ربَّنا يِجمَع ليك الدُّنيَا والدِّين يا بتِّي❤️
__أبويّ

الناس تساعدنا بي الشير ياخوانَّا، عسى ربنا يسخر ليكم الناس بعد رحيلكم❤️‍🩹

ربنا يرحم دكتورة ولاء ويجعل مثواها الجنة ويربط على قلب أهلها وأحبابا، آمين آمين

بمناسبة تحرير سنجة خلّوني أقول كلام لَي زمن طويل عايزة أشاركو معاكم وما اتسهلت لي❤️‍🩹

مبدئيًا الكلام ده للناس الما عارفة المطرة صابَّة وين🤣♥️
كلنا صحينا من النوم فجأة لقينا الدنيا مقلوبة فوق تحت وحياتنا وخططنا كلها اتغيَّرت
في ناس اختارت تفهم الوضع عشان ما تكون مخمومة ساي، وفي ناس ياهو تلقى التايم لاين مع الجيش تقيف معاو، تلقاو قالب ضد البرهان تقلب معاو!

فـ شنو ياخوانَّا
الحـ*رب الحاصلة دي زي ما بقولو هي حـ'رب وعي بامتياز
يعني لو انتا فاهم وواقعة ليك ما ح تتخمّا وتتساق بي الغابة
ولو ما عارف فـ ياهو حـ يلعبو بيك كورة

طيب هل ضروري اعرف أصلاً؟!
أنا كـ زولة بحب اعيش في سلام بعيدًا عن أي جوطة حاصلة ومشاكلي أنا شخصيًا ما قاعدة اتدخل فيها ناهيك عن مشاكل البلد
يعني ما فاهمة وما دايرة افهم!

حـ أقول ليك
كونك تعرف= ده واجب على كل فرد سوداني مننا لأنه الظلم ده حاصل علينا كلنا بدون فرز
هل في زول ما اتضرر من الحاصل ده؟؟ أبدًا
يبقى (واجب) علينا رفع الظلم ده وربنا ح يسألنا (كلنا) طالما هو واجب

طيب أنا كـ بت
أشيل لي سلاح امشي المدرّعات يعني ولا كيف؟!
لأ
الجهاد ما إلا تشيل سلاح
أول الجهاد
هو إننا ندعي
ولو قصّرنا في الدعاء فـ نحنا قصرنا في حقنا أولًا وبقينا سبب في تأخير النصر

وفي جهاد بالكلمة
وعشان تتكلم لازم تكون واعي وعارف
عارف شنو؟! = عارف المطرة صابَّة وين🤷🏾‍♀️
والوعي ده نجيبو من وين
من هنا:
سلسلة=لماذا يحارِبُون السُّودان
دي بتوريك الحاصل علينا ده من قولت تيت
وبتورّيك منو معانا ومنو مع الخيانة
والأهم من كده بِتوريك كيف نحارب الظلم الواقع علينا ده، كل زول بي الحاجة البقدر عليها ومن موقعو الهو فيهو

وكـ واجب علينا إننا نتعلّم ونوعى ونوعِّي غيرنا معانا
دي قناة شبخ أنس، اعملو subscribe ولصّقوها في جبهة أي سوداني🤣♥️

https://youtube.com/@anas.sh.249?si=DVP4XP1CW6R1Osv0

وشير للبوست ده معاكم عشان على الأقل يكون عندنا ولو حُجَّة واحدة يوم القيامة نقول بيها يا رب واللهِ حاولنا نرفع الظلم ولو باليَسِير

وربنا ينصر السودان، وينصر القوات المسلحة ويجزي عننا شيخ أنس خير الجزاء بما قَدّم ونَفَع❤️‍🩹

#صفية_مصطفى

وحسِّن فِعالي، أنتَ نِعمَ المؤدِّبُ!

في يوم من أيام مشاوير الخرطوم -ردها الله وردنا إليها في خير وعافية-
كان عندي مشوار بمشيو كل أسبوع
يوم مشيت وكان بعد مطرة
المكان عندو شارعين شارع مختصر وشارع طويل
كنت بركب رقشة
المهم اليوم ده قلت الجو حلو بعد المطرة ما أركب رقشة أتمشى
ركبت سماعاتي وأتوكلت
بعد خطوات شفت كفيفة ولهم في قلبي مكانة خاصة كانت واقفة في طرف الشارع ، نفس الشارع الأنا ماشة فيو
مشيت عليها وسلمت سألتها ماشة وين طلعت ماشة مكان جنب المكان الأنا ماشة ليو فقلت ليها نمشي سوا
مسكتها وبقينا ماشين ونتكلم
البت دي كانت كل خطوة بتسألني
في طين ؟
وتقيف بخوف
بقول ليها لالا الشارع ده نضيف مافيو طين أطمني
المهم سؤالها ده أتكرر كم مرة
سبحان الله تأثرت بالموقف ده جدا
وتفكرت أنو كم مرة طلعت من البيت وأنا مطمئنة لأني شايفة قدامي وشايفة الشارع وشايفة كل شيء!
تفكرت في كم القلق البتكون حاسة بيو وهي طالعة كل يوم!
وأنو تفاصيل أي طلعة حتكون مختلفة تماما وما متوقعة ومقلقة في بلد زي بلدنا!

عرفت أنو ربنا خلاني ما أركب رقشة كعادتي وأختار الشارع الأطول عشان أمشي والاقي البت دي وتديني درس سبحان الله..

سبحانك ما عبدناك حق عبادتك
ولا حمدناك حق حمدك
سبحانك إنّا كُنّا من الظالمين
اللهم بصرّنا بنعمك في خير وعافية وأرزقنا حمدها وشكرها وتقبل ..

#فأحييناه

اللهمّ صاحِب والِدَيَّ، وأفضِل عليهِما، وارحمهُما كما ربَّيَاني ♥️

تحدِّي ال90 يوم معاهدة!

تعريف بالتحدي: ✨


هو تحدٍّ نستبقُ فيه دخولَ شهرِ القرآن، شهر رمضان المبارك؛ ونتسابقُ في التزوّد له! فنجمَعُ شتاتَ أرواحِنا ونجددُ عزمَنا ونِيّاتِنا، وننطلقُ  في رحلة روحانية فريدة غايتُها تجديدُ العهد بالقرآن وتهيئةُ القلبِ لرمضان، وشعارُها المُسابقةُ إلى الرضوان زمرًا مع أهل الإيمان!
بدايةُ الانطلاقة في يوم الأحد الأول من ديسمبر ٢٠٢٥ الموافِق لنهايةِ شهرِ جمادىٰ الأول ١٤٤٦ بإذن الله.

لمن هذا التحدي؟✨

لكل فتاة مسلمة تريد أن تجدد عهدها مع كتاب الله(تلاوة أو حفظًا) و ترِد حِياضَ وِردها اليوميّ على مدى ٩٠ يومًا فلا تنقطعَ بإذن الله، لتستقبل بعدها الشهر الكريم بروحٍ توّاقّة وعزمٍ مُتقد. 

توضيحات هامة للملتحقات :✨

١- إخلاص النية و تجديد العهد مع الله، والإكثار من الحوقلة و الإستغفار.

٢- الهدف من العمل الجماعي شحذ الهمّة والعزم لإكمال المَسير .

٣- عدد الطالبات الكُلِّي = ٣٠٠ طالبة موزعات على ١٠ مجموعات، المجموعة الواحدة تضم ٣٠ طالبة، ولكل مجموعة مشرفة.

٤- مقدار الورد اليومي للطالبة هي من تحدده بنفسها، ولا يلزمها الإخبار عنه.

٥- بعد تحديد الطالبة الورد اليومي لها، تستعين بالله على عدم إسقاط ولو آية منه.

٦- يبدأ زمن إتمام الورد اليومي للطالبة سواءً كان ( حفظًا ، أو تلاوة) من ساعات الصباح الأولى وحتى الساعة العاشرة ليلاً فقط. 

٧- عندما يبلغ غياب الطالبة ٥ أيام كانت -متتالية أو غير متتالية- في المحطة الواحدة -العشرة أيام-؛ سنضطر لحذف الطالبة مباشرة و بدون إنذار من جانب الإدارة.

٨- بنهاية برنامج المعاهدة، تحصل أكثر طالبة متميزة من كل مجموعة على مقعد مباشر في مقرأتكم سما بإذن الله.

⚠️كيفية الإشتراك؟⚠️

اليوم الخميس ٢٨ نوفمبر، عند السابعة مساءًا بتوقيت السودان تنزل قوائم التسجيل للمجموعات عن طريق ملء نماذج قوقل.
الدخول بالأولوية فقط لأول ٣٠ أخت/للمجموعة.

يمكنكم مشاركة رابط المجموعة لجميع النساء:
https://t.me/+KCp3K_wq5-I2MGJk

بنصح بالتحدي ده جدًّا جدًّا
جربيه السنة دي مهما كان تقصيرك واصل وين
وح تشوفي براك الأثر والفرق 🙌🩵

اضبطي منبهك على الساعة ٧ -بتوقيت السودان-
٨ بتوقيت مكة

⛔️ الرابط للنساء فقط

إن القلب ليجيش بما يَعتلج في صدور الأمة من هَمٍّ ثقيل، وإن العقل لَيحار في دروب السياسة الملتوية، وما بين الشرع والواقع مسافة يطويها الفقه الرصين، ويرسم حدودها الشرع المُنزَل.


بعد أن تنسمنا عبير مجالس سورة المجادلة الثمانية نستريح قليلًا عبر خاطرة:

"التعاون مع إيران بين فقه الشارع وجدلية الواقع"

غدًا السبت إن شاء الله في تمام الساعة الثامنة صباحًا بتوقيت السودان ✨

فليست المسألة كما يتصورها أصحاب النظرة العجلى، ولا كما يريدها أصحاب الاهواء، بل تحتاج إلىٰ بصيرةٍ نافذة، وقلبٍ واعٍ، يوازن المآرب والغايات، ويتحرك وفق الشريعة وأحكامها.

#مجالس_النور

تَعَلَّم الإتمام..

أن تُتِمَّ ما بدأت، وتُنجز ما خَطَوت، وتُكمل ما خَطَّطتَ له! لا تكن مبتورًا، منقوصًا، أشتاتًا هنا وهناك، في الطّريق ستختلف الرّؤىٰ، ستتغيّر الأحداث، قد تَترُك أمرًا وتأخذ آخر، لا تنسَ؛ بعضُ التَّرك إتمام، لكن أدرِك متى تترك، ومتى تُمسك، متى تُكمل ومتى تقف.

_منقول

لبعضِ النَّاسِ سِرٌّ مع عصرِ الجُمُعةِ، ولُرَبَّما أسرار؛ جعلتْ منهُم عُشَّاقًا بارِّينَ يتحرَّوْنَها -إن وفِّقهمُ الله- بقلوبٍ مُتلهِّفةٍ للاستِجابة.

تَراهُم مُتفرِّغينَ لها، مُعتذِرينَ عَن حُضورِ أيِّ موعدٍ، أو الانشغالِ عنها ما استطاعوا.

يَسعَوْنَ في رفعِ أمانيهِم سعيَ الدَّؤوبِ، مُحسِنِ الظنِّ، مُنتظرِ الإجابةِ بشَوْق!

لله درُّهم. 🤍

#ساعة_استجابة اذكرونا في دعاءكم 🙌

لاقاني فيديو لواحد سعودي بحكي قصة قال حصلت أحداثها في2021 في سعودي كان عنده شغله مع أردني سافروا الأردن وجوا راجعين نزلوا في مدينة حايل.
قال على أساس يبيتوا فيها إتعشوا ورقدوا.
قال الرجل السعودي قال حس بضيق شديد في صدره وكأنه جبال حايل ضاغطة على صدره،وهو أصلا من القصيم.
قال فقرر يواصل سفرته وترك الأردني صاحبه نايم قال ما يزعجه ولما يصحى الصباح يقول ليهو حصلني.

وفعلا مشى القصيم ووصل بيته وقال تضايق زيادة وشعر بألم فقال يمشي المستشفى وهو أصلا طبيب.
قال تعطلت عربيته جنب مسجد صغير.
وقال دخل المسجد فوجد سوداني براه في المسجد فقال ليهو وديني المستشفى.
السوداني أسرع وساقوا قال أول ما ركبت مع السوداني بديت أتحسن.
قال سألته إنت في الليل الجابك المسجد شنو؟
قال ليهو أنا متهمني بورم في الرأس ومطلوب مني أشعة وتعلم أنه العلاج غالي وما عنده تأمين تقريبا.
ودلوني على رجل وأدوني رقمه وإسمه وقالوا لي ده الممكن يعمل ليك تخفيض، المهم جيت المسجد من الساعة ٩ وأنا أدعو الله أن يسخر لي من عباده من يساعدني.
السعودي خاف عديل.
قال ليهو دلوك على منو؟
لما قال ليهو الإسم كان إسمه هو نفسه.
قال هو رئيس قسم الأشعة في مستشفى الملك.

السعودي قال ليهو يا رجل ربنا جابني ليك من حايل ما قدرت أنوم وفي بيتي وصلت ما قدرت أنوم وعطل سيارتي جنبك في المسجد.
سبحان الله.
قال ليهو رسلني أساعدك، قال مع أنه في الأول لما ركب معاه العربية كان بشكر في السوداني أنه ربنا سخرك لي توصلني المستشفى.
فطلع هو المسخر للسوداني.
يعني القصة حديثة وتاريخها قريب وأبطالها عايشين.

والرجل قال بعدها راح منه الضيق كأنه ما به شيء.

والسوداني عملوا ليهو الصور وطلع ورم وحميد وعملوا ليهو العملية.
الدكتور عبدالرحمن العشماوي عنده كلام قال أسأل الله المستحيلات.
هو يقصد حاجات كبيرة.
وقال ليس من الزهد التواضع في الدعاء.
قال شوف الأنبياء عارفين مقام ربنا وعارفين أنه الوهاب فسألوا الله حاجات كبيرة.
قال سليمان عليه السلام سأل الله ملكا لا ينبغي لأحد من بعده.
فربنا أعطاه الملك والحكم والنبوة وسخر ليهو الريح.
ففي أمور الدنيا أسأل ربنا(الوهاب) حاجات كبيرة وأسأله الفردوس.
حتى لو شايف إنت ما بتستحقها، تذكر أنه هو كريم.
هسي لو بتعرف زول كريم ساي وشحدته بتطمع.
فكيف بالله جل جلاله!
ولله المثل الأعلى.
تذكروا أن ربكم كريم حيي يستحي إذا رفع أحدكم يديه إليه أن يردهما صفرا.
كتير مننا وأنا منكم لما تحصل مشكلة بمشي بفتش ليها حل وبغفل عن الدعاء.
الناس الما سعيدة في بيوتها.
العنده ديون.
العنده ذنب معين عاوز يخليه.
العاوز يحفظ القرآن.
العاوز يتعلم إنجليزي.
الكايس شغل.
كله بيد الله وحده فأطلب من الملك الكريم(الوهاب)
أطلب وأحسن الظن.
في عصر الجمعة ولحظات مظنة الإجابة أكثروا من الطلب والدعاء.


- محمد هاشم

‏_لو رُزِق العبد الدنيا وما فيها ثم قال الحمدلله، لكان إلهام الله له بالحمد أعظم نعمه من إعطائه له الدنيا؛ ﻷن نعيم الدنيا يزول، وثواب الحمد يبقى.

لا أذكر أنه عرض علي موضوع فيه أن العريس قال:
أنا هشد حيلي في الصلاة، وهبطل سجائر ووو على ايدك إن شاء الله، علشان كده قلت اتقدم لواحدة متدينة .. إلخ

ثم يكون الأمر كذلك، بل في أحسن الأحوال يظل كما هو، وفي كثير من الأحيان يظهر أنه قد أخفى ما هو أسوأ، وفي بعض الأوقات يحدث العكس، فيكون سببا في انتكاسها.

قلت من قبل: الزواج ليس مركز تأهيل، فلا تنازل في اختيار الأساسيات: المواظبة على الصلاة - الأخلاق الحسنة - العمل الحلال، والبعد عن المكيفات ونحوها.
بعد ذلك ما يتعلق بالوضع المادي والعمل، والشكل، والاسلوب، ونحو ذلك أنت حرة تماما.

- أبو علياء محمد سعد

‏"ليس جزاءً عاديًّا أن يُكتب لكَ كل ما كنت تعمله في صحتك، ولكنَّها رحمة الله التي وسعت كل شيء!♥️
الغائِب عن الوعيِ تحت الأجهزة الطبيَّة، ومن يعتصِر ألمًا خاضعًا لجرعات الكيماوي، وكل من لا أعلم وجعه، وكل من حُبس عنِ الصِّيام والصَّلاةِ والدُّعاء فقد كتبَ الله أجركَ كما كُنتَ تفعلُ في صحتِك وعافيتِك؛
ولا بأس عليك"♥️

هذه ليلةٌ ونيسة!♥️

هذا وقت دَفعِ حسابٍ سابق، لسعدٍ لاحق
تدفع الآن ثمنًا حِلوًا، طيّبًا، زكيًا لكل يُسر في أسبوعك القادم، لكل خير، لكل تجاوز عقبات، لكل نصرٍ على الصعوبات، لكل ظفرٍ بالمكرمات، لكل سعد وبشرى، لكل أُنسٍ وكرامة، مع غفران ذنب، وتوفيق، وكفاية هم، وانشراح صدر، وفتوحات عظيمة
كل هذا، وأكثر، بل أكثر مما تتصور بكثرة الصلاة والسلام على رسول الله صلى الله عليه وسلم

اللهم صلِ وسلم على نبينا محمد وعلى آله وصحبه أجمعين.

-مريم أحمد سكاف

"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ"

[بدأ بالزوجة؛ لأنّ في صلاحها صلاح الذريّة]

- ابن علان رحمه الله. كتاب دليل الفالحين [1\377]