#YagonaVatan35

🇺🇿 O‘ZBEKISTONDA BIRINCHI: “YANGI O‘ZBEKISTON” UNIVERSITETI QAA XALQARO AKKREDITATSIYASIGA SAZOVOR BO‘LDI

🎓 Ixtisoslashtirilgan ta’lim muassasalari agentligi tizimidagi “Yangi O‘zbekiston” universiteti Buyuk Britaniyaning oliy ta’lim sifatini ta’minlash bo‘yicha nufuzli tashkiloti — Quality Assurance Agency for Higher Education (QAA) tomonidan xalqaro institutsional akkreditatsiyaga sazovor bo‘ldi.

Shu tariqa, “Yangi O‘zbekiston” universiteti QAA xalqaro institutsional akkreditatsiyasini qo‘lga kiritgan O‘zbekistondagi birinchi oliy ta’lim muassasasiga aylandi.

✅Bugun universitetda QAA xalqaro akkreditatsiya sertifikatini tantanali topshirish marosimi bo‘lib o‘tdi. Tadbirni Ixtisoslashtirilgan ta’lim muassasalari agentligi direktori Sevara Shakirova ochib berdi va ushbu xalqaro e’tirofning universitet hamda mamlakatimiz ta’lim tizimi uchun muhim ahamiyatini alohida ta’kidladi. Marosimda universitet professor-o‘qituvchilari, xodimlari, talabalari, faxriy mehmonlar hamda OAV vakillari ishtirok etdi. Shuningdek, tadbirda universitetning Faxriy prezidenti doktor Wolfgang Herrmann ham qatnashdi.

Mazkur xalqaro e’tirof universitetda ta’lim sifati, akademik standartlar va ta’lim jarayonlarini xalqaro mezonlar asosida rivojlantirish borasida amalga oshirilayotgan izchil ishlarning muhim natijasidir.

Ushbu yutuq “Yangi O‘zbekiston” universitetining xalqaro ta’lim makonidagi o‘rnini yanada mustahkamlash, xalqaro hamkorlik va ilmiy tadqiqotlarni kengaytirish hamda talabalar uchun yangi imkoniyatlar yaratishga xizmat qiladi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor