Qurilish obyektlaridagi ishlar tanqidiy-tahliliy muhokama qilindi

Viloyat hokimining o‘rinbosari Navro‘z Rahmonov rahbarligida Paxtachi va Narpay tumanlari hamda Kattaqo‘rg‘on shahrida bunyod etilayotgan qurilish obyektlarida amalga oshirilayotgan ishlar yuzasidan tanqidiy-tahliliy yig‘ilishlar o‘tkazildi.

Unda tuman va shahar hokimliklari mutasaddilari, prokuratura organlari vakillari, soha mas’ullari, buyurtmachi va pudrat tashkilotlari rahbarlari ishtirok etib, har bir obyekt kesimida qurilish ishlarining bugungi holati slaydli taqdimotlar asosida tahlil qilindi.

Muhokamalar davomida ayrim obyektlarda ish sur’atining sustligi, qurilish sifati, ijro intizomi hamda belgilangan muddatlarga rioya etilishi bilan bog‘liq masalalar tanqidiy ko‘rib chiqildi. Aniqlangan kamchiliklarni zudlik bilan bartaraf etish, qurilish me’yorlari va texnik reglamentlarga qat’iy amal qilish, ishlarni jadallashtirish hamda sifat nazoratini kuchaytirish yuzasidan mas’ullarga aniq vazifalar yuklatildi.

Yig‘ilishlarda, ayniqsa, yangi o‘quv yili boshlanguniga qadar ta’lim muassasalari qurilishi va rekonstruksiya ishlari sifatli hamda belgilangan muddatlarda yakunlanishi ustuvor vazifa etib belgilandi. Shuningdek, Mustaqilligimizning 35 yilligi bayrami arafasida foydalanishga topshirilishi rejalashtirilgan barcha obyektlarda ishlarni jadallashtirish va ularni yuqori sifat bilan yakunlash zarurligi alohida ta’kidlandi.

Yakunda qurilish obyektlarini o‘z vaqtida foydalanishga topshirish, mavjud muammolarni qisqa muddatda bartaraf etish, ishlar sifati va sur’atini doimiy nazorat ostida olib borish bo‘yicha qat’iy topshiriqlar berildi.

✅ https://t.me/SamHETK

⚡️Narpay tumanida elektr energiyasidan noqonuniy foydalanish holatlariga chek qo‘yildi

Bosh prokuratura shtabi tomonidan Samarqand viloyatining Narpay tumanida o‘tkazilgan nazorat tadbirida “X. B.” yakka tartibdagi tadbirkorga qarashli noturar bino o‘zboshimchalik bilan tarmoqqa ulanib, 433 million soʻmlik elektr energiyasidan noqonuniy foydalanib kelayotganligi ma’lum bo‘ldi.

Bu kabi holat ushbu shaharda fuqaro B. Sh. qarashli noturar binoda ham qayd etildi. Ush qoidabuzarlik natijasida, ta’minot korxonasiga 769 million so‘mlik zarar yetkazilgan.

✅ https://t.me/SamHETK

⚡️ORTIQCHA ELEKTR JIHOZLARNI O‘CHIRISHNI UNUTMANG!

Bugun biz odatlangan qulayliklar ortida ulkan mehnat va resurslar yotibdi. Elektr energiyasidan oqilona foydalanish — bu oddiy tejamkorlik emas, balki tabiatga bo‘lgan g‘amxo‘rlikdir.

“Hududiy elektr tarmoqlari” AJ barchamizni resurslardan mas’uliyat bilan foydalanishga chorlaydi. Har bir o‘chirilgan ortiqcha elektr jihozi— umumiy maqsadimiz sari qo‘yilgan qadamdir.

✅ https://t.me/SamHETK

⚡️Hurmatli elektr energiyasi iste'molchilari!
 
Bugun soat 14:00 dan 19:00 oralig‘ida 195-fiderning elektr uzatish tarmog‘idagi tayanch ustunini boshqa joyga ko‘chirish ishlari olib borilishi sababli ko‘rsatilgan vaqt oralig‘ida Samarqand shahridagi Sayqal mahallasida (Po‘dakiy ko‘chasi) elektr ta’minotida uzilishlar bo‘ladi.

✅ https://t.me/SamHETK

#Munosabat
Ijtimoiy tarmoqlarda Payariq tumani Guliston mahallasida joylashgan 8-son davlat maktabgacha ta’lim tashkiloti hududidagi transformator punktini ko‘chirish hamda eskirgan elektr simyog‘ochlarini yangilash masalasi yuzasidan bildirilgan murojaat yuzasidan quyidagilar ma’lum qilinadi.
Mazkur hududda joylashgan, “Inqilob” fideri orqali elektr energiyasi bilan ta’minlanuvchi quvvati 100 kVA bo‘lgan 3084-sonli transformator punkti amaldagi loyiha hujjatlari asosida o‘rnatilgan bo‘lib, uning muhofaza maydoni belgilangan tartibda ajratilgan.
Keyinchalik ushbu hududda davlat maktabgacha ta’lim tashkiloti tashkil etilgan va muassasa atrofini devor bilan o‘rash jarayonida transformator punktining muhofaza maydoni ham mazkur hududga qo‘shib, o‘rab olingan.
Vazirlar Mahkamasining 2018-yil 26-dekabrdagi 1050-son qarori talablariga muvofiq, elektr uzatish tarmoqlarining muhofaza maydonlarida yer uchastkalarini devor va boshqa to‘siqlar bilan o‘rab olish, shuningdek, bino va inshootlar qurish taqiqlangan. Shu bois transformator punktini boshqa joyga ko‘chirish masalasi amaldagi qonunchilik talablari va mazkur qarorda belgilangan tartib asosida ko‘rib chiqiladi hamda tegishli tartibda amalga oshiriladi.
Shuningdek, murojaatda ko‘tarilgan yo‘l bo‘yidagi eskirgan elektr simyog‘ochlarini yangilash ishlari tasdiqlangan dastur asosida bosqichma-bosqich amalga oshirilishi rejalashtirilgan.

✅ https://t.me/SamHETK