🔷 Saida Mirziyoyeva BMT qarorgohida Antoniu Guterrish bilan muloqot o‘tkazdi

Bugun Prezident Administratsiyasi rahbari Nyu-York shahrida BMT Bosh kotibi bilan uchrashdi. Unda o‘zaro aloqalarni rivojlantirish masalalariga e’tibor qaratildi.

Xalqaro munosabatlar tizimi uchun murakkab bo‘lgan hozirgi davrda global miqyosda yetakchilik salohiyatini namoyon etayotgani hamda xavfsizlikning barcha asosiy jabhalarida mamlakatimizni qo‘llab-quvvatlayotgani uchun janob Guterrishga samimiy minnatdorlik bildiraman,- dedi S.Mirziyoyeva.

Mamlakatimiz va BMT institutlari o‘rtasidagi munosabatlar bugun aniq ko‘rsatkichlar bilan mustahkamlanib bormoqda. Hozirgi vaqtda tashkilot tuzilmalari ishtirokida yurtimizda umumiy qiymati 293 million dollarlik 166 ta qo‘shma loyiha amalga oshirilmoqda. Ushbu dasturlar sog‘liqni saqlash, sifatli ta’lim, kambag‘allikni qisqartirish va ekologik barqarorlikni ta’minlash kabi eng muhim yo‘nalishlarni qamrab olgan.

Prezident Administratsiyasi rahbarining Antoniu Guterrish bilan muloqoti O‘zbekistonning BMT maydonida dunyo miqyosidagi dolzarb chaqiriqlarga yangicha g‘oyalar bilan javob berish, global muammolarga amaliy yechim topish bo‘yicha qat’iy intilishini namoyon etadi.

Bizni kuzating
❤ Telegram          🌐 Facebook
🌐 Youtube           🌐 Instagram
🔎 Veb-sayt          😄 Linkedin

QORAQALPOG‘ISTONLIK IQTIDORLI YOSHLAR — PREZIDENT MAKTABIDA

🎓 Qoraqalpog‘istonlik bir guruh iqtidorli o‘quvchi-yoshlar Toshkent shahridagi Prezident maktabiga tashrif buyurib, maktabdagi ta’lim muhiti va o‘quvchilar uchun yaratilgan imkoniyatlar bilan yaqindan tanishdilar.

Tashrif davomida o‘quvchilarga maktabdagi ta’lim jarayoni, zamonaviy laboratoriya va sinfxonalar, kutubxona, oshxona hamda o‘quvchilar yotoqxonasi tanishtirildi. Yoshlar Prezident maktabida o‘quvchilarning bilim olishi va har tomonlama rivojlanishi uchun yaratilgan sharoitlarni bevosita ko‘rish imkoniga ega bo‘ldilar.

Mazkur tashrif O‘zbekiston Respublikasi Prezidenti Administratsiyasi rahbarining 2025-yil 30-noyabrdagi 02-PA-1/1-4176-sonli topshirig‘i bilan tasdiqlangan Kompleks chora-tadbirlar dasturi ijrosi doirasida tashkil etildi.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor

#Rahbar_kubogi

🏆 Ixtisoslashtirilgan ta’lim muassasalari agentligi tizimidagi Prezident, ijod, sport, muhandislik va ixtisoslashtirilgan maktablarining 8-9-10-sinf o’quvchilari o’rtasida sportning mini-futbol hamda shaxmat turlari bo’yicha “Rahbar kubogi” sport musobaqalariga start berildi!

Ushbu musobaqaning sektor bosqichida 248 ta maktabdan jami 2480 nafar o’quvchi ishtirok etdi.

✅ Musobaqaning asosiy maqsadi — o‘quvchi-yoshlarni sportga keng jalb etish, ularning bo‘sh vaqtini mazmunli tashkil etish, shuningdek, jamoaviy o‘yinlar orqali sog‘lom turmush tarzini mustahkamlashdan iborat.

Musobaqaning hududiy (viloyat) bosqichini joriy yilning 1-10-oktyabr kunlari, Respublika bosqichini esa 5-7-noyabr kunlari Halima Xudoyberdiyeva nomidagi ijod maktabida o’tkazish rejalashtirilgan.

Bizni kuzating

💻web 🌐Telegram ▶️YouTube 🌐Instagram 🌐Facebook ⚙️Portal ✨Direktor