Ixtisoslashtirilgan ta’lim muassasalari agentligi direktori Sevara Shakirova Sirdaryo viloyatiga tashrif buyurib, hududdagi ta’lim muassasalarining faoliyati bilan yaqindan tanishdi.

🏫 Tashrif doirasida Xovos tumani ixtisoslashtirilgan maktabi faoliyati ko‘zdan kechirilib, ta’lim sifati va o‘quv jarayonini tashkil etish holati tahlil qilindi. Aniqlangan kamchiliklarni bartaraf etish, ta’lim sifatini yanada oshirish hamda ota-onalar va maktab o‘rtasidagi samarali muloqotni kengaytirish yuzasidan tegishli tavsiya va ko‘rsatmalar berildi.

Shuningdek, Sirdaryo viloyatidagi Muhandislik maktabi faoliyati ham o‘rganildi. Muassasalarda ta’lim jarayonini takomillashtirish, pedagoglar bilan ochiq muloqot olib borish, ularning taklif va muammolarini o‘rganish hamda ta’lim samaradorligini oshirishga qaratilgan vazifalar muhokama qilindi.

Tashrif davomida ta’lim muassasalarida mavjud muammolarni o‘z vaqtida bartaraf etish, zamonaviy ta’lim yondashuvlarini keng joriy qilish va o‘quvchilar uchun sifatli ta’lim muhitini yaratish muhimligi alohida ta’kidlandi.

Bizni kuzating

💻web🌐Telegram ▶YouTube🌐Instagram🌐Facebook⚙Portal

SIRDARYO VILOYATIDA SAYYOR QABUL O'TKAZILDI

🎓 Aholi bilan bevosita muloqotni davom ettirish, murojaat va takliflarni joyida o‘rganish maqsadida Ixtisoslashtirilgan ta’lim muassasalari agentligi direktori Sevara Shakirovaning navbatdagi sayyor qabuli Guliston shahridagi Prezident maktabida o‘tkazildi.

✅ Sayyor qabulda ota-onalar va pedagoglar bilan ochiq muloqot qilinib, ularning ixtisoslashtirilgan ta’lim tizimiga oid murojaatlari, taklif va shikoyatlari tinglandi. Ko‘tarilgan masalalar atroflicha o‘rganilib, mavjud muammo va kamchiliklarni vakolat doirasida hal etish yuzasidan tegishli choralar belgilandi.

👥 Muloqot davomida ta’lim sifati, o‘quvchilar uchun yaratilayotgan sharoitlar, pedagoglar faoliyati hamda iqtidorli yoshlarni qo‘llab-quvvatlash bilan bog‘liq masalalarga ham alohida e’tibor qaratildi.

Bizni kuzating

💻web🌐Telegram ▶️YouTube🌐Instagram🌐Facebook⚙️Portal