📌 Өтінім беру кезінде қандай мәліметтер сұралады?

• азаматтық;
• ұлты;
• жынысы;
• халықаралық сертификат пен алған балын көрсету (бар болған жағдайда);
• тізімнен даярлау бағытын таңдау; 
• тізімнен білім алу саласын таңдау;
• тізімнен білім беру бағдарламалары топтарының атауы мен кодын таңдау;
• тест тапсыру тілін таңдау;
• тест тапсыратын қаланы таңдау;
• мүгедектігі бар-жоғын көрсету.

Бәрін толтырып шыққан соң тестілеу ережелерімен танысып, келісім беру белгісін белгілеп, "Өтінім беру" батырмасын басу керек. Содан кейін төлем терезесі ашылады. 

2025 жылы ең көп грант «Инженерлік, өңдеу және құрылыс салалары» білім беру бағдарламалары тобына бөлінді — 19 344 грант. Одан кейін «Педагогикалық ғылымдар» – 13 735 грант, «Ақпараттық-коммуникациялық технологиялар» – 10 903 грант, «Жаратылыстану ғылымдары, математика және статистика» – 8 288 грант.

Биыл алғаш рет оқу ақысын ішінара төлеумен берілетін дифференциалды гранттар енгізілді. «Педагогикалық ғылымдар» және «Әлеуметтік ғылымдар, журналистика және ақпарат» білім беру бағдарламалары топтары бойынша 150-ден дифференциалды грант бөлінді.

Сонымен қатар, «Серпін» бағдарламасы бойынша талапкерлерге 3 903 грант бөлінді. Айта кету керек, «Серпін» жобасы арқылы 4 дайындық бағыты бойынша білім алуға болады:
• педагогикалық ғылымдар,
• инженерлік-техникалық бағыттар,
• ақпараттық технологиялар,
• ауыл шаруашылығы.

Бұл бағдарламаға еліміздің оңтүстік өңірлеріндегі ауыл жастары қатысады. Бұған дейін грант бойынша міндетті жұмыс істеу мерзімі 3 жылдан 2 жылға қысқартылып, жұмыс істеу аймақтарының саны 11 өңірге дейін кеңейтілді.

Гранттар тізімінде халқы тығыз қоныстанған, жаңадан құрылған және батыс өңірлердегі жастарды жетекші жоғары оқу орындарында оқытуға арналған 5 000 мақсатты білім беру гранты да бар. Оның ішінде Атырау және Маңғыстау облыстарының талапкерлері де қамтылған.

Магистратураға түсу үшін шамамен 13 мың грант бөлінді

Дайындығыңызға 85-ақ күн қалды.🥹😱