Samarqand viloyati FVB rahbariyati va mas’ul xodimlari tomonidan Nurobod, Paxtachi hamda Narpay tumanlarida FVB shaxsiy tarkib bilan huquqbuzarliklarning oldini olish, xizmat intizomi va qonuniylikni mustahkamlashga qaratilgan profilaktik tadbirlar o‘tkazildi.

Tadbirlar davomida xodimlarga korrupsiyaga qarshi kurashish, korrupsion holatlarga yo‘l qo‘ymaslik, xizmat vazifalarini vijdonan va halol bajarish, qonun talablariga qat’iy rioya etish yuzasidan tushuntirishlar berildi.

Shuningdek, xizmat faoliyati davomida manfaatlar to‘qnashuvi va boshqa huquqbuzarliklarning oldini olish, fuqarolar bilan munosabatlarda xushmuomalalik va qonuniylik tamoyillariga amal qilish masalalariga alohida e’tibor qaratildi.