Бүгінгі өзекті мәселелердің бірі - фокустың болмауы! 📣🕚

Универде білім алу + жұмыс жасайтын болсаңыз + жеке дамуыңыз + магистратураға дайындалу. Осы тұста тәуліктегі 24 сағат өмір сүруге жеткіліксіз сынды көрінеді. Магистратураға да түсермін, 1-2 ай қалғанда дайындала саламын ғой,- деп жатамыз. Алайда, өкініштісі, бәрі біз ойлағандай бола бермейді. Жоғары нәтиже көрсетіп, грант иегері атану үшін, дайындықты бүгіннен бастаған жөн. Аз-аздан үздіксіз …📌📚🥇

Сәлем , самғалық!🌞
Бүгінгі тақырып –

фокус қою/ магистратураға қалай дайындаламыз?!

🔻 Магистратураға дайындалу үшін ең алдымен нақты мақсат қою керек. Қай мамандық, қай университет, грант па әлде ақылы бөлім бе – осының бәрі айқын болғанда ғана фокус пайда болады.✅ Мақсат анық болмаса, дайындық та шашыраңқы болады. Ал сенің мақсатың нақты болса, күнделікті әрекетің соған қызмет етеді.

Сабақ пен жұмысты қатар алып жүріп дайындалудың құпиясы – бәрін бірдей 100% мінсіз істеу емес, нақты жүйе құру. Өміріңді үш бағытқа бөліп қара: университеттегі оқуың, жұмыс және магистратураға дайындық. Әрқайсысына өз орны мен уақытын берсең, ішкі күйзелісін азаяды. Күн сайын 1–2 сағатты тек магистратураға арнау жеткілікті. Маңыздысы – тұрақтылық. Аз, бірақ күнделікті қадам үлкен нәтижеге алып келеді.‼️

Уақытты тиімді пайдалану үшін 45/15 әдісін қолдануға болады: 45 минут толық концентрациямен оқу, 15 минут демалу. Телефонсыз, алаңдататын нәрсесіз. Осындай екі циклдің өзі күніне сапалы 1,5 сағат береді. Апта ішінде теорияны оқып, сенбі күні тест шешіп, жексенбіде қайталау жасасаң – материал есте жақсы сақталады.

Ай сайын өзіңе шағын жоспар қой‼️📝: қанша тест орындайсың, қандай тақырыптарды аяқтайсың, қандай ғылыми мақаланы талдайсың.
📌Үлкен мақсат айлық, апталық, күндік әрекеттерге бөлінгенде ғана жүзеге асады.

Ең бастысы – энергияңды сақтау. Ұмытпа, аз- аздан үздіксіз!!!🤍

Экраныңыздың бетіне қойып қойыңыз.😍✨
Авторлық цитаталар’

Қазағым дами бер өрлеші, самғай бер
Еңбек ет аянбай, тоқтама алға!

🔻Сіз білесіз бе, кешенді тестілеудің қанша блоктан тұратынын?

📌Магистратурада білім алу үшін кешенді тестілеу 3 блоктан тұрады:

•шет тілі бойынша тест;
•оқуға дайындығын анықтауға арналған тест;
•білім беру бағдарламалары тобының бейіні бойынша тест. 

Шет тілі бойынша түсу емтиханы 3 бөлімнен, 100 тапсырмадан тұрады. Тестілеу уақыты – 125 минут.