اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

مبارک شه.،،،،🌹

بلاخره به د ژوند لمر ډوبېدو ته نژدې شي. که مو د چا حق خوړلی یا مو د چا زړه خپه کړی؛ نو سبا ورځ ناوخته ده، همدا نن په کار ده چې لاس په کار شو. واضحه ده چې مخامخ یا په موبایل او مسنجر کې له یوه چا څخه بښنه غوښتل، د محشر د صحراوو له سختیو، سخته نه ده.
څوک خبر دی چې نن به زموږ د ژوند وروستۍ ورځ نه وي؟
تمیم تکل

خوب دي قبر ته وساته، او ساتيري او خوبونه کم کړه ځکه داسې خوب درباندې راروان دی چې سهار يې قيامت دی.

ګناه لکه د ځنځیر حلقې یو په بل پسې راتلونکې دي، نو لومړي حلقې ته د لاس ور وړلو مخکې خورا ډیر فکر وکړه.

فیصل حمزه

انا لله وانا الیه راجعون
‏تر شهادت دوه ساعته وړاندې د اقتصادي کمېسیون په غونډه کې مخامخ راته ناست و. د نورو ورځو خلاف، ډېر خاموش، سر یې ګرېوان ته ټیټ او هیبتناکه توره ګڼه ږیره یې په ځیګر خوره وه، مخ یې روښان او د سترګو له پټوالي مې یې داسې محسوسوله لکه ویده چې وي، خو خوله یې ښورېده او په ذکر لګیا و.

‏ژورې خاموشۍ یې نن زما توجه په ځانګړي ډول جلب کړه. ملګري د کمېسیون مصوبه د لاسلیک لپاره ورته راوړه، ده د تسبو د دانو په منځ کې د مېز په سر قلم کېښود څو یې د اورادو تسلسل غوڅ نه شي، وروسته یې مصوبه لاسلیک کړه.

‏د مجلس تر خلاصېدو وروسته راپسې راغی، ویل ځینې سوداګر پانګونه کول غواړي که لومړی ته یو مجلس ورسره وکړې، که مناسبه وه بیا مو له حاجي ملا صاحب سره ورته وخت اخیست. همدلته یې لمونځ وکړ، له ډېرو ملګرو یې کلک خدای په امانی واخیست، دوه ساعته وروسته یې د شهادت غمجن خبر راغی. تقبله الله
عبدالله عزام

سبا شنبه د ۱۴۴۶هـ ق کال د رمضان المبارک میاشتې لومړۍ ورځ ده.