🌏O‘ZBEKISTON–KOREYA HAMKORLIGI: AGRAR SOHADA INNOVATSION YECHIMLAR VA YANGI ISTIQBOLLAR

🤓Samarqand agroinnovatsiyalar va tadqiqotlar institutida Koreya Respublikasining nufuzli davlat organlari va ilmiy muassasalari rahbarlaridan iborat delegatsiya bilan rasmiy uchrashuv bo‘lib o‘tdi.
Delegatsiyaga Koreya Milliy inson resurslarini rivojlantirish instituti (NHI) vakillari boshchilik qildi. Uning tarkibidan Koreya Respublikasi Fan va AKT vazirligi, Qishloq taraqqiyoti boshqarmasi (RDA), Yer, infratuzilma va transport vazirligi, Rejalashtirish va byudjet vazirligi hamda boshqa qator davlat va ilmiy muassasalarning boshqaruv vakillari o‘rin oldi.
🥔Uchrashuv doirasida O‘zbekiston–Koreya hamkorligida amalga oshirilayotgan kartoshka urug‘chiligi loyihasi taqdim etildi. Unda sifatli urug‘lik kartoshka yetishtirish, kasalliklarga chidamli navlarni ko‘paytirish hamda mamlakatimiz oziq-ovqat xavfsizligini ta’minlashga qaratilgan ilmiy izlanishlar va amaliy natijalar haqida batafsil ma’lumot berildi.
💡Shuningdek, qishloq xo‘jaligiga zamonaviy raqamli yechimlar va «Smart» texnologiyalarni joriy etish, agrar tarmoq samaradorligini oshirish hamda innovatsion ishlanmalarni amaliyotga tatbiq etish masalalari muhokama qilindi.
🤝Uchrashuv yakunida tomonlar agrar sohada ilmiy va amaliy hamkorlikni kengaytirish, ilg‘or tajribalarni o‘zaro almashish hamda istiqbolli qo‘shma loyihalarni amalga oshirish borasidagi manfaatdorliklarini bildirdilar.

🤓SamATI Axborot xizmati

📱Website  📱Telegram 📱Facebook📱Instagram📱YouTube

📌UNITUS VA SAMATI QO‘SHMA KAMPUSIDA XALQARO DARS MASHG‘ULOTLARI DAVOM ETMOQDA

🤓Samarqand agroinnovatsiyalar va tadqiqotlar instituti hamda Italiyaning Tusha universiteti (University of Tuscia — UNITUS) hamkorligida tashkil etilgan qo‘shma kampusda xalqaro darajadagi dars mashg‘ulotlari izchil davom ettirilmoqda.
Navbatdagi mashg‘ulotlarni olib borish uchun italiyalik professor Cristian Silvestri institutga tashrif buyurdi. Tashrif doirasida professor institut rektori tomonidan qabul qilindi.
2026-yil 26-oktabrdan boshlab professor Cristian Silvestri “Organik dehqonchilik” magistratura mutaxassisligi talabalari uchun “O‘rta yer dengizi iqlimi sharoitida daraxt ekinlarini organik usulda yetishtirish” (Organic Tree Crop Production in Mediterranean Climates), shuningdek, “Oziq-ovqat texnologiyasi” va “Agronomiya” bakalavriat ta’lim yo‘nalishlari talabalari uchun “Meva va uzumchilik (bog‘dorchilik mahsulotlarini yetishtirish)” (Fruit and Viticulture (Arboricultural Production)) fanlaridan dars mashg‘ulotlarini olib bormoqda.
Mashg‘ulotlar davomida organik dehqonchilik tamoyillari, tuproq va suv resurslaridan oqilona foydalanish, bog‘ va tokzorlarni barpo etish hamda parvarishlash, shuningdek, hosildorlikni oshirish va yetishtirilayotgan mahsulotlar sifatini yaxshilashga qaratilgan zamonaviy agrotexnologiyalar o‘rganilmoqda.
Bunday xalqaro hamkorlik tashabbuslari talabalarning nazariy bilimlarini mustahkamlash, ilg‘or xorijiy tajribalarni o‘zlashtirish hamda qishloq xo‘jaligi sohasida zamonaviy bilim va amaliy ko‘nikmalarini rivojlantirishga xizmat qiladi.

🤓SamATI Axborot xizmati

📱Website  📱Telegram 📱Facebook📱Instagram📱YouTube

INNOWEEK 2026: XALQARO ILMIY HAMKORLIKNING YANGI BOSQICHI

📣 Bugun, 2026-yil 27-oktabr kuni Toshkent shahridagi "CAEx Uzbekistan" koʻrgazmalar majmuasida "InnoWeek.Uz-2026" doirasidagi "Germaniya–Markaziy Osiyo ilmiy-innovatsion konferensiyasi" boʻlib oʻtdi.

⚡️Ushbu nufuzli xalqaro anjumanda Samarqand agroinnovatsiyalar va tadqiqotlar instituti Ilmiy ishlar va innovatsiyalar boʻyicha prorektori B.Eshonqulov ishtirok etdi.

🟢 Konferensiya doirasida erishilgan asosiy kelishuvlar hamda yoʻnalishlar:

🔵 Tajriba almashinuvi: Germaniya tadqiqot jamgʻarmasi (DFG), CASIB, Hannover Leybnits universiteti hamda mahalliy yetakchi oliygohlar (TIIAME, WIUT) vakillari bilan ilmiy tadqiqotlar sohasida oʻzaro tajriba almashildi.

⚡ Ilgʻor texnologiyalar: Qishloq xoʻjaligida barqaror sugʻorma dehqonchilik va tuproqshunoslik boʻyicha eng soʻnggi innovatsion texnologiyalarni amaliyotga joriy etish masalalari muhokama qilindi.

✅ Xalqaro aloqalar: Ilmiy-innovatsion aloqalarni rivojlantirish va xalqaro ilmiy hamkorlik imkoniyatlarini yanada kengaytirishga qaratilgan amaliy muloqotlar oʻtkazildi.


🤓SamATI Axborot xizmati

📱Website  📱Telegram 📱Facebook📱Instagram📱YouTube