⚡️Hurmatli elektr energiyasi iste'molchilari!

Aholi va ijtimoiy soha obyektlarini uzluksiz elektr energiyasi bilan ta’minlash maqsadida “Hududiy elektr tarmoqlari” AJ Samarqand hududiy filiali hamda tuman va shahar elektr ta’minoti korxonalarida navbatchilik asosida ish tashkil etilgan.

Mazkur tizim elektr ta’minotida yuzaga kelishi mumkin bo‘lgan nosozliklarni aniqlash va bartaraf etish imkonini beradi.

Shuningdek, murojaatlarni qabul qilish maqsadida hududlar kesimida Telegram guruhlari tashkil etilib, faoliyat yuritmoqda. Fuqarolar elektr ta’minoti bilan bog‘liq masalalar yuzasidan ushbu guruhlar hamda belgilangan telefon raqamlari orqali murojaat qilishlari mumkin.

“Hududiy elektr tarmoqlari” AJ Samarqand hududiy filiali:
✍️Telegram messenjer: +998 95 375-75-00
Tezkor dispetcherlik xizmati.
☎️ (66) 237-76-88

⚡️Call-markaz:
☎️ 1154 (qisqa raqam), (55) 707-60-60 

⚡️Jomboy tuman elektr ta’minoti.
☎️ (66) 475-29-00, (55) 707-19-54, (91) 708-29-00
ASKUE: (66) 475-29-08
Telegram guruhi.

⚡️ Oqdaryo tuman elektr ta’minoti.
☎️ (55) 707-42-31, (77) 401-47-20
Telegram guruhi.

⚡️Ishtixon tuman elektr ta’minoti.
☎️ (66) 629-14-85, (66) 629-21-56
Telegram guruhi.

⚡️ Payariq tuman elektr ta’minoti.
☎️ (77) 401-47-22, (55) 707-40-24, Chelak bo‘limi. (77) 401-47-21, (55) 701-15-19
Telegram guruhi.

⚡️ Kattaqo‘rg‘on tuman elektr ta’minoti.
☎️ (66) 414-28-47, (77) 401-47-25
Telegram guruhi.

⚡️Urgut tuman elektr ta’minoti.
☎️ (77) 401-47-23, (55) 701-30-78
Telegram guruhi.

⚡️Dehqonobod elektr ta’minoti.
☎️ (66) 240-16-18, (77) 401-47-24
Telegram guruhi.

⚡️ Pastdarg‘om tuman elektr ta’minoti.
☎️ (55) 707-30-84, (55) 707-16-38, Go‘zalkent bo‘limi: (55) 701-10-87, (77) 401-47-28
Telegram guruhi.

⚡️ Toyloq tuman elektr ta’minoti.
☎️ (55) 707-01-17, (55) 706-01-17
Telegram guruhi.

⚡️ Samarqand tuman elektr ta’minoti.
☎️ (66) 240-05-65, Do‘stlik bo‘limi: (66) 228-11-31, (77) 401-47-30
Telegram guruhi.

⚡️Kattaqo‘rg‘on shahar elektr ta’minoti.
☎️ (66) 455-23-18, (66) 455-23-15
Telegram guruhi.

⚡️ Qo‘shrabot tuman elektr ta’minoti.
☎️ (66) 646-13-46, (66) 646-13-39
Telegram guruhi.

⚡️Bulung‘ur tuman elektr ta’minoti.
☎️ (77) 401-47-26, (55) 706-36-64, (55) 706-36-65
Telegram guruhi.

⚡️ Paxtachi tuman elektr ta’minoti.
☎️ (66) 403-16-47, (66) 403-11-65
Telegram guruhi.

⚡️ Narpay tuman elektr ta’minoti.
☎️ (66) 432-27-87, (66) 432-12-59
Telegram guruhi.

⚡️ Nurobod tuman elektr ta’minoti.
☎️ (77) 401-47-29, (66) 240-16-69
Telegram guruhi.

⚡️ Samarqand shahar elektr ta’minoti.
☎️ (66) 233-12-12, 233-12-15, 233-20-16, 233-41-79, 233-50-72.
Telegram guruhi.

✅ https://t.me/SamHETK

⚡️Qo‘shrabotning olis tog‘li hududidagi xonadonlar elektr tarmog‘iga ulanadi
 
Qo‘shrabot tumani Boqi-Chag‘atoy qishlog‘ida elektr energiyasi yetib bormagan xonadonlarni tarmoqqa ulash ishlari amalga oshirilmoqda.

Tegishli tashkilotlar tomonidan o‘tkazilgan o‘rganishlar davomida mazkur hududda jami 9 ta xonadon mavjudligi, shundan 7 tasida aholi doimiy yashab kelayotgani aniqlangan.
 
Shu vaqtga qadar xonadonlarning elektr energiyasiga bo‘lgan ehtiyojini ta’minlash maqsadida qo‘shimcha quyosh panellari o‘rnatilib, muqobil energiya manbasidan foydalanib kelingan.
 
Ayni kunlarda esa hududda yangi elektr tarmoqlarini qurish ishlari olib borilmoqda. Loyiha doirasida 160 kVA quvvatli transformator punkti o‘rnatilib, zarur beton ustunlari tiklanmoqda.

Mazkur ishlar yakunlangach, olis tog‘li hududda yashovchi aholi barqaror elektr energiyasi bilan ta’minlanadi. Bu esa fuqarolarning turmush sharoitini yaxshilash, hamda hudud infratuzilmasini yanada rivojlantirishga xizmat qiladi.
 
✅ https://t.me/SamHETK

⚡️Elektr xavfsizligi — barchamiz uchun muhim!

Elektr tarmoqlari muhofaza maydonlarida belgilangan qoidalarga rioya etish orqali siz o‘zingiz va atrofdagilar xavfsizligini ta’minlaysiz.

Oddiy ehtiyot choralariga amal qilish esa elektr ta’minotining barqaror ishlashiga xizmat qiladi.

✅ https://t.me/SamHETK

⚡️Energiya resurslaridan oqilona foydalanishning afzalliklari:

➖Oila budjetini tejaydi;

➖Tashkilotlarda xarajatlarni sezilarli darajada kamaytiradi;

➖Resurslarni barcha iste’molchilarga bir me’yorda yetkazib berilishiga hissa qo‘shadi;

➖Tarmoqlarda yuzaga kelishi mumkin bo‘lgan nosozliklarning oldi olinadi;

➖Ekologiya yaxshilanishiga hissa qo‘shiladi;

➖Ushbu qimmatli resurslarni kelajak avlodga yetkazish imkoniyati yaratiladi.

Aziz Vatandoshlar, energiya resurslaridan tejamkorlik bilan foydalaning va barcha insonlar uchun manfaatli bo‘lgan ushbu ishlarga o‘z hissangizni qo‘shing.

👉 https://t.me/SamHETK

Birozdan so‘ng Prezident Shavkat Mirziyoyev raisligida hudud va tarmoqlarda iqtisodiy o‘sish sur’atlarini ta’minlash bo‘yicha birinchi yarim yillik tahlili hamda yil yakuniga qadar ustuvor vazifalar yuzasidan videoselektor yig‘ilishi boshlanadi.
—
Скоро под председательством Президента Шавката Мирзиёева начнется видеоселекторное совещание по анализу темпов экономического роста в регионах и отраслях в первом полугодии и приоритетным задачам на период до конца года.

Facebook|Instagram|X

#elektr_energiyasi

Elektr energetika tizimi maksimal talabni ta’minladi: yuqori yuklama sharoitida barqaror faoliyat davom ettirildi

2026-yil 20-iyul kuni yuqori issiq havo sharoitida O‘zbekiston yagona energetika tizimida yozgi mavsum uchun sutkalik elektr energiyasi iste’moli 301,9 mln kVt·soatni tashkil etib, yangi eng yuqori ko‘rsatkich qayd etildi.

Mazkur natija o‘tgan yil yozgi mavsumida qayd etilgan eng yuqori ko‘rsatkichdan 29,3 mln kVt·soatga yoki 10,75 foizga, shuningdek, 18-iyul kuni qayd etilgan oxirgi eng yuqori iste’mol hajmidan 7,5 mln kVt·soatga yoki 2,55 foizga yuqori bo‘ldi.

Shu kuni yagona energetika tizimining kunduzgi eng yuqori soatlardagi (17:22da) maksimal quvvati 14,2 GVtga yetdi.

Shuningdek, 2026-yil 20-iyul kuni sutkalik elektr energiyasi ishlab chiqarish hajmi ham 305,4 mln kVt·soatni tashkil etib, yangi eng yuqori ko‘rsatkich qayd etildi. Bu 18-iyul kuni qayd etilgan 297,1 mln kVt·soatlik avvalgi eng yuqori ko‘rsatkichdan 8,3 mln kVt·soatga yoki 2,79 foizga yuqori bo‘ldi.

Bu ko‘rsatkichlar anomal issiq havo sharoitida elektr energiyasiga bo‘lgan talab yuqori darajaga chiqqanini hamda iste’molchilarni uzluksiz elektr energiyasi bilan ta’minlash uchun energetika tizimi barqaror ishlaganini ko‘rsatadi.

Shu bilan birga, yuqori iste’mol davrida elektr ta’minoti barqarorligini ta’minlash maqsadida energetika korxonalarining avariya-ta’mirlash brigadalari kuchaytirilgan tartibda ishlab, elektr tarmoqlaridagi nosozlik va avariyaviy holatlarni tezkor bartaraf etishdi.
 
Xususan, kecha ayrim hududlarda, jumladan, soat 13:47 da Olmazor tumanining Sebzor mavzesi iste’molchilarini elektr energiyasi bilan ta’minlovchi tarmoqda nosozlik yuzaga kelib, 310 ta iste’molchi elektr ta’minotidan vaqtincha uzilgan. Soat 18:57 da nosozlik bartaraf etilib, elektr ta’minoti tiklangan.
 
Soat 16:11 da Yakkasaroy va Chilonzor tumanlari iste’molchilarini elektr energiyasi bilan ta’minlovchi tarmoqda nosozlik yuzaga kelib, 1 500 ta iste’molchi elektr ta’minotidan vaqtincha uzilgan. Soat 16:55 da nosozlik bartaraf etilib, elektr ta’minoti tiklangan.
 
Soat 16:49 da Yashnobod tumanidagi Uysozlar va Farg‘ona yo‘li hududi iste’molchilarini elektr energiyasi bilan ta’minlovchi tarmoqda nosozlik yuzaga kelib, 350 ta iste’molchi elektr ta’minotidan vaqtincha uzilgan. Soat 22:00 da nosozlik bartaraf etilib, elektr ta’minoti tiklangan.
 
Soat 17:05 da Chilonzor tumani 1-mavze iste’molchilarini elektr energiyasi bilan ta’minlovchi tarmoqda nosozlik yuzaga kelib, 300 ta iste’molchi elektr ta’minotidan vaqtincha uzilgan. Soat 22:03 da nosozlik bartaraf etilib, elektr ta’minoti tiklangan.
 
21-iyul kuni soat 02:40 da Sergeli tumanining Xonabod va Sultonobod ko‘chasi iste’molchilarini elektr energiyasi bilan ta’minlovchi tarmoqda nosozlik yuzaga kelib, 280 ta iste’molchi elektr ta’minotidan vaqtincha uzilgan va elektr ta’minoti tiklangan.
  
Soat 05:20 da Olmazor tumanining Sebzor va Taxtapul ko‘chasi iste’molchilarini elektr energiyasi bilan ta’minlovchi tarmoqda nosozlik yuzaga kelib, 320 ta iste’molchi elektr ta’minotidan vaqtincha uzilgan. Soat 07:10 da nosozlik bartaraf etilib, elektr ta’minoti tiklangan.

Yuqori yuklamalar sharoitida energetika tizimi korxona va tashkilotlarining tezkor xizmatlari kuchaytirilgan tartibda faoliyat olib bormoqda.

Telegram | Facebook | Instagram | YouTube | X | Veb-sayt

Prezidentimiz raisligida joriy yilning birinchi yarmida erishilgan natijalar va yil yakunigacha qilinadigan ishlar muhokamasiga bag‘ishlangan videoselektor yig‘ilishi boshlandi.

Davlatimiz rahbari so‘zga chiqadigan rahbarlar faqat hisobot bilan cheklanmasdan, qanday yangi zaxiralar topgani, ularni ishga solish bo‘yicha qanday tizim tashkil etayotgani va yil yakunigacha qanday natijaga erishishini aniq tushuntirishi zarurligini qayd etdi. Shuningdek, global vaziyat o‘zgarib borayotgan hozirgi sharoitda har bir rahbar qo‘shimcha ssenariylar bilan ishlashi shartligi ko‘rsatib o‘tildi.

Yil boshidan mamlakatimiz iqtisodiyoti 8,5 foizga o‘sdi. Sanoatda 8 foiz, xizmatlarda 16,9 foiz, qurilishda 13,8 foiz, qishloq xo‘jaligida 4,7 foiz o‘sish ta’minlandi.

Investitsiyalar hajmi 28 milliard dollarga, eksport 14,4 milliard dollarga yetdi. Nufuzli “Fitch” va “Moody’s” xalqaro reyting agentliklari mamlakatimiz suveren kredit reytingini bir pog‘ona yaxshiladi.

Shu bilan birga, davlatimiz rahbari 40 millionli aholi hayotini yaxshilash uchun 9-10 foizli iqtisodiy o‘sish zarurligini ta’kidladi.

Facebook|Instagram|X

Yig‘ilishda hudud va tarmoq rahbarlarining olti oylik rejalari ijrosi tanqidiy tahlil qilindi.

Ayrim hududlarda yalpi hududiy mahsulot, qurilish va investitsiya ko‘rsatkichlari bo‘yicha imkoniyatlar to‘liq ishga solinmagani ko‘rsatib o‘tildi.

Davlatimiz rahbari hozirgi global tebranishlar sharoitida viloyat, tuman va shaharlarga tadbirkorlik hamda ijtimoiy infratuzilma loyihalari uchun mablag‘lar ko‘paytirib berilayotganini qayd etdi.

Shu bilan birga, har bir vazir va hokimning ishi odamlarning yashash madaniyatida sezilmasa, tadbirkorlarning og‘irini yengil qilmasa, bunday natija faqat “qog‘ozdagi raqam” bo‘lib qolishi ta’kidlandi.

Oylik, choraklik va yillik rejasini bajarmagan birorta vazir, hokim yoki tarmoq rahbari bunday sharoitda xotirjam ishlashga haqli emasligi qat’iy ko‘rsatib o‘tildi.

Facebook|Instagram|X

Yig‘ilishda “mahalla yettiligi” ishini yangicha tashkil etish masalasiga alohida e’tibor qaratildi. O‘tgan hafta bu borada barcha masalalar tushuntirilib, mas’ullarga aniq vazifalar belgilab berilgan edi.

Bu borada “Dolzarb 40 kunlik” e’lon qilinib, 2 mingta eng og‘ir mahallada ishlarni mutlaqo yangi tizim asosida tashkil etish boshlandi.

Ushbu mahallalarda hokim, mahalla raisi va bandlik bo‘limi o‘rtasidagi uch tomonlama shartnomalar qayta ko‘rib chiqildi.

Hokimlar 2 mingta og‘ir mahallada elektr, gaz, yo‘l va suv masalalarini o‘z vaqtida hal qilishga shaxsan javobgar bo‘ladi.

Bandlik tizimi mas’ullari ehtiyojmand aholini o‘qitish, ishga joylashtirish va daromadini oshirish maqsadida hududma-hudud yuradi.

Mahalla tizimi rahbarlariga 8 ming 992 ta mahallada ko‘chalar va uylarni obod qilish, daraxt va ko‘chat ekish, ariqlarni toza tutish bo‘yicha aniq majburiyatlar yuklatildi.

Facebook|Instagram|X

Davlatimiz rahbari banklarning mahalladagi ishidan mutlaqo norozi ekanini bildirdi. Shu bois, Markaziy bankning viloyatlardagi rahbarlari va davlat banklari filiallari boshliqlarining faoliyatiga qat’iy e’tiroz bildirildi.

Viloyat va tuman banklari hamda mahalla uyushmalari uchun bu yil sinov va amaliy attestatsiya yili bo‘ladi. Keyingi uch oyda natija qilgan rahbar ishida qoladi, o‘zgarish qilmagani esa lavozimini tark etadi.

Bosh prokuratura va Hisob palatasiga har bir mahallada qanday ish ketayotgani, qanday o‘zgarish bo‘layotganini nazorat qilish vazifasi qo‘yildi.

Shu bilan birga, mahallalarda ozodalik, yashash madaniyati va hovlilar bilan ishlash masalalari ham tanqidiy ko‘rib chiqildi. Hovli uylarni ham boshqaruv kompaniyalari faoliyati bilan qamrab olish muhimligi qayd etildi.

Facebook|Instagram|X

Davlatimiz rahbari odamlar biznes boshlab, eksportga chiqishi uchun barcha sharoitlar yaratilayotganini ta’kidladi.

Hozir 51 ta vazirlik va idorada 322 ta yo‘nalishda moliyaviy jarima qo‘llash vakolati bor. 2024-2026-yillarda qariyb 3 trillion so‘mlik jarima qo‘llanilgan.

Prezidentimiz jazo qo‘llaydigan tashkilotlar mas’ullarining ongi va dunyoqarashi o‘zgarishi zarurligini ta’kidladi. Ular tadbirkorni jazolashdan oldin unga imkoniyat berish va to‘g‘ri yo‘l ko‘rsatishni o‘rganishi kerak.

Tashqi bozorda raqobat kuchayayotgan sharoitda ishlab chiqaruvchi va eksportchilar uchun to‘lov hamda yig‘imlarni kamaytirish masalasi ham ko‘tarildi.

Misol sifatida bir fura gilosni eksport qilishda bojxona yig‘imi, fumigatsiya, sertifikat va deklarant xizmati uchun 5 million so‘mgacha qo‘shimcha xarajat qilinayotgani aytildi.

Barcha vazir va tarmoq rahbarlariga bir haftada tizimidagi byurokratiya, jarima, to‘lov va yig‘imlarni keskin kamaytirish, biznes muhitini yaxshilash bo‘yicha takliflarni Prezident Administratsiyasiga kiritish topshirildi.

Facebook|Instagram|X

Olti oy yakuni bo‘yicha sanoat va eksport ko‘rsatkichlari ham tanqidiy tahlil qilindi.

Birinchi chorak yakunida sanoat rejasiga chiqmagan 13 ta tuman hokimi va eksportni kamaytirgan 15 ta tuman hokimi jazolangan edi. Ko‘pchilik hokimlar bundan xulosa chiqarib, olti oylik prognozlarni bajardi. Lekin ayrim tuman va shaharlarda sanoat o‘sishi sur’ati pasaygani qayd etildi.

Yangiobod tumanida sanoat o‘sishi prognoz qilingan 5,7 foiz o‘rniga atigi 1,8 foizni tashkil etdi. G‘ozg‘on shahri, Muzrabot, Qiziriq va Oltiariq tumanlarida ham o‘sish sur’ati tushib ketgan.

Eksport yo‘nalishida ham qator tuman va shaharlarda o‘zgarish bo‘lmagani ko‘rsatib o‘tildi. Xususan, Kasbi, Denov, Toshkent tumani, Jizzax shahri, Paxtaobod, Navoiy shahri, Jomboy, Toyloq, Bandixon, Mirzacho‘l, Yozyovon va Bektemirda ishlar susaygani tanqid qilindi.

Bosh vazirga ushbu 17 nafar hokimning lavozimiga loyiqligini bugunning o‘zida ko‘rib chiqish topshirildi.

To‘qqiz oy yakunida o‘zgarish bo‘lmasa, viloyat hokimi o‘rinbosarlariga nisbatan ham qat’iy chora ko‘rilishi belgilandi.

Facebook|Instagram|X

Strategik korxonalar xarajatlari ham alohida tahlil qilindi.

Oldin tarmoqlar umumiy xarajatlarni foizda qisqartirib, tannarx kamaygani haqida hisobot berar edi. Bir birlik mahsulot tannarxi bo‘yicha tahlil esa haqiqiy holatni ko‘rsatib berdi.

Masalan, Navoiy kon-metallurgiya kombinatida 1 unsiya oltin tannarxi 8,2 foizga oshgan. Jami xarajatlar o‘tgan yilga nisbatan 6,2 trillion so‘mga yoki 22 foizga ko‘paygan.

O‘zbekiston metallurgiya kombinatida po‘lat sharlar ishlab chiqarish tannarxi 5,4 foizga, “O‘zkimyosanoat”da karbamid bo‘yicha 11,1 foizga, ammiakli selitra bo‘yicha 8,3 foizga oshgan.

“Franklin Templeton” IPOga chiqishi kerak bo‘lgan 13 ta yirik kompaniyani tahlil qilib bergani qayd etildi.

“Uzbekistan Airways” misolida marshrutlar optimal tanlanmagani, reyslar orasi uzoqligi va kechikishlar ko‘pligi, keytering hamda texnik xizmatda raqobat yo‘qligi sababli 120 million dollar daromad boy berilayotgani ko‘rsatib o‘tildi.

Facebook|Instagram|X

Kelgusi o‘n yilda energetika infratuzilmasi uchun 8 milliard dollar talab etiladi.

Shu bilan birga, tarmoqlardagi yo‘qotishlarni kamaytirish orqali daromadni oshirish bo‘yicha yetarli ish olib borilmayapti. Olti oyda elektr energiyasi yo‘qotishi 17,2 foizni yoki 4,8 milliard kilovatt-soatni tashkil qilgan.

Gaz tarmog‘idagi yo‘qotishlar 7,6 foizga, ya’ni 797 million kub metrga yetgani aytildi. Hududiy gaz tarmoqlari korxonalarida mehnat unumdorligi qo‘shni davlatlarga nisbatan 1,5-2 barobar pastligi qayd etildi.

“Franklin Templeton” tahlillariga ko‘ra, “Hududiy elektr tarmoqlari” bozor qiymatini 2 barobarga oshirish mumkin.

Shuningdek, “Uzbekistan Airways” bozor qiymatini 40 foizga, “O‘zbektelekom”nikini 50 foizga oshirish imkoniyati bor.

Facebook|Instagram|X

Soliq tushumlari bo‘yicha ham mavjud imkoniyatlar to‘liq ishga solinmayotgani ko‘rsatib o‘tildi. Yil boshidan soliq tushumi 27 foizga ko‘payib, 130 trillion so‘mdan oshdi.

Lekin qo‘shimcha tushum bo‘yicha yillik reja atigi 40 foizga bajarilgan. Bu 12 trillion so‘mni tashkil etadi. Viloyat hokimlarining birinchi o‘rinbosarlari soliq tushumi bo‘yicha korxonalar bilan yetarli ishlamayotgani tanqid qilindi.

Buxoro viloyati misolida aylanmasi 100 million so‘mdan yuqori bo‘lgan 162 ta korxona ketma-ket uch yil faoliyatini zarar bilan yakunlagani uchun 1 so‘m ham foyda solig‘i to‘lamagani aytildi.

Shuningdek, 1,5 mingta korxona qo‘shilgan qiymat solig‘i to‘lamasdan, faqat QQSni chegirib yurgani qayd etildi. Shu bois, Buxoro viloyati hokimining birinchi o‘rinbosari lavozimidan ozod etildi.

1-iyuldan 498 ta yirik soliq to‘lovchi korxonadan soliq undirish vakolati viloyatlarga tushirib berilgani qayd etilib, endi birorta bahonaga o‘rin qolmagani ta’kidlandi. Viloyat hokimlarining birinchi o‘rinbosarlari, viloyat soliq rahbarlariga mazkur korxonalar bilan yaqindan ishlab, soliqlar to‘liq hajmda yig‘ilishini ta’minlash topshirildi.

Facebook|Instagram|X

Hozir 16 ta to‘qimachilik korxonasi kreditni qaytarish bo‘yicha sud jarayonlari cho‘zilayotgani sababli deyarli ishlamay turibdi. Ularning aksariyati yangi quvvatlar hisoblanadi.

Buning oqibatida 5 trillion so‘mlik mahsulot ishlab chiqarish va 400 million dollarlik eksport boy berilyapti.

Ayrim banklar tomonidan bunday korxonalar faoliyatini tiklash bo‘yicha ijobiy tajribalar borligi qayd etildi.

Masalan, “Toshkent kotton” korxonasiga tashqi boshqaruv guruhi kiritilib, faoliyati tiklangan va bu yil 10 million dollarlik eksport qilingan.

Mutasaddilarga qolgan korxonalarga mas’ullarni biriktirib, ishlab chiqarishni to‘liq tiklash topshirildi.

Facebook|Instagram|X

Yil boshidan 57 ta tarmoq va 76 ta hududiy korxona ishlab chiqarishni 11 trillion so‘mga kamaytirgani qayd etildi.

Bosh vazir o‘rinbosariga viloyat hokimlari va tarmoq rahbarlari bilan o‘n kunda “korxonabay” tahlil o‘tkazish topshirildi. Har bir korxonada qanday muammo bo‘lsa, shu joyning o‘zida hal etiladi.

Sanoat kengashiga 133 ta korxonada yo‘qotilgan 11 trillion so‘mlik ishlab chiqarishni qoplash bo‘yicha taklif kiritish vazifasi qo‘yildi.

Shuningdek, hozir 22 trillion so‘mlik 3 mingta davlat obyekti auksionda turgani aytildi. Hokimlarda davlat mulklarini sotish bo‘yicha tizim yo‘qligi tanqid qilindi.

Yaqinda yangi xususiylashtirish dasturi boshlanadi. Unga ko‘ra, 100 trillion so‘mlik 1,3 mingta ko‘chmas mulk, 8 ming gektar yer maydoni va 66 ta korxonadagi davlat ulushlari savdoga chiqariladi.

Davlat aktivini olgan tadbirkor uchun avans to‘lovi 30 foizdan 15 foizga kamaytiriladi. Qolgan summani foizsiz bo‘lib to‘lash imkoniyati beriladi.

Facebook|Instagram|X

⚡️Hurmatli elektr energiyasi iste’molchilari!
 
Ertaga, 22-iyul kuni soat 09:00 dan 18:00 oralig‘ida “Samarqand magistral elektr tarmoqlari” filialiga qarashli “L-Temur” va “L-Moybuloq” 35 kV elektr uzatish tarmog‘ida joriy ta’mirlash ishlari olib borilishi rejalashtirilgan.
Shu sababli ko‘rsatilgan vaqt oralig‘ida Kattaqo‘rg‘on tumanidagi Yonboshsoy, Qoqsoy, Burgansoy, Jizmonsoy, Andoqsoy, Qo‘shqo‘ton, Nisbat, Jumaboy, Moybuloq mahallalarida elektr ta’minotida uzilishlar kuzatiladi.
 
✅ https://t.me/SamHETK

⚡️Hurmatli elektr energiyasi iste'molchilari!

Ertaga, 22-iyul kuni soat 10:00 dan 18:00 gacha bo'lgan vaqt oralig'ida "Lazerniy" fiderining 10 kV havo elektr uzatish tarmoqlarida ta'mirlash ishlari olib borilishi rejalashtirilgan.
Shu sababli, ko'rsatilgan vaqt oralig'ida Nurobod tumanidagi Nurbuloq mahallasida elektr ta'minotida uzilishlar kuzatiladi.

✅ https://t.me/SamHETK