“Volontyor-qutqaruvchi” musobaqasining viloyat bosqichi o‘tkazildi

Yoshlar va fuqarolar o‘rtasida favqulodda vaziyatlarning oldini olish, yuzaga kelishi mumkin bo‘lgan xavf-xatarlarda to‘g‘ri va tezkor harakat qilish ko‘nikmalarini shakllantirish, shuningdek, volontyorlik harakatini keng targ‘ib etish maqsadida “Volontyor-qutqaruvchi” musobaqasining viloyat bosqichi o‘tkazildi.

Musobaqada ishtirokchilar 5 ta shart bo‘yicha bellashdi. Jumladan, savol-javob, birinchi tibbiy yordam ko‘rsatish, dor yo‘lidan o‘tib chodir tiklash, yong‘in o‘chirish estafetasi hamda krossfit mashqlarida ularning nazariy bilimlari, amaliy ko‘nikmalari, jismoniy tayyorgarligi, jamoaviy hamkorligi va tezkor harakat qilish qobiliyatlari sinovdan o‘tkazildi.

Yakuniy natijalarga ko‘ra, Tayloq tumani jamoasi I o‘rin, Ishtixon tumani jamoasi II o‘rin, Bulung‘ur tumani jamoasi III o‘rinni egalladi.

G‘olib va sovrindorlar diplom, medal hamda esdalik sovg‘alari bilan taqdirlandi.

Veb-sayt | Facebook |Telegram | instagram | Youtube