لما تقرّر تصبح أفضل
خلّي بداية دربَك آية!♥️

تقريبًا كلنا كده عارفين قصة الصحابة رضوان الله عنهم، لَمَّا سألوا السيِّدَة عائشة رضي الله عنها من خُلق النبي ﷺ فقالت ليهم "كانَ خُلُقهُ القرآن"🌸

دايمًا بِنَلقى برامج وحلقات لحفظ القرآن الكريم ،لكن قَلَّما نلقى حلقة لتدَبُّر وتفسير اللي حفظناه
وده اللي قررنا نعملو في برنامج ٢١ يوم تغيير 🔥
كيف نفعّل القرآن الكريم في حياتنا اليوميَّة وناخُد تفسير وتَدَبُّر لي سُوَر مهمة في حياتنا كمؤمنين، كيف نباري رسولنا الحبيب ﷺ خطوة بخطوة♥️

في مساقنا الأول: آنَستُ نُورًا
ح نعِيش مع ثلاث سُوَر من أكثرِ السورِ فضلًا وبَرَكة :
-سورة المُلك
-‏سورة الإنسان
-‏سورة السَّجدة

انتظرونا في المنشورات الجايَّة بإذن الله لمزيد من التفاصيل لبقيَّة المساقات ♥️
وزي ما قلنا:
العدد حيكون محدود لضمان المُتَابعة والتفاعل والفائدة إن شاء الله 🥳
تفاصيل البرنامج:
-أون لاين على منصة تلغرام
-‏رسوم الاشتراك 5 ألف
-‏رقم التسجيل والاشتراك: 0960060135

#٢١يوم_تغيير

أحبُّ القوامة، أحبُّ فكرة القوامة نفسها، أن يُنَزَّل أمر ربَّانيّ مُخصَّص لأجلي، مُقتضاهُ القيام على شؤوني، رعايتي، حمايتي، تأميني ماديًا ومعنويًا.
أحبُّ كَوْني امرأة مُسلمة، مَحفوظة تحت مظلَّة الإسلام، لم أُترَك مُفرَدة لأعبث في الدنيا كما أشاء، وأتخبطُ بين جنباتها بلا دليل ولا هُوية، بلا مُرشد أو مُوجِّه.. بلا أب أو أخ أو زوج.

أحبُّ معنى اللجوء، الاحتماء، الاستتار، التلحُّف بأحدهم، أن أسير في حِماهُ راغبة مُختارة، غير مقهورةٍ ولا مجبورة، وُجداني مُطمئن أنني أُعوِّل على سند إن مالت الدنيا لا يميل لأنه موثوق.. وإن مَلَّت الدُنيا لا يَمَل لأنه مسؤول، وأنا مسؤوليته.. أحبُّ فكرة أنني مسؤولية أحدهم.

وأحبُّ للأنثى أن تستمتع بكونها أنثى تحت قوامة (رجل).

_ آلاء وجيه

#مركز_نور_الثقافي

▪عقوق :

بعض الأبناء بيجبر والدينو
انو :
(يتكلفوا)..
أو
(يبرروا) ..
أو
(يراعوا ليهو شديد)
وطبعاً
دا من (العقوق)
وهو المسكين .. متخيل إنو (شخصيتو قوية)
قوية على منو يا غلبان ؟

_مصطفى شكوكو

الاطفال طباعم وقدراتم بتجي معاهم،
ما نلاويها، ولازم نقارنها بيها هي بس::

مرة دخلنا بيت جماعة اهلنا، فقام محمد عماد "كان عمره زي ٧ سنوات كدا" قام سلم سريع بي كلفتة كدا، وبدا يلعب طوالي، وشهاب عماد مشى سلم بي محنّة كدا. قريبتنا ست البيت مسكت محمد قالت ليهو بِس عليك، عاين شهاب اخوك دا بسلم احسن منك كيف.
طبعا موضوع المقارنة دا موضوع بوترني جدا. لانو المصنع الاول بامتياز للعقد.
ودا واضح جدا زي ما شايفين.

الطريقة البفكر بيها في المواقف الزي دي انو ما اعمل المعتاد انو اقول للزول الكبير ما تقول ليهم كدا. الناس الكبار بيتحسسو. وكمان الحماية الحقيقية بتحصل لمن تخلي الطفل هو يقدر يتعامل مع المواقف دي براهو. وتصنع ليهو مستقبلات يقدر يستقبل بيها الكلام الزي دا بطريقة صح، ويعرف يتصرف صح. دا البخليهو يقدر على شدة الحيل الدايراها الحياة، وكمان انت ما حتحضر كل المواقف، وتشتغل بوليس كلام للناس الكبار.

فبعدها طلعنا وسقتو معاي مشوار براهو، قلت ليهو انت لمن قبيل قالو ليك كدا حسيت بي شنو؟ قال لي اتغظت. قلت ليهو ما غِرت شوية من شهاب؟ قال لي ما شديد. فقلت ليهو ليك حق تتغاظ وتغير، لكن تعال اوريك حاجة تحل ليك الموضوع دا لي قدام.

تفريعة صغيرة كدا، طبعا نحن متفقين معاهم عموما انو مافي زول كبير على الصح، وانو الكبير في البيت هو الكلام الصح. اي زول يغلط ياخد على راسه. الحركة دي حارة شديد في الاول طبعا. الديناصور بكون شغال شغله طبعا. ابو وتغلط دي فضيحة عديل. المهم الواحد روّض نفسو، وعشان عارف قيمة الحاجة دي قِدر يصمُد، لحدي ما بقينا نتهزأ عادي.

المهم نرجع لي محمد، فقعدت اتكلم ليهو عن تنوع البشر، في القدرات والمواهب. كنا جايين من مصر قبلها بكم يوم. قلت ليه، شوف الطيارة الركبناها، عاين السايقا والصنعا والبيصينها والركاب واختلاف مجالاتم، وسرحت معاهو في كل التخصصات والمجالات الـ الله قدرني اتذكرا، المهم قلت ليهو شوف، زي التنوع دا في التخصصات الناتج من القدرات والمواهب، في تنوع في الطباع والخصال وفيها المكتسب وفيها البتجي بيهو خلقة.

اي موقف بتاع مقارنة تمر بيهو خليك متذكر انو زي ما شهاب عندو ميزات عليك، انت برضو عندك ميزات عليهو. وقعدت اعدد ليهو ميزاتو الكنت شايفا الوقت داك. قلت ليهو لمن يتقال ليك كدا خت الكلام دا في راسك اول حاجة، واتعلم تستقبل الشكر بتاع اخوك او اي زول تاني بي فرح ليهو، وقول للزول البقارن بينكم، والله انا مبسوط انو شهاب فيهو دا، لكن انا برضو فيني كدا وكدا وكدا. حتى لو ما قلت الكلام دا، خليهو دايما في راسك. وذكر روحك بيه. والناس الكبار ديل عادي مرات بقولو كلام غلط فما تعتبره صح عشان قالوهو هم. حتى لو انا ولا امك.

المهم، انا متبني تلاتة قيم في التربية، واحدة منهم انو كلو زول في الدنيا دي كنتة ومافي منو اتنين، نتعب ليهم ومعاهم انو نعرفا لكن معرفتها دا ماهو واجبنا الاساسي، واحبنا انهم يعرفو انهم مميزين، بطباعم وقدراتم الجو بيها ونخلي الحاجة دي عندهم زي العقيدة. نحن كآباء دورنا انه نحافظ عليها وننميها، ونحميهم من فكرة الديناصور السوداني الداير يطلعنا كلنا نسخ. مستحيل دا يحصل طبعا.
المقارنة هنا هي العدو الاول للقيمة دي، وحتكون اول منجم للعقد.

ارساء القيمة دي في التربية هو الصعب، لانو لمن تحافظ لي اولادك على اعدادات المصنع، غالبا حيكونو في البداية زي المعاتيه قدام الناس والمجتمع، لكن بيكبرو وهم ماشين لتميز راسخ، واهم شي بالساهلة، لانه منهم وفيهم.

طبعا بتحاول معاهم في الحاجات الناقصة والبتسهل عليهم الحياة مع الناس، لكن الواحد فيهم بكون عارف ليه بيعمل كدا، رغم الصعوبة البتواجهو.

الواحد لازم يكون عندو علاقة خاصة جدا مع كل واحد من اولاده، ويركز انو يتعرف على كل واحد من خلاله هو، ما من خلال احلامنا تجاه انهم يطلعو شنو.

النظام التعليمي في السودان طبعا محكوم بالديناصور، فدي عملية مرهقة جدا، لانو اليوم كلو بتكون بتلقط في الاخطاء البتحصل، ولانك سالك الطريق الصعب. ما بتمشي تشاكل الاساتذة، وشغال بوليس كلام للناس وتشاكل كل البغلط معاهم. لكن مركز مع الزول الصغير دا، وبتدرب فيهو وتفشل المحاولة عشرين مرة بعداك تبدا تنجح. ودا هو الصعب.

حسي الغريبة محمد بقا سلامه مميز شديد، وشهاب شكلو غير رايه من الموضوع دا بقا بسلّم كاتم صوت😅. كويس انو نتكلم معاهم في الناقص بس ما نضغطم.

طبعا كانو بقولو على بَصعِّب الحياة، لكن الواحد حسي بي قلب قوي بيقول انو ما كان غلطان، ودا ما بينفي انو في ناس تانين عندهم افكار احسن واجود، حتى لو اختلفت معاهم. نحن في النهاية ما في سباق مع بعض. ودا فقط مني للمشاركة للبشوف فيهو فايدة، وطبعا مطروح للنقد الموضوعي.

لكن انا مُصِر انو ؛
الاطفال طباعم وقدراتم بتجي معاهم، ما نلاويها، ولازم نقارنها بيها هي بس، مقارنتا بيها بتخلي الطفل بينافس روحو ما زول تاني، ودا هو محل التطوير المستمر.

ونحاول نلغي فكرة العيوب دي، لانو هي نقيصة في حتة وتمام في حتة تانية.
انت زاتك لمن تعاين كدا حتسهّل على نفسك حب اولادك، وانهم يحبو بعض، بدل الغيرة والحسد البتبدأ زراعتو من هنا.
______
الديناصور = الثقافة = نظام التوجيه العميق والخفي، في مجتمع ما.

كتبهُ: عماد صالح

__يا طِيبكم وطِيبَ من أنشَأكُم، للهِ أنتم وآباؤُكم ومن عَلّمكم♥️

‏كان من دعاء النبي: "وأسألك قُرّة عينٍ لا تنقطع"☘️

"قرّة عين"
أن يرزقه الله الاستقرار في الأمور كلِّهـا، خيرِها وشرِّها
بأن يرى كلَّ قضاءِ الله لُطفًا منه سُبحانه

وهذا يتبعه استقرارٌ بالقلب، وشعورٌ بالأمن والطمأنينة، لأن العينَ بوّابةُ القلب، فإذا استقرّت العين: استقرّ القلبُ لا محال🤍✨

أرحم مكان للمرأة هو بيتها، المرأة فى بيتها آمنةٌ.💚🍀

طلعَ البدرُ علينا
من ثَنِيَّات الوَدَاع ♥️

حُب النبي ﷺ جارِي في دمّنا بالفطرة كمُسلمين، لكن الواحد مننا لو سألوه من أبسط معلومة عن حياة النبي ﷺ أو سيرتو ح يدخُل في ضفوره ويتضَّايَر! ..

نفسك تحفظي السيرة دي في قلبك وتطَبّقيها في حياتك بكل حُب وتكوني ممن أحبهم الله عشان اتّبعو رسوله؟

أو نفسك تعرفي أكتر عن زوجات النبي ﷺ وبناته وكيف كانو خير نساء الأمةِ أجمع؟

في مساقنا التاني من برنامج ٢١ يوم تغيير
نبشّرك إننا في ٢١ يوم ح نحفظ الآتي:

-قصيدة أو خلينا نقول "متن" من أجمل المُتُون في السيرة النبوية، فيها عرض لي حياة النبي ﷺ من ولادته لغاية حجة الوداع وموتهُ
ح نحفظها سويًا وننشِدها بي أصواتنا برضو والموضوع حماس والصّفقة فوق 😂♥️

- ح نعيش أطيب الأيام في صُحبة زوجات وبنات خيرَ الأنام ﷺ ونعرف سيرتهم ومواقِفهم اللي خلَّدها التاريخ

وفعالِيَّات سمحة أُخرى ح نغنِج بيها ستعلَمُونَها قِدَّام😌🔥


ننوّه إنو التسجيل في برنامجنا ما زال مُتَاح لكن المقاعد المتبقية محدودة 🥳

تفاصيل البرنامج:
-أون لاين على منصة تلغرام
-‏رسوم الاشتراك 5 ألف
-‏رقم التسجيل والاشتراك: 0960060135

#٢١يوم_تغيير

يوم أمطرت السماء مطرًا شديدًا؛ خشيت على نعلي أثر طين الطرقات كثيرًا، واحترزت منه لنعلي طويلًا، والطين طاهرٌ ومادته أصل خلقتي، وما يصيبني منه يغسله بعض الماء بلا جهدِ ولا مشقةٍ.
قلبي الذي هو محل نظر ربي -تباركت غيرته على عباده- كيف أُعرِّضه لوابلٍ من الشهوات وصيِّبٍ من الشبهات لا أبالي؟! ثم إنه إذا أُصيب بشيءٍ منها أجهدتني تزكيته، ولا أدري يعود بهذا نقيًّا أم لا.
ويحي! أيكون لنعلي من عناية نفسي ما ليس لقلبي؟! بك اللهم أستعين على ما تحب في قلبي وترضى.
- حمزة أبو زهرة.

«وأبحثُ عن شفائي منكَ فيكَ!»

"إنّ للشدة مُدّة
ثُمّ يلقى المرءُ سعدَه

فاصطَبِر تلقى انفراجًا
فاصطبارُ المرءِ عُدّة

لم يَدُم قطُّ بلاءُ
فارجُ من ربّك رفدَه

أحسن الظنّ وأيقن
أن كل الأمرِ عندَه

فإذا ما شاء شيئًا
لا يطيق الخلقُ ردّه

ومع الإعسارِ يُسرٌ
ثُمّ يُسرٌ جاء بعدَه"

"إنَّ امرءًا ذهبت ساعةٌ من عمرهِ في غيرِ ما خُلقَ لهُ؛ لَحَرِيٌّ أن تطولُ عليه حسرتُهُ إلى يومِ القيامة."💔
أيها الولد، الإمام الغزالي

حواءُ يا سِرًا تحجَّب في رداء الأنبياء
الله أعلم فضلكِ ليس الرجال كما النساء

ما محتاجين نشرح كيف إنو زمنَّا ده بقت تعقيداتو كتيرة!
لأننا كلنا عايشين جوه المِحنة شخصياً وشايفين بعيونّا،
كان لا بُد من سبيل وسِلاح يحفظ علينا هدوءنا من تشوّش الأفكار والطرق والناس ♥️

ففي ٢١ يوم تغيير ح نحدّدها مع البؤس بمساق جميل على الوجع تماماً
مساق "لستُنّ كأحَد"، ح نعرف من خلاله:

-ليه دائمًا في جوطة في قصة المرأة والرجل والفطرة ومن وين بدت المشكلة؟

-تأصيل شرعي وفكري بأسلوب مبسط عن مكانة المرأة ودورها وكيف عاشت زمان في عصور جميلة خالية من العُقد والتشوهات!

-كيف ح نكون جزء من الحل؟ وكيف نصنع مجتمع مُعافى عايش بالوحي والشرع؟!

ده كان مساقنا الثالث والأخير، في ٢١ يوم تغيير
اعتذاراتنا لكل واحدة ما أسعفها الزمن تسجّل ،مقاعد البرنامج اكتملت بس موعودين إن شاء الله بدفعة قادمة وحلويات جديدة.

كونوا بخير وكونوا أملًا لهذه الأمة♥️

#٢١يوم_تغيير

هل العلاج النفسي الجماعي مفيد؟🤔

#طمأنينة
#رحلة_مطمئنة_لنفس_مطمئنة

‏"لو عندي وسام بطولة، منحتُه لأولئك الذي يمشون على أحزانهم لغاياتهم، لا تعطّلهم ظروفهم عن إعاقة جداولهم ليس لأنهم خارقون أفذاذ، ولكنّهم ملكوا خاصية الاستمرار..

‏الاستمرار أكبر فضائل عصر المتغيرات والمتقلبات اليوم."

- منقول

دعوة واحدة قد تغير الكثير
اجتهدوا

خزائن الله ملأى ✨

لا حول ولا قوة إلا بالله!

كزول آمن في بيتك وما عندك استعداد تضحّي بسلامتك ولا سلامة من تُحب =أقل واجب تسكت، تحني رأسك مُتمتمًا بالسلام والدعاء إذ ذُكِر حُماة الديار في مجلسك، أو ترفعه للتحية إذا مروا أمامك
أسكت.. أسكت.. أسكت ١٠ مرات.. وما تفكّر تنظّر أو توري جندي يعمل شنو وما يعمل شنو.. المجاهدين يوروا بعض يصلّحو بعض يقتلو بعض.. انت ما شغلتك..ما توريهم وما تقول شي
عارف ليه؟ لأنو يو آر نت ذا سيم.. وما أنا القلت.. قالها ليك ربّك الخلقك 🤦🏽‍♀️
يقول ربك الذي شرع "القتال" كوسيلة لحماية الأرض والعرض والدّين، يقول أنكم لستم سواء:
"لا يستوي"
القاعِدون من المؤمنينَ غيرُ أولي الضررِ
والمجاهِدونَ في سبيلِ الله بأموالهم وأنفسهم!
"فضّل اللهُ المجاهدين" بأموالهم وأنفسهم على القاعدين درجةً وكُلًّا وعدَ اللهُ الحُسنى
"وفضّلَ اللهُ المجاهدين على القاعِدينَ أجرًا عظيما" 🙌🏽♥️
في ناس من كتر النقة والطعن في الجيش والتخوين الزول يحس قرّوهم انو التنظير ذروة سنام الإسلام. 😀
يعني باقي عليهم مع الخيابة والجبن والخذلان =كلام كتير فاضي
الواحد يكون ما حصل ليه الشرف يطعن ٩ طويلة ساي وعندو لسان يطعن في جنود ما شالو نفسهم ٨ شهور!

معليش يعني.. لكن الله لا جاب باقيكم جد جد يخواننا.. عشان انتو في روحكم كده وبال على البلد.. ما ناقصين باقيكم.
اتقوا الله في روح فاضت لتسلم أرواحكم
واتقوا الله في أبناء وبنات ونساء الشهداء
واتقوا الله في أمهات الأسرى الوقعو في الأسر وهم مرابطين في مدن طلعتو حمّلتوهم مسؤوليتها
اتقوا الله في السودان الما فاضل ليهو أمل أصلاً غير شرفاء الجيش
اتقوا الله فيهم وما تقصّو ظهرهم بخذلانكم.. أصلاً الحرب والدعامة والعالم كله ما مقصّر في استهدافهم وإحباطهم

منقول من: أروى علي