"عشت اليوم هدوءاً مخططاً له حين تخليت عن الجوال من الفجر حتى صلاة المغرب، ومن العشاء حتى الواحدة فجراً في محاًولة لخلق نوع من القطيعة وصناعة انتصارات على هوامش الحياة."

("💌..

"بادٍ عليه حنينُهُ، لو خبَّأَهْ"🥀

"فأعظمُ مَجدي أنَّك لي أبٌ
وأكبرُ فَخري قولك: هٰذِه ابنتي"❤️

للرجال فقط.. مسار الحفظ حُر. -من حيث شئتم-

لا تضيعوا الفرصة.. وأنتنّ يا فتيات! ^^ أرسلوها لآبائكم، وإخوانكم، وأزواجكم، وأهلكم من الرجال... كتب الله أجوركم.🫧

https://docs.google.com/forms/d/e/1FAIpQLSfs6yk7obx5_4V0QQmIb2Tizeu2WNn1hj9f_OUsX4ShjfaRWg/viewform

__سَهُلَت عليهِ الأسفار.. ")

دخلنا أنا وصحبتي محل ملابس فتح جديد، عشان نتنَوّر لأننا الأيام دي في مطلع كل حاجة هي عبارة عن رفاهية ونفسنا تدخل فيها بنقول رفاهيات شنو ونحنا في "الحرب الضرب"🤣
المهم
وأثناء ما بنتفرّج كده والملابس حلوة حلوة شديد ما شاء الله وأنا أساسًا بحب جلاليب وفساتين البيت، فبقول ليها أنا عايزة أعيش هنا للأبد، أنا عايزة أعيش هنا للأبد!!

لاحظتا ليها وهي بتتفرج على أطقم هندية كده معروضة وحلوة شديد فقالت بصوت خفيض
"لبَّيكَ إنَّ العيشَ عيشُ الآخرة"!

والحقيقة ده قول عن النبي ﷺ كلما يشوف حاجة من مسرّات ورفاهيات الدنيا بقول لبيكَ إنَّ العيشَ عيشُ الآخرة!

قبل كم يوم جيتا داخلة شايلة ليها في يدي عطر ريحتو حلوة شديد، وأنا عارفة إنها بتحب العطور ومنتظرة ردة فعلها
أول كلمة قالتها لما فتحت الفتيل عشان تشم الريحة،
"يا رب ما تحرمنا من ريحة الجنة"!

وفي الحقيقة ده ديدن صحبتي دي تبارك الله كلما تتعَطّر أو تولّع بخور أو تشم ريحة حلوة، بتقول يا رب نشُم ريحة الجنة
وتقعد تسألني يا صفية دي عطور الدنيا طيب ريحة الجنة كيف؟!♥️

بحب فكرة ربط كل شي جميل بالآخرة
كلما تشوف حاجة سمحة تتذكر الجنة وتُوقِن إنو حتى لو في حاجات كتيرة في الدنيا دي نحنا عاجزين عن امتلاكها
ففي الجنة ما لا عينٌ رأت ولا أُذُنٌ سَمِعَت!

شتان ما بين
"عايز أعيش هنا للأبد" وشعور الحسرة على عدم امتلاكك لكل ما هو جميل وجذاب في الدنيا

وبين شعورك بِالاطمئنان لأنك بعد أيام قلائل في الدنيا دي، ح تلبس من ثياب الجنَّة

نُحبُّ الجنة، وكل من يُذكرنا بها،
نحبّ كل من يقول لنا عندَ كل حسرةٍ على فقدِ ما كان بحوزتنا أو على ما لم يكن بحوزتنا "لبَّيكَ إنَّ العيشَ عيشُ الآخرة"

وأخيرًا
"نحنُ مدينُونَ بالحُبِّ لكلِّ من دَلَّنا إلى الله"♥️

#صفية_مصطفى

يومِك ضايع ساي؟😰
ماعارفه مستقبلِك ماشي علي وين؟
بتفتِشي علي الحل؟ 🔍

بين إيديك كورس "التخطيط الشخصي" من منصة نورة
خطوتك الأولى💕
والبوابة الحتغير حياتك بعد الله وتوفيقه..🚪🥳

اتعلمي تخططي لِحياتك صح 💪
قللي من مِساحات الفراغ، وركزي على أهدافِك المُستقبلية وتابعي تحقيقها خطوة بخطوة.. خليكِ مميزة وناجحة، شقي طريقك لأي حاجة إنتِ عايزاها..💜

للمزيد من التفاصيل
واتساب
https://wa.me/+249916440555

تليجرام
@NourahPlatform

#نورة #منصة_نورة
#منصة_سودانية #كورسات_مخفضة
#منارة_العلم_والمعرفة
#مع_نورة_حلمك_حقيقة

طلعنا من الحرب طلعة خُلعة زي أغلب الناس
وزي أغلب الناس برضو مرقتا من البيت بي غيارين عشان الموضوع ما ح يطول!🤣

المهم،
شلتَ شنطة ضهر فيها بجامتين وفرشة ومشط وشاحن وسماعة
المهم
الشنطة القِدَّامكم دي، رقدنا بيها مستشفى، لفيت بيها الحِلة والحصاحيصا ومدني،
غيار بيت وتوب في شنطة، كانو كفاية تمامًا إني أعيش حكاية بتاعت كم شهر عادي
أجل اتيسّر لينا قرشين في البيت بحمد الله وجبتا جلبابين جُداد وبجامة وفرحتا بيهم فرح تحلف تقول اشتريت السوق كلو🤣
لكن بالرغم من ده
بلقى إني بنتَقِل من مكان لمكان وأنا شايلة شنطة ضهر صغيرة فيها غيارين ومستعدة أعيش بيهم فترة طويلة طول ما هم سليمين!

الانتبهتا ليو إنو الإنسان ممكن فعلًا يتخلص من التكديس القهري الكان عندو
ومن المية كتاب ودفتر، والمية عباية وستين بجامة بيت

الإنسان ممكن يعيش وما يموت عشان ما عندو هدوم كتيرة ودولاب ملان، وعفش كتير!

كان عندي تعلّق كبير بكل مُقتنياتي، قصة مع كل دفتر جديد اشتريتو، وكل كتاب وكل لبسة
دي أول عباية اشتريها من زاد
واللبسة دي جبتها من أول مرتب
والدفتر ده أهدتني ليو فلانة، والمصلاية دي اشتريتا من جنب الحرم، والمصحف ده معاي من دخلتا الجامعة، والعباية دي جاتني هدية
أنا كنتَ في البيت ما بصلّي إلا في مصلايتي، وما بنوم إلا في مخدتي وبي دفَّايتي، وما بقرا إلا من مصحفي وما بشرب إلا في كبايتي وهكذا!
وعشتَ أول شهر بعد الحرب ببكي يومي على الله عشان عايزة بيتنا ودولابي وسريري وكل شي يخصّني

حاليًا
بقيت أخُت راسي في أي مكان تمسي عليّ فيو الواطة🤣
سرير، كرسي، واطة
اتغطا بي توب، بي ملاية، الساهلة بس
أنوم في بيتنا ولا بيت الجيران
ألبس هدومي ولا هدوم أختي
اقرا من التلفون ولَّا أي مصحف يلاقيني المهم أجيب وِردي

في الحياة
مُحتاجين شويَّة نتخَلَّى
ونتعَلّم إنو كل الحاجات المحببة لينا دي، ما مفروض تشغلنا عن محبوبنا الأول وهو ربنا عز وجل، وتكون سبيل في الوصول لي محبَّتو سبحانه وتعالى لينا

في الحياة
محتاجين نتعلَّم ما نحب الأشياء لأصلها، وإنما للمقصد المفروض نوصل ليو من خلالها

المصلاية جبناها لأجل الصلاة، يبقى كل واحدة تغني عنها فهي كفاية
والملابس للستر، يبقى أي شي يستر بدنَّا فالحمدلله عليهِ
وهكذا مع كل الأشياء، الحاجة دي رغم مرارتها وصعوبتها إلا إننا لو اتعلّمناها ح نختصر مشوار حزن طويل على قلبنا، ونبطل نحزن على كل شي يغادرنا أو نغادرو
لأننا لو جينا حسبناها حسابات حسابات
فنحنا في يوم ح يجي، ونخلّي الدنيا بمن فيها وما فيها
وما ح تدخل القبر غير بي عملك

وأخيرًا
"في التخلِّي التَّحَلِّي
ومن تَرَك مَلَك"♥️

#صفية_مصطفى

أذكركم ونفسي:

«مَن قال: أستغفِر الله الذي لا إله إلا هو الحي القيوم وأتوب إليه، ثلاثا، غفر له، وإن كان فر من الزحف».

"اذهب فإني لا أرى شمسًا بِعَيني؛ وإنَّما أعرِفُهُ بِقلبِي" ..❤️!

ياخوانَّا واللهِ جايطة وأي شي، لكن كدي صلّو على النّبي ﷺ وباركُوها، بتمشي وتهون بإذن الله♥️

خلال الـ24 ساعة الجايَّة دي أي وحدة تسجّل في الكورس من قناتي هنا، عندها تخفيض❤️

قولي ليهم إنك جاية من قناة صفية🌸

سجلو من هنا:
https://wa.me/+249916440555


++
ادخلي برضو قناة المنصة بكون عندهم حاجات for free للفايدة والمُتعة🥳❤️
https://t.me/NourahPlatform

خُطُواتٌ صَغِيرة :) ..

(أحمَد وَلَا ود أحمد)

كنا قاعدين نتسحّر عادي على أصوات الطيارات والدانات الطايرة فوقنا، لقينا أخوي بقول لينا لمّو هدومكم ح نطلع الفجر!!

أحمد أخوي قرر يحرس البيت ونطلع نحنا الجزيرة، قلتا ليهم بس خلاص أنا بقعد مع أحمد ماني ماشة معاكم🤣

أنا وأحمد زي الكديس والفار، اليوم كلو نتناقر، أمي قالت لي دقيقة واحدة ما بتقعديها بي ورانا عشان تجي تاني يوم تكوسي في الدرب البتمرقي بيو؟!
ما بخليك اتي وأحمد في حتة واحدة🤣

أها ياخوانَّا في الجزيرة الدقيق الأحمر ده، أو الفتريتا
بقولو ليو "ود أحمد"
الكسرة الحمرا دي بتنزل في معدتي تشششششش زي الجمرة

لمن الموضوع ده كِتِر عليّ خلاص وغلبني
بقيت بقول ليهم ياخوانَّا لا إله إلا الله
أحمد ولا ود أحمد، الشي ده ما بقدر عليو خلاص أنا قُلتا الروب عديل🤣!

لِف يا زمن ودوِّر، البيت ما كان فيو ولا عيشة يابسة
وأنا جيت من برا ما ماكلة شي،
فتحت الريكة لقيتا فاااضية، فتحتا الحلة لقيت ما فيها شي، فتحتا التلاجة اتذكرت الكهربا قاطعة ليها ٣ يوم

عاد ياحليلك يا ود أحمد، افتريت واتغلّيت

بقيت اكورك بالحيطة لي مرت خالي
يا نشواااا، نشواااا
عليك الله ما بلقى لي عندك حَرفين ود أحمد اعدِل بيهن مُشهادي
لغير الناطقين بها:
دايرة لي طرقتين كسرة امشّي بيهن حالي🤣

وحكمة الله ما لقيت، اليوم داك نمتا للصباح جيعانة🤣💔

من وقتها
آمنتا واقتنعتَ إنو البطر على النعمة كعب وشين وبِمحَقها عليك

وآمنتَ واقتنعتَ إنو الحمدلله الواحد يقولا على الموجود وما يعاين للمافي
عشان لولا الحمد ما دامت لينا نعمة



وأخيرًا:
"كَتِّر حَمُد، قَلِّل شَكِيَّة"♥️

#صفية_مصطفى

«إذا تمنى أحدُكم فليُكثر؛ فإنما يسألُ ربَّه».

-أم المؤمنين عائشة

وقَد قالت يُمَّا -أم أمي ربنا يبارك في عمرها-

__العِند السِّيد، أقرب من الفِي الإيد❤️")

فتحتَ تلغرام صُدفةً لقيت صورة أبوي بروفايل توَسُّل! ..توَسُّل=تعرِيفُ المحبَّةِ والوَفَا، على قدر شوقا وحبها لي والدها، كانت مُقدّرة تمامًا لهفتي وخوفي على أبوي في مرضو وتعبو، عمري ما حسيت إنها بتتعامَل معاو كـ"أبو صفية" بقدر ما هي شايفاو أبوها برضو! فإن قِيلَ من أصدقُ الناسِ في حياةِ صفِيّة؟! لكانتِ الإجابة توَسُّل زُهير واللهِ، رعا اللهُ قلبها ورعاها..❤️

ويا رب
اشفِ أبي ينكَأُ لكَ عدُوًّا أو يمشي لَكَ إلى صلاة ❤️