صوّرتَ الصورة دي وفي خاطري اكتب معاها
"وحِيدة" .. بعدَ أن أكل الشوقُ قلبي واللهِ!
وإني لطالما آنستُ روحي ونفسي بشرب كوب القهوة مع أحبائي في شوارع الخرطوم وتحت ظلال أشجارها

لكني أتراجع الآن عن كتابة هذه الكلمة "وحيدة" بذاك الحزن ..

حيث إني بشرب في كباية جبنتي وأنا بخير وعافية، وأكلت قبلها لُقمة هنيَّة بعد جوع نهار طويل، وسعِي

أنا وحيدة؟
لكن سعيدة
فالحمدلله المُنعِم، المُكرِم، المُحسِن
الحمدللهِ مُستوجِبُ الحمدِ من قَبْلِ إتيانِ النِّعَم

نقول مجددًا
"لا يُنسيكَ حُزنًا واحِدًا، ألفًا مِن النِّعَم"❤️✨

مبدئيًا
البوست ده ما شيل حال، ولا مُشاركة لي خصوصيات الناس التانية
وإنما كلام من قلب أخت لي أخواتها فأتمناهو يصل زي ما هو بدون ما تدخلو شكوك في النَّوايا ")

في الأيام الأخيرة دي، بقينا نشوف كتير من الاستشارات على شاكِلة:
_يا بنات أنا وحبيبي اتلاقينا وحصلت بيناتنا حاجة وما كنتَ قاصدة، أنا والله تُبت وندمانة بس هسي خايفة أكون حامل أعمل شنو؟

_يا بنات صحبتي لاقت حبيبا وحصلت بيناتهم تجاوزات، وهسي هي خايفة تكون حامل، نعمل شنو؟

_يا بنات حبيبي بعمل لي كيت كيت،كيف افرّق بين إنو ده تحَرُّش ولَّا نوع من التفاصيل الحميمية البتكون بين المرتبطين؟

ياخوَانَّا دقيقة بس
متين قالو في تفاصيل حميميَّة بتحصل بين مرتبطين؟ متين قالو لمن تطوّلي من حبيبك مفروض تتلاقو بالأحضَان؟ متين قالو الـkissing والـ hugging شي عادي بل أساسي في العلاقات؟عشان بعدها الناس تخُش في حتّة ضيقة وتبدا تفتّش في البرفعا بعد تقع!
خلّيتو للعرس شنو طيب ياخوَانَّا،خليتو للحلال شنو؟

أنا ما هايجة ومنفعلة.. أنا بس حاسة إني منهارة وراسي ح يشيب من البحصل لينا ده واللهِ

ما دايرة أطرح الكلام بدون حلول عشان يبدو كأنو اتنشن ساي

فالشَّاهِد من الكلام ده:
1. ماف زول ح يكون حريص عليك زيِّك يا بتي، احرصي شديد على نفسك من الهوى ومن التجاوزات دي ومهما غيرك زيَّن ليك إنو الحاجات دي سمحة وما فيها حاجة وانتي فايتك كتير يا أم جيقة
شيلي عن عينك الغباش والغشاوة حقت الوهم واتذكري إنو من أساس الدين والإيمان= مخالفة الهوى
2. الشيطان ما بقول ليك رايك شنو في الزنا زابط صاح؟ أكيد ح تشوفي الحاجة دي بعيدة ومستحيلة
لكن ياهو الشيطان بقول ليك نظرة، بسمة، مسكة يد، حُضن، أرح نتلاقى في حتة هادية عشان نعرف نتكلم
نتكلم؟ واللهِ؟؟
أهو دي نتيجة الكلام في الحِتَّات الهادية والجّخانين!!
3. من البداية خلي بينك وبين الحرام حاجز ومسافة أمان (المصافحة،اللبس،الـ dates،ونسة الليل الملانة تفاصيل ما ياها،المكالمات الطويلة، اللقاءات البدون حواجز، والعلاقة الاسمها - نحنا حبايب لغاية ما يكوّن نفسو ويجي يتقدَّم-) = افصلي الحاجات دي عشان تضمني لي قلبك الحلال
4. الحب زيُّو وزي أي رزق= مكتوب ومُقدَّر لينا،فما تستعجلي الرزق بي معصية لا تُحمَد عُقباها

وصدّقيني، الحلال يستاهل شديد
يستاهل نصبر عشانو ونربط على قلوبنا ألف عقدة صبر عشان ننال البركة، اصبُري الصَّابرات روابِح!

ربنا يرزقنا الحُب الحلال.. ربنا يرزقنا الحُب الحلال ويجنّبنا الحرام مهما كِتِر
ويا رب ما نشوف الغلط عادي، ولا الحرام عادي
واتذَكَّري= "من صَبَر ظَفَر"

في الخِتام..
ألا فاحرصي على قلبِكِ يا فتاة.. ♥️

وشُكرًا
وعفوًا
#صفية_مصطفى

•═════❀🔘❀═════•


🌸 فِيْ هَذا الزَّمَانِ كثيرُ النّوازِل والماجريات، تتسامى نساءٌ صالحاتٌ، يَسْتَمْسِكْنَ بِدِيْنِهِنَّ، يَعْتَزِزْنَ بِقِيَمِهِنَّ، يَقَرْنَ في بُيوتِهِنَّ، يَقْتَدِيْنَ بالصحابِياتِ، يَرْجِينَ من اللهِ مغفرةً وجنةً فالصحابيّات : نِعـم القدوة الحسنة للأنثى المُسلمة، فحيّا إلى عالم يحفوه العظات والعِبر وأجمل اللفتات، وطُوبى لَهُنَّ ولِمَن تَوَلَّى تَرْبِيَتَهُنَّ سعادةٌ في الدُّنيا وفوزٌ ورضوان في الآخرةِ { يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى نُورُهُمْ بَيْنَ أَيْدِيهِمْ وَبِأَيْمَانِهِمْ بُشْرَاكُمُ الْيَوْمَ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا ذَلِكَ هُوَ الْفَوْزُ الْعَظِيمُ}




🌤حياكِ الله ومرحبا حُبّا وكرامة كل أحد الساعة 7ص بتوقيت السودان
عبر قناة [ في مواطِــــن الأزمات]⤵️
https://t.me/+NT5zpTUkuwRmZGE0

🔄 الدّال على الخيرِ كفاعله 🤍




💕 في مواطِــــن الأزمات لفتات مهمة تثبيت وتشجيع لكل مسلمة تُعاني ولكل مسلمة عانت في ظل أزمة الحرب في السودان


•═════❀🔘❀═════•

__نوّلنا سُؤلَنا ومُرادنا، ذاكَ الذي انتظرناهُ طويلًا طويلا🥀

"ولَا خيرَ في ليلٍ يفوتُ على الفتىٰ بِلا رَكعةٍ للّٰهِ صِدقًا تُقَدَّمُ .."

بعد خلّصتَ من تدريس حلقة السيرة النبويَّة الحمدلله دخلتا أقعد جوا شوية على بال يأذّن العصر ونصلي
جاتني واحدة من الطَّالِبَات قالت لي:
أنا في عرفة دعيت ربنا يجمعني بيك، وهسي دي كده واحدة من دعوات عرفة اُستُجِيبَت بحمدِ الله!!

لا بعرف المعسكر، لا كنتَ بعرف مدني، ولا حصل لاقيت البت دي أو اتكلمت معاها، وساقني القدر من يدّي جابني ليهم في المعسكر ده وفي الظروف دي سبحان الله

قبل عرفة بي يوم تقريبًا بتذكّر صحبتنا كتبت في الاستوري شاركونا بي جزء من دعوات عرفة للسنة الفاتت وربنا استجابها ليكم

كانت الدعوات كتيرة شديد ومختلفة شديد برضو
واحدة من الدعوات اللطيفة اللي أخدت ليها بالي واحدة قالت دعيت ربنا يطوّل لي شعري ويلهمني معرفة الحاجات البتنفع معاهو، وبالفعل خلال السنة دي شعري طال طول ملحوظ شديد تبارك الله!

واحدة من أحب العِبَادات لقلبي هي عبادة الدُّعاء!
وواحدة من هواياتي المفضلة أسمع قصص الناس اللي ربنا استجاب ليهم واسلّي بيها عن نفسي وقلبي!

عبادة الدعاء عبادة عظيمة وجميلة، وربنا يغضب من العبد إذا ما دعاهُ
ليه؟
لأنو ماف زول في الدنيا دي ما محتاج، محتاج لي كل شي
والحاجة والافتقار ديل لو ما كانو لله، فإنتَ أكيد ح تمشي تُذَل عند الخلق وتسألهم حاجتك
وربنا جل في علاه عايز المسلم يكون قويّ النفس عزيز، لا يسأل إلا الله، ولا يفتقر إلا لله، ولا يطلب إلا من الله

كذلك عشان يربّينا على إننا ما نعاين لي العند غيرنا، ويجينا شعور إننا أقل منهم وربنا ما مُكرِمنا!
"وَلا تَتَمَنَّوا ما فَضَّلَ اللَّهُ بِهِ بَعضَكُم عَلى بَعضٍ لِلرِّجالِ نَصيبٌ مِمَّا اكتَسَبوا وَلِلنِّساءِ نَصيبٌ مِمَّا اكتَسَبنَ وَاسأَلُوا اللَّهَ مِن فَضلِهِ إِنَّ اللَّهَ كانَ بِكُلِّ شَيءٍ عَليمًا"

تفاصيل كتيرة مُرهقة بالنسبة لينا، حاجات كتيرة نفسنا ربنا يدّينا ليها، وأمور كتيرة عايزين ربنا يهوّنها علينا، وشتات كبير في القلب والنفس ما ح يتلَم إلا بي سؤالنا لي ربنا

فياخوَانَّا..
السلف كانو شِدّة ما بسألو في صلاتهم ربنا من أي شي، أي شي حرفيًا يعني
كان الواحد فيهم لو نِعَالو دي اتقطعت بسأل في صلاتو ربنا يرزقو واحدة تانية، وكان الملح في بيتو انتهى بسأل ربنا يدّيو ملح

وده مِصداقًا لقول رسوله الكريم عليه أفضل الصلاة وأتم التسليم:
"ليسأل أحدكم ربه حاجته كلها حتى شِسعَ نعلهُ إذا انقطع"

هل حدد لينا في الحديث ده نحنا نسأل بس عن الحاجات الكبيرة والبتستاهل بَس؟
ياخوانَّا نحنا لمن نسأل، قاعدين نسأل رب كريم إذا دُعي استجاب، وإذا سُئل أعطى

أكلو حلال، واعبدو ربنا، وصلّو وأدعوه في صلاتكم من أي شي، وما تمدّو عينكم لي العندَ الناس،وما تقولو يا رب عايز زي فلان، اسألو ربنا يدّيكم من فضلو هو كريم بدّيك أحسن من العند فلان ده!

أخيرًا..
ختّو قدام عينكم وقلبكم:
ليسأل أحدكُم ربَّهُ
حاجتَهُ كلَّها♥️

#صفية_مصطفى

لَعَلَّ جيلًا شَهِدَ الآلام والجِراح والتَّعَب، يَشهَدُ الفَتح المُبين أو يُعِدُّ له.

فلم أرَ غيرَ حُكمِ اللهِ حُكمًا
وَلَم أَرَ دونَ بابِ اللَهِ بابا

وَلا عَظَّمتُ في الأَشياءِ إِلّا
صَحيحَ العِلمِ وَالأَدَبِ اللُّبابا

وَلا كَرَّمتُ إِلّا وَجهَ حُرٍّ
يُقَلِّدُ قَومَهُ المِنَنَ الرَّغابا 🩵

ما ادري مَن علّم مَن
بقلم الشيخة الفاضلة اشجا عبد المقصود

احاول السيطرة علي دمعي وانا اكتب. طالبتي تعلمني للمرة (لا استطيع الحصر)

منذ اسبوع وهي مصرة علي ان تنهي ما تبقى لها من ختمة قالون
اقول لها كيف
تقول

اليوم في نعمة الكهرباء والنت
غدا با بعرف شو بيصير
انا اسمع لها وصوت القذف يرجف قلبي
وهي كأنما تتحصن بتلاوتها
ختمت منذ قليل
ختمت وهي تقول لي
معلمتي اقبلي ما كان من زلل
انا اسمع بجانب ركام بيتنا
ولكن الحمد لله بيت الجيران فيه نت
تضحك وتقول هل تقبل الختمة وانا سارقة النت

لا عندي تعليق
ولا عرفت ارد

والله يا سوريا نحن من نريد منك الدعم
والله يا فلسطين نحن من نستحق منك الدعم
والله ما عرفنا عزم ولا عزيمة ولا حق الايمان إلا منكم

ملحوظة
طالبتي قالت احفظي عندك اجازتي
لا اريد اوراق
اريد ان ارتل عند الله وارتقي