📌UNITUS VA SAMATI QO‘SHMA KAMPUSIDA XALQARO DARS MASHG‘ULOTLARI DAVOM ETMOQDA

🤓Samarqand agroinnovatsiyalar va tadqiqotlar instituti hamda Italiyaning Tusha universiteti (University of Tuscia — UNITUS) hamkorligida tashkil etilgan qo‘shma kampusda xalqaro darajadagi dars mashg‘ulotlari izchil davom ettirilmoqda.
Navbatdagi mashg‘ulotlarni olib borish uchun italiyalik professor Cristian Silvestri institutga tashrif buyurdi. Tashrif doirasida professor institut rektori tomonidan qabul qilindi.
2026-yil 26-oktabrdan boshlab professor Cristian Silvestri “Organik dehqonchilik” magistratura mutaxassisligi talabalari uchun “O‘rta yer dengizi iqlimi sharoitida daraxt ekinlarini organik usulda yetishtirish” (Organic Tree Crop Production in Mediterranean Climates), shuningdek, “Oziq-ovqat texnologiyasi” va “Agronomiya” bakalavriat ta’lim yo‘nalishlari talabalari uchun “Meva va uzumchilik (bog‘dorchilik mahsulotlarini yetishtirish)” (Fruit and Viticulture (Arboricultural Production)) fanlaridan dars mashg‘ulotlarini olib bormoqda.
Mashg‘ulotlar davomida organik dehqonchilik tamoyillari, tuproq va suv resurslaridan oqilona foydalanish, bog‘ va tokzorlarni barpo etish hamda parvarishlash, shuningdek, hosildorlikni oshirish va yetishtirilayotgan mahsulotlar sifatini yaxshilashga qaratilgan zamonaviy agrotexnologiyalar o‘rganilmoqda.
Bunday xalqaro hamkorlik tashabbuslari talabalarning nazariy bilimlarini mustahkamlash, ilg‘or xorijiy tajribalarni o‘zlashtirish hamda qishloq xo‘jaligi sohasida zamonaviy bilim va amaliy ko‘nikmalarini rivojlantirishga xizmat qiladi.

🤓SamATI Axborot xizmati

📱Website  📱Telegram 📱Facebook📱Instagram📱YouTube

INNOWEEK 2026: XALQARO ILMIY HAMKORLIKNING YANGI BOSQICHI

📣 Bugun, 2026-yil 27-oktabr kuni Toshkent shahridagi "CAEx Uzbekistan" koʻrgazmalar majmuasida "InnoWeek.Uz-2026" doirasidagi "Germaniya–Markaziy Osiyo ilmiy-innovatsion konferensiyasi" boʻlib oʻtdi.

⚡️Ushbu nufuzli xalqaro anjumanda Samarqand agroinnovatsiyalar va tadqiqotlar instituti Ilmiy ishlar va innovatsiyalar boʻyicha prorektori B.Eshonqulov ishtirok etdi.

🟢 Konferensiya doirasida erishilgan asosiy kelishuvlar hamda yoʻnalishlar:

🔵 Tajriba almashinuvi: Germaniya tadqiqot jamgʻarmasi (DFG), CASIB, Hannover Leybnits universiteti hamda mahalliy yetakchi oliygohlar (TIIAME, WIUT) vakillari bilan ilmiy tadqiqotlar sohasida oʻzaro tajriba almashildi.

⚡ Ilgʻor texnologiyalar: Qishloq xoʻjaligida barqaror sugʻorma dehqonchilik va tuproqshunoslik boʻyicha eng soʻnggi innovatsion texnologiyalarni amaliyotga joriy etish masalalari muhokama qilindi.

✅ Xalqaro aloqalar: Ilmiy-innovatsion aloqalarni rivojlantirish va xalqaro ilmiy hamkorlik imkoniyatlarini yanada kengaytirishga qaratilgan amaliy muloqotlar oʻtkazildi.


🤓SamATI Axborot xizmati

📱Website  📱Telegram 📱Facebook📱Instagram📱YouTube

SamATI VA UNITUS PROFESSORLARI O‘RTASIDA ILMIY SEMINAR TASHKIL ETILDI

✅Samarqand agroinnovatsiyalar va tadqiqotlar institutida Italiyaning Tusha universiteti professorlari Elena Brunori va Mauro Maesano ishtirokida ilmiy seminar tashkil etildi.

🟢Seminar davomida professorlar SamATI professor-o‘qituvchilariga o‘zlarining ilmiy faoliyati, tadqiqot yo‘nalishlari, ilmiy maqolalari hamda amalga oshirilayotgan loyihalari haqida taqdimotlar qildilar. Xususan, professor Elena Brunori uzumchilik, iqlim o‘zgarishiga moslashish, tuproq va iqlim monitoringi hamda agroekotizimlarda uglerod zaxiralari, professor Mauro Maesano esa shahar agroo‘rmonchiligi, yashil infratuzilma va uzumchilikda raqamli texnologiyalar bo‘yicha ilmiy tadqiqotlari bilan o‘rtoqlashdi.

Seminar davomida ishtirokchilar o‘rtasida qizg‘in savol-javob va fikr almashuvlar bo‘lib o‘tdi.

✔️Kelgusida italiyalik professorlar bilan agronomiya yo‘nalishida qo‘shma ilmiy maqolalar tayyorlash va tadqiqot loyihalarini amalga oshirish kutilmoqda. Mazkur hamkorlik xalqaro ilmiy aloqalarni mustahkamlash va ilg‘or xorijiy tajribalarni o‘zlashtirishga xizmat qiladi.


🤓SamATI Axborot xizmati

📱Website  📱Telegram 📱Facebook📱Instagram📱YouTube

🌏XALQARO HAMKORLIK ALOQALARI KENGAYMOQDA: SAMATI VA QIRG‘IZ MILLIY AGRAR UNIVERSITETI O‘RTASIDA HAMKORLIK YO‘L XARITASI IMZOLANDI

2026-yil 28-oktabr kuni Toshkent shahridagi “O‘zbekiston” xalqaro anjumanlar saroyida “Markaziy Osiyo - ta’lim, fan va innovatsiyalarning yangi makoni” mavzusidagi Markaziy Osiyo xalqaro ta’lim forumi o‘z ishini boshladi.
Forumda 40 dan ortiq davlat vakillari, jumladan, ta’lim va fan vazirlari, 500 ga yaqin mahalliy va xorijiy oliy ta’lim muassasalari rahbarlari hamda mingdan ziyod ekspert ishtirok etmoqda.
Tadbir doirasida Markaziy Osiyo davlatlari o‘rtasida ta’lim, ilm-fan va innovatsiyalar sohasidagi hamkorlikni rivojlantirish, talabalar va professor-o‘qituvchilar almashinuvini kengaytirish, qo‘shma ta’lim dasturlari hamda ilmiy-tadqiqot loyihalarini amalga oshirish masalalariga alohida e’tibor qaratilmoqda.
Forum doirasida Samarqand agroinnovatsiyalar va tadqiqotlar instituti hamda K.I.Skryabin nomidagi Qirg‘iz milliy agrar universiteti o‘rtasida hamkorlik yo‘l xaritasi imzolandi. Mazkur hujjat ikki oliy ta’lim muassasasi o‘rtasidagi agrar ta’lim va ilm-fan sohasidagi hamkorlikni yanada mustahkamlashga xizmat qiladi.
Yo‘l xaritasida akademik almashinuvni rivojlantirish, professor-o‘qituvchilar mobilligini ta’minlash, doktorantlar va yosh tadqiqotchilarga qo‘shma ilmiy rahbarlikni yo‘lga qo‘yish, birgalikda ilmiy tadqiqotlar olib borish va ilmiy maqolalar chop etish kabi ustuvor vazifalar belgilangan. Shuningdek, Erasmus+, Horizon Europe, BMFTR va boshqa xalqaro dasturlar doirasida qo‘shma grant loyihalarini ishlab chiqish hamda taqdim etish ko‘zda tutilgan.
Imzolangan yo‘l xaritasi - ikki qardosh mamlakatning agrar ta’lim va ilm-fan sohasidagi hamkorligini yangi bosqichga olib chiqish yo‘lidagi muhim qadam. Uni amalga oshirish orqali yuqori malakali mutaxassislar tayyorlash, ilmiy salohiyatni birlashtirish, xalqaro hamkorlikni kengaytirish hamda oziq-ovqat xavfsizligini ta’minlashga qaratilgan qo‘shma tashabbuslarni rivojlantirishga erishiladi.

🤓SamATI Axborot xizmati

📱Website  📱Telegram 📱Facebook📱Instagram📱YouTube