Oisha roziyallohu anho rivoyat qiladilar:
Rasululloh sollallohu alayhi va sallam: «Alloh taolo biror xonadon ahliga yaxshilikni istasa, unga «rifq»ni kiritib qo‘yadi», dedilar.
(Imom Ahmad rivoyati)

Izoh: Rifq — so‘z va amalda muloyimlik hamda xushmuomalalik, shirinso‘zlik va ochiqyuzlilikdir.

Telegram | Instagram

​​Oiladagi totuvlik va o‘zaro muhabbat davomli bo‘lishi uchun er-xotin bir-birlarining tahammullarini suiste’mol qilmasliklari kerak. Ba’zi o‘rinlarda xatolardan ko‘z yumish, tabiatlaridagi ba’zi kamchiliklarga sabr qilish lozim. Er ko‘chaning odami. Ishlaydi, kuni bo‘yi turli harakter egalari bilar muomala qiladi, nima qilsam, oilam, farzanlarim uchun ikki so‘m pul topaman, degan o‘yda yuradi, charchaydi. Uyga deyarli dam olish uchun keladi. Ayol esa uy odami. Ertayu kech uy yumushlari bilan band, bola-chaqa tarbiyasi, supur-sidir, pishir-kuydir, erini ishga munosib kuzatib, munosib kutib olish uning har kunlik tashvishi. Bu takroriy bir hillik hayot ayolni zeriktiradi, injiq va asabiy qilib qo‘yadi. Demak har ikki shaxs bekorchi emas, ba’zi yo‘l qo‘yadigan kamchiliklari tabiiy insoniy fe’ldir. Shu narsalarni hisobga olib yashash juda muhim.
Bu oddiy qoida. Lekin oilaning farovonligi ko‘pincha shu qoidaga amal qilish bilan bo‘ladi. Hindcha kinolardagi o‘ldim-kuydimlar, er-xotinning bir-biriga aytadigan gapi faqat sevgi izhori ekani, qo‘l ushlashib, gulzorlarda yugurib yurishi real hayot emas. Uning naqadar yolg‘on ekani keyingi kinoda boshqasa bilan yugurib yurganidan ma’lum.
Demak oiladagi baxt sabr-toqat, qanoat, ba’zida bilib-bilmaganga, ko‘rib-ko‘rmaganga, eshitib-eshitmaganga olish ustiga quriladi. Bundan ortib, er xotiniga, xotin esa eriga ko‘makchi bo‘lishi, bir-birlarining ko‘ngliga qarashi, doim xursandchilik ulashish harakatida bo‘lishi va shunga o‘xshash muomalalarni kuchytirish o‘rtadagi mehr-muhabbatni, sevgini va oiladagi farovonlikni yanada ziyoda qiladi.
Bu qiyinchiliklarni yengishdagi eng katta kuch esa shu amallarining har biri uchun Allohdan savob umid qilishdir. Zero hadisi sharifga ko‘ra er qiladigan sadaqalarning eng yaxshisi ahli oilasiga qilgan sadaqasidir. Har bir yaxshilik sadaqadir.
Xotin kishi esa besh vaqt namozini o‘qisa, ramazon ro‘zasini tutsa, o‘zini haromdan saqlab, erini rozi qilsa, qiyomat kunida unga jannatning sakkizta eshigi ochiladi, u esa xohlaganidan kiradi. Erni rozi qilish esa ko‘pincha uning shaxsiga va uyiga mehr ila xizmat ko‘rsatish bilan bo‘ladi.

Ikrom Sharif

Telegram | Instagram

​​Tobeinlar qozisi Shurayh rahimahullohning oldiga do‘sti Fuzayl rahimahulloh kelib hol-ahvol so‘rarkan, suhbat asnosida Shurayh:

— Yigirma yildirki, oilamning tinchligi buzilmadi. Ayolim bilan biror marta senu menga bormadik, dedi.

— Yo‘g‘e, shunaqasiyam bo‘larkanmi?! Oilada kelishmovchilik chiqmasdan iloji yo‘q-ku, dedi Fuzayl.

— Buning sababi bor, aytib beraman. Xullas, uylanmoqchi bo‘lib qiz qidirganimda, diyonatli bir oilaga sovchi qo‘ydim. To‘y bo‘ldi. To‘y oqshomi kelinni ko‘rsamki, ham diyonatli, ham odob-axloqli ekan. Bunga shukrona tarzida darrov ikki rakat namoz o‘qidim. Salom berib qarasam, kelinchak ham ortimda menga ergashib namoz o‘qibdi. Xonadonda to‘y mehmondorchiliklari tugab, odamlar tarqab uyimiz tinchiganda asta suhbatimiz boshlandi. U menga aytdi:

— Xo‘jam, sizga munosib, fe’lingizni biladigan qizlar o‘z qarindoshlaringiz orasida ham bor edi. Mening ham qarindoshlarim orasida o‘zimni taniganlar, munosib bo‘lganlar bor edi. Ammo begona bo‘lsakda Alloh taolo ikkovimizning taqdirimizni tutashtirgan ekan, keling, siz yoqtirgan va yoqtirmagan ishlarni bilib olsam. Tag‘in sizga noma’qul biror ishni qilib ko‘nglizgizga ozor berib qo‘ymay deyman. Siz ham, o‘z navbatida, menga oid ishlarda Alloh taolo ko‘rsatma berganidek ish tutishingizni istardim.

Ayolimning bu tashabbusi menga ma’qul keldi. Turib so‘z boshladim:

— Yaxshi gaplarni aytdingiz, azizam. Shu aytganlaringizga sodiq bo‘lib yashasangiz, bu o‘z foydangizga inshaalloh. Aks holda, o‘zingizga qarshi hujjat bo‘lib qoladi.
Menga falon narsalar, falon ishlar yoqadi. Falon narsalar, falon ishlarni esa xushlamayman. Yana bir gap, menda biror yaxshi jihatni ko‘rsangiz odamlarga shuni olib chiqing. Yomonini esa yashiring, dedim.

(Hadisi sharifda ham Payg‘ambarimiz sollallohu alayhi vasallam erining aybini yoymay yopib yuradigan ayolni maqtaganlar).

Keyin ayolim so‘radi:
— Qavmu qarindoshlarni qancha muddatda yo‘qlab turamiz?
— Tez-tez, ammo ularga ham malol kelmaydigan darajada ziyorat qilib turamiz.

(Rasululloh sollallohu alayhi vasallam aytganlar: «Odamlarni oralab-oralab yo‘qlagin, shunda senga nisbatan iliqliklari ortadi»).

Keyin zavjam qaysi qo‘shni ayollarni uyga kiritishim mumkinligini, qaysilarini esa yo‘qligini so‘radi. Men unga qaysilari solih odamlaru, qaysilari unday emasligini sanab berdim.

Bir yilcha vaqt o‘tib bir kun ishdan kelsam, qaynonam kelgan ekanlar. Quyuq salomlashdim. «Qizim qalay, ko‘nglizgizni topib yashayaptimi ishqilib?» — deb so‘radilar. «Albatta, ayol bo‘lsa, shunchalik bo‘ladi-da», — deb qaynonam boyaqishning ham ko‘nglini ko‘tarib qo‘ydim. Keyin yana gapirib ketdilar: «O‘zingizdan qo‘yar gap yo‘q. Haddan ortiq tanti ayoldan ko‘ra katta ofat yo‘q erkak zotiga. Shuning uchun qizimni yana o‘zingiz istagancha tarbiyalab, moslab olasiz-da, bolam», — dedilar. So‘ng qiziga ham itoatli bo‘lishni yana bir kez eslatib nasihat qildilar.

Ishonasizmi, shu yigirma yil xuddi shamoldek o‘tib ketdi. Oilaviy masalada biror marta ko‘nglimni xira qiladigan ish sodir bo‘lmadi. Aytgancha, gapim yolg‘on bo‘lib qolmasin. Bir oqshom kelishmovchilik bo‘lgandi, lekin o‘shanda ham o‘zimdan o‘tgandi.

Hikoya tugadi.

Oiladagi ko‘p mojarolar, kelishmovchiliklar oddiy suratda ochiq-oydin gaplashib olish bilan barham topadi. Muhimi, er-xotin ochiq gaplashib olgandan keyin bir-birlaoini rioya qilib yashashlari lozim.
Yana bir jihat, agar oila qurishda maqsad Alloh roziligini istab yashash bo‘lsa, turmushda sodir bo‘ladigan har qanday vaziyatda Alloh taoloning o‘zi er-xotin o‘rtasini yarashtirib qo‘yaveradi.
Mabodo aksincha, o‘tkinchi hoyu-havas ilinjida oila qurilgan bo‘lsa, bunday oilalarning qismati qanday bo‘lishini jamiyatimizda har kun ko‘rib turibmiz.

©Ikrom Sharif

Manzilimiz | Telegram | Instagram

Oila kursimizning navbatdagi ayol-qizlar guruhi darslarini boshlab oldik☺️

Oilasida totuvlik, farovonlik istagan, farzandlar tarbiyasiga qayg'uradigan, juft haloli roziligiga yetishni niyat qilgan opa-singillarimiz bir oy davomida ustoz Ikrom Sharifdan kerakli bilimlarini o'zlashtirishadi.

Agar ro'yxatdan o'tishga ulgurmagan bo'lsangiz hoziroq murojaat qiling, sizni darslarimizda kutib qolamiz☺️

​​"Farog‘at qasri" nimani o‘rgatadi?

Yigitlarni oilaga tayyorlash kursimizni o‘qib tugatgan akamiz biroz vaqt o‘tib ahli ayoli bilan markazga keldi. Bir ko‘rishib qo‘yay, deb kirgandim, ustoz dedi. Asli yoshi mendan katta, uzoq yillik oila boshlig‘i, bir nechta farzandning otasi.
Salom-alikdan keyin nariroqda turgan ahli ayoli duo qila ketdi:
— Ustoz, Alloh sizdan rozi bo‘lsin, ilmingizni ziyoda qilsin, sizga barakalar ato qilsin... Bu tilaklarni takror-takror aytdi.
Omin, sizlarga ham rahmat, Alloh taolo sizlardan rozi bo‘lsin, dedim men.
Yonginasidagi hojasi kulib, biroz xijolat bilan shunday deydi:
— Ustoz, ilgari bunga ko‘p baqirardim-da. Bu kursni o‘qiganimdan beri yaxshi gapiradigan bo‘lib qolganman, shunga rosa sizni duo qiladi.


Qizlarni oilaga tayyorlash kursimizda "Er-xotinlik odoblari" (haq va majburiyatlar) darsidan keyin bir ayol kelib aytyapti:
— Ustoz, men oilaliman. Besh farzandning onasiman. Shu vaqtgacha oilaviy ba’zi muammolarimizga erimni aybdor, o‘zimni esa haqman, deb yurar edim. Hozir tushundimki, ayb o‘zimda ekan. Alloh sizdan rozi bo‘lsin!
Bu darslarni hamma ayollar eshitishini xohlardim...


"Sakinat oila maktabi" oilalarga sakinat — baxt, orom, halovat ulashish uchun ochilgan.

Telegram | Instagram

"Hali o‘rganadigan narsalarim ko‘p ekan..."

Sakinat oila maktabi bitiruvchisi o‘zlarining kurs haqidagi iliq taassurotlari bilan bo‘lishdilar.

💐 Kelinim uchun keldim...

Qaynona-kelin o'rtasidagi munosabatlar haqida gap ketganida ko'pincha ziddiyat va kelishmovchiliklar ko'z oldimizga keladi. Bunga sabab esa oila ilmiga yetarlicha ega bo'lmaganimiz, majburiyatlarimiz haqida bilmasligimizdandir.

Farog'at qasri oila kursimizga qaynonalar, onalar ham kelib bilim olishayotgani, oilada, o'gil va kelinlar bilan to'g'ri munosabat o'rnatish, murosa qilishga e'tiborli ekanliklari quvonarli.

Siz ham oilangizda sakinat istasangiz, hoziroq kursga ro'yxatdan o'ting! Yosh va jins chegaralanmagan☺️

Farog'at qasri kursi haqida ma'lumot

⚡️ Ayni vaqtda aprel oyi uchun qabul boshlangan, hoziroq o'rningizni band qiling!