Bulung‘ur tumanida favqulodda vaziyatlarning oldini olish, ularning oqibatlarini bartaraf etish hamda aholi va hududlar xavfsizligini ta’minlash borasidagi ishlarni yanada kuchaytirish masalalariga bag‘ishlangan yig‘ilish o‘tkazildi.

Yig‘ilishga tuman hokimi — Fuqaro muhofazasi boshlig‘i Samandar Astonov raislik qildi.

Unda Bulung‘ur tumani Favqulodda vaziyatlar bo‘limi boshlig‘i, mayor J. Qudratov tomonidan O‘zbekiston Respublikasi Vazirlar Mahkamasining 2026-yil 8-sentabrdagi tegishli Farmoyishi ijrosi yuzasidan axborot berildi.

Yig‘ilish davomida Farmoyishda belgilangan vazifalar, shuningdek, favqulodda vaziyatlarning oldini olish va ularga tayyorgarlik ko‘rish bo‘yicha amalga oshirilishi lozim bo‘lgan chora-tadbirlar muhokama qilib, mas’ullarga belgilangan vazifalarni o‘z vaqtida va sifatli bajarish bo‘yicha tegishli topshiriqlar berildi.

Samarqand viloyati FVB shaxsiy tarkibining bo‘sh vaqtini mazmunli tashkil etish, madaniy hordiq chiqarishi uchun zarur sharoit yaratish hamda vatanparvarlik tuyg‘ularini yanada mustahkamlash maqsadida ma’naviy-ma’rifiy tadbir tashkil etildi.

Unda bir guruh harbiy xizmatchilar va xizmatchilar oila a’zolari bilan birgalikda Samarqand shahridagi “Sharq” kinoteatriga tashrif buyurib, buyuk sarkarda va davlat arbobi Amir Temurning hayoti va faoliyatiga bag‘ishlangan tarixiy filmni tomosha qildilar.

Film namoyishi davomida Amir Temurning yurt tinchligi, davlat ravnaqi va xalq farovonligi yo‘lidagi faoliyati, uning jasorati, qat’iyati va Vatanga sadoqati aks ettirildi.

Bunday tadbirlar shaxsiy tarkibning bo‘sh vaqtini mazmunli tashkil etish bilan birga, jamoada sog‘lom ma’naviy-ruhiy muhitni mustahkamlash hamda Vatanga sadoqat va fidoyilik tuyg‘ularini yanada yuksaltirishga xizmat qiladi.