⚡️Ko‘p qavatli uylarda elektr ta’minoti barqarorligi ta’minlanmoqda
 
Samarqand shahrida ko‘p qavatli uylarda istiqomat qiluvchi aholini barqaror elektr energiyasi bilan ta’minlash maqsadida ta’mirlash va profilaktik ishlar olib borilmoqda.
           
“Hududiy elektr tarmoqlari” AJ Samarqand hududiy filiali Ko‘p qavatli binolarga xizmat ko‘rsatish bo‘limi hamda “Oltin asr” boshqaruv servis kompaniyasi xodimlari hamkorligida Bog‘dod mahallasidagi 14-uyning markaziy elektr taqsimlash shitlari mukammal ta’mirlandi. Yaroqsiz kabellar almashtirilib, tarmoqlar tartibga keltirildi.
 
Shuningdek, Ro‘dakiy mahallasidagi 92-, 136-uylar hamda Shukrona mahallasidagi 2-, 6-, 9-uylarning markaziy elektr taqsimlash shitlarida joriy va mukammal ta’mirlash ishlari bajarildi.
 
Mazkur ishlar elektr tarmoqlarining ishonchliligini oshirish, kuz-qish mavsumini barqaror o‘tkazish va aholi xonadonlarini uzluksiz elektr energiyasi bilan ta’minlashga xizmat qiladi.
 
✅ https://t.me/SamHETK

⚡️ QIYQIM MAHALLASIDA ELEKTR TA’MINOTI YAXSHILANMOQDA

O‘zbekiston Respublikasi Prezidentining PQ-49-son qarori ijrosi doirasida Qo‘shrabot tumanida elektr ta’minotini yaxshilash, mavjud tarmoqlarni modernizatsiya qilish hamda aholi uchun barqaror elektr energiyasi yetkazib berish bo‘yicha qator ishlar amalga oshirilmoqda.

Xususan, tumanning Qiyqim mahallasida 1 dona 100 kVA quvvatli transformator punkti hamda 14 ta beton ustunlari o‘rnatildi.
Shuningdek, 1 100 metr elektr tarmog‘i tortildi.

Ayni paytda transformator punktini elektr tarmog‘iga ulash uchun zarur ishlar yakunlanib, ulashga tayyor holatga keltirildi.

Mazkur ishlar yakunlangach, mahalladagi aholi xonadonlarining elektr ta’minoti yanada yaxshilanib, elektr energiyasini barqaror yetkazib berish imkoniyati kengayadi.

✅ https://t.me/SamHETK