“Xotira abadiy – qadr muqaddas” shiori ostida Samarqand shahar maktabgacha va maktab ta’limi bo‘limi tasarrufidagi 21-umumiy o‘rta ta’lim maktabida 9-may — “Xotira va qadrlash kuni” munosabati bilan ma’naviy-ma’rifiy tadbirlar tashkil etildi.

Mazkur sana munosabati bilan maktab jamoasi tomonidan ta’lim dargohida uzoq yillar samarali mehnat qilgan, yosh avlodga ta’lim-tarbiya berish yo‘lida fidokorona xizmat ko‘rsatgan faxriy ustozlar holidan xabar olindi. Ustozlarga hurmat va ehtirom ko‘rsatilib, ularning ko‘p yillik mehnatlari, boy tajribasi hamda jamiyat ravnaqiga qo‘shgan munosib hissasi alohida e’tirof etildi.

Tashrif davomida faxriy ustozlar bilan samimiy suhbatlar o‘tkazilib, ularga ezgu tilaklar bildirildi. Bunday e’tibor va g‘amxo‘rlik yosh avlod qalbida ustozlarga bo‘lgan hurmat, milliy qadriyatlarimizga sadoqat hamda insoniylik fazilatlarini yanada mustahkamlashga xizmat qiladi.