📌Samarqand davlat universitetining Yadro texnologiyalari instituti dotsentlari Akmal Safarov va Shaxboz Xasanov, radiasion tahlil laboratoriyasi mudiri Diyor Xazratov hamda ikkinchi bosqich magistranti Amirjon Salohiddinov Qirg‘izistonning Bishkek shahrida o‘tkazilgan “Atrof-muhit va radiatsiya monitoringi uchun sun’iy intellekt EDGE” xalqaro seminarida ishtirok etdi.

🗒Seminar Abdus Salam nomidagi Xalqaro nazariy fizika markazi (ICTP), Atom energiyasi bo‘yicha xalqaro agentlik (IAEA), Internet Sociyety’ning Qirg‘iziston bo‘limi hamda Markaziy Osiyo amaliy geofanlar instituti tomonidan tashkil etildi.

🎓Seminar doirasida dotsent Akmal Safarov “Yirik loyihalarda radiatsiya monitoringi uchun sun’iy intellekt” mavzusida taqdimot o‘tkazdi. Unda ko‘p sonli atrof-muhit namunalarini qayta ishlashdan tortib xaritalar va tahliliy hisobotlarni tayyorlashgacha bo‘lgan jarayonlarda sun’iy intellektdan foydalanish imkoniyatlari yoritildi.

👥Ishtirokchilar amaliy laboratoriya mashg‘ulotlari bilan birga Ak-Tuz hududida tashkil etilgan dala tadqiqotida ham qatnashdilar.

✔️ Ijtimoiy tarmoqlardagi sahifalarimiz:

🌐Samdu.uz | 📝Telegram | 💻Instagram | 📝Facebook |🎞 You tube

📌Samarqand davlat universiteti organik sintez va bioorganik kimyo kafedrasining xorijiy professorlari Ibrohim Erol hamda Ömer Hazman (Turkiya Respublikasi, Afyon Kocatepe universiteti) yangi o‘quv yilidagi faoliyatini davom ettirish uchun yetib keldilar.

👥Talabalar, magistrantlar uchun dars mashg‘ulotlari hamda tadqiqotchi-doktorantlar uchun ilmiy seminarlar o‘tkazilmoqda. Bundan tashqari xorijlik olimlar magistrantlar va tayanch doktorantlarga ilmiy rahbarlik qilmoqdalar.

🗒Samarali mehnatlari uchun xorijlik olimlar universitet rektorining tashakkurnomasi bilan taqdirlandilar.

✔️ Ijtimoiy tarmoqlardagi sahifalarimiz:

🌐Samdu.uz | 📝Telegram | 💻Instagram | 📝Facebook |🎞 You tube

📌Oliy ta’lim tashkilotlari bitiruvchilarida tadbirkorlik ko‘nikmalarini shakllantirish va ularning mehnat bozoridagi raqobatbardoshligini oshirish maqsadida 2026/2027 o‘quv yilidan boshlab O‘zbekiston davlat oliy ta’lim tashkilotlarining barcha bakalavriat ta’lim yo‘nalishlari bitiruvchi kurs talabalari uchun “Tadbirkorlik asoslari” fani majburiy fan sifatida o‘qitilishi belgilandi.

🗒Ushbu fan bo‘yicha nazariy darslarni amaliyot bilan bog‘lash va samaradorligini oshirish maqsadida Samarqand davlat universitetida viloyatdagi yetakchi tadbirkorlar bilan uchrashuv o‘tkazildi.

👥Uchrashuvda universitetning o‘quv ishlari bo‘yicha birinchi prorektori Ahmadjon Soliyev ushbu fan o‘qitilishining dolzarbligi va ahamiyati, istiqbollari xususida to‘xtaldi.

🗂Uchrashuvda so‘zga chiqqan tadbirkorlar — “FOX Pipes Innovation” MChJ rahbari A’zam Akromov, “Dil Rizot Garant” MChJ rahbari Baxtiyor Ashurov, “Samarqand Gollem Chickpeas” MChJ rahbari Baxtiyor Beknazarov, "Millat" supermarketi rahbari Narziqul Xoliqov va boshqalar amaliyot mashg‘ulotlarini tashkil qilishda bevosita ko‘maklashishga tayyor ekanliklarini izhor qilishdi.

📌Bu borada Samarqand davlat universiteti va tadbirkorlik subyektlari o‘rtasida muayyan kelishuvga erishildi.

✔️ Ijtimoiy tarmoqlardagi sahifalarimiz:

🌐Samdu.uz | 📝Telegram | 💻Instagram | 📝Facebook |🎞 You tube