظلم نفس شيئا، وأخبرنا عن النار والعذاب والنكال للمجرمين، وحينذاك تستوفى كل الحقوق، ومن ينظر بعين واحدة إلى الدنيا فلن يفهم.
٦- أنه ومع ذلك كله فإنه لا شك ولا ريب في أن العاقبة (في الدنيا) للمتقين إذا قاموا بدينه ونصروه، وأن الله سينصر جنده وينجيهم كما فعل مع نوح وإبراهيم وصالح وهود ولوط وموسى وعيسى ومحمد عليهم صلوات الله أجميعن، وليس ذلك خاصا بهم بل هو وعد مستمر وسنة ثابتة، بعد التمحيص، والبلاء: (حتى إذا استيئس الرسل وظنوا أنهم قد كذبوا جاءهم نصرنا)
ونحن إذا قمنا بما يحب الله وبذلنا ما علينا فلا يمكن أن يخلف الله وعده.

- وبعد ذلك كله؛ فهناك تفصيل أكثر وكلام أهم لا يتسع له هذا المقام، ولكني فصّلت فيه كثيرا في سلسلة (السنن الإلهية) وتحدثت بشكل واضح: متى يهلك الله الظالمين المجرمين؟
فراجعها إن شئت هنا:

‏ https://youtube.com/playlist?list=PLZmiPrHYOIsRSGGYob9VQegTJV5R37YX2&feature=shared

__وكما قالت أروى صحبتي:
"ما أحبَّ اللهُ القليل الدائم عَبَثا؛ القليلُ الدَّائِمُ يصنَعُنا"💕

صوّرتَ الصورة دي وفي خاطري اكتب معاها
"وحِيدة" .. بعدَ أن أكل الشوقُ قلبي واللهِ!
وإني لطالما آنستُ روحي ونفسي بشرب كوب القهوة مع أحبائي في شوارع الخرطوم وتحت ظلال أشجارها

لكني أتراجع الآن عن كتابة هذه الكلمة "وحيدة" بذاك الحزن ..

حيث إني بشرب في كباية جبنتي وأنا بخير وعافية، وأكلت قبلها لُقمة هنيَّة بعد جوع نهار طويل، وسعِي

أنا وحيدة؟
لكن سعيدة
فالحمدلله المُنعِم، المُكرِم، المُحسِن
الحمدللهِ مُستوجِبُ الحمدِ من قَبْلِ إتيانِ النِّعَم

نقول مجددًا
"لا يُنسيكَ حُزنًا واحِدًا، ألفًا مِن النِّعَم"❤️✨

مبدئيًا
البوست ده ما شيل حال، ولا مُشاركة لي خصوصيات الناس التانية
وإنما كلام من قلب أخت لي أخواتها فأتمناهو يصل زي ما هو بدون ما تدخلو شكوك في النَّوايا ")

في الأيام الأخيرة دي، بقينا نشوف كتير من الاستشارات على شاكِلة:
_يا بنات أنا وحبيبي اتلاقينا وحصلت بيناتنا حاجة وما كنتَ قاصدة، أنا والله تُبت وندمانة بس هسي خايفة أكون حامل أعمل شنو؟

_يا بنات صحبتي لاقت حبيبا وحصلت بيناتهم تجاوزات، وهسي هي خايفة تكون حامل، نعمل شنو؟

_يا بنات حبيبي بعمل لي كيت كيت،كيف افرّق بين إنو ده تحَرُّش ولَّا نوع من التفاصيل الحميمية البتكون بين المرتبطين؟

ياخوَانَّا دقيقة بس
متين قالو في تفاصيل حميميَّة بتحصل بين مرتبطين؟ متين قالو لمن تطوّلي من حبيبك مفروض تتلاقو بالأحضَان؟ متين قالو الـkissing والـ hugging شي عادي بل أساسي في العلاقات؟عشان بعدها الناس تخُش في حتّة ضيقة وتبدا تفتّش في البرفعا بعد تقع!
خلّيتو للعرس شنو طيب ياخوَانَّا،خليتو للحلال شنو؟

أنا ما هايجة ومنفعلة.. أنا بس حاسة إني منهارة وراسي ح يشيب من البحصل لينا ده واللهِ

ما دايرة أطرح الكلام بدون حلول عشان يبدو كأنو اتنشن ساي

فالشَّاهِد من الكلام ده:
1. ماف زول ح يكون حريص عليك زيِّك يا بتي، احرصي شديد على نفسك من الهوى ومن التجاوزات دي ومهما غيرك زيَّن ليك إنو الحاجات دي سمحة وما فيها حاجة وانتي فايتك كتير يا أم جيقة
شيلي عن عينك الغباش والغشاوة حقت الوهم واتذكري إنو من أساس الدين والإيمان= مخالفة الهوى
2. الشيطان ما بقول ليك رايك شنو في الزنا زابط صاح؟ أكيد ح تشوفي الحاجة دي بعيدة ومستحيلة
لكن ياهو الشيطان بقول ليك نظرة، بسمة، مسكة يد، حُضن، أرح نتلاقى في حتة هادية عشان نعرف نتكلم
نتكلم؟ واللهِ؟؟
أهو دي نتيجة الكلام في الحِتَّات الهادية والجّخانين!!
3. من البداية خلي بينك وبين الحرام حاجز ومسافة أمان (المصافحة،اللبس،الـ dates،ونسة الليل الملانة تفاصيل ما ياها،المكالمات الطويلة، اللقاءات البدون حواجز، والعلاقة الاسمها - نحنا حبايب لغاية ما يكوّن نفسو ويجي يتقدَّم-) = افصلي الحاجات دي عشان تضمني لي قلبك الحلال
4. الحب زيُّو وزي أي رزق= مكتوب ومُقدَّر لينا،فما تستعجلي الرزق بي معصية لا تُحمَد عُقباها

وصدّقيني، الحلال يستاهل شديد
يستاهل نصبر عشانو ونربط على قلوبنا ألف عقدة صبر عشان ننال البركة، اصبُري الصَّابرات روابِح!

ربنا يرزقنا الحُب الحلال.. ربنا يرزقنا الحُب الحلال ويجنّبنا الحرام مهما كِتِر
ويا رب ما نشوف الغلط عادي، ولا الحرام عادي
واتذَكَّري= "من صَبَر ظَفَر"

في الخِتام..
ألا فاحرصي على قلبِكِ يا فتاة.. ♥️

وشُكرًا
وعفوًا
#صفية_مصطفى