⚡️Korrupsiyaning oldini olish, uni barvaqt aniqlash va unga nisbatan murosasiz munosabatni shakllantirish lozim.

Shu maqsadda “Hududiy elektr tarmoqlari” AJ Samarqand filiali Korrupsiyaga qarshi kurashish va komplayens nazorat bo‘limi tomonidan Urgut tumani va Dehqonobod elektr ta’minotlari hamda “Energosavdo” bo‘limlari rahbar xodimlari bilan yakka tartibda profilaktik va ogohlantiruv suhbatlari o‘tkazildi.

Suhbatlar davomida korrupsiyaga yo‘l qo‘ymaslik, huquqbuzarlikka olib kelishi mumkin bo‘lgan har qanday takliflarni rad etish, korrupsiya zanjirini barvaqt aniqlash va barham berish, shuningdek, filial tomonidan ajratilayotgan tovar-moddiy boyliklarning talon-toroj qilinishiga yo‘l qo‘ymaslik masalalari yuzasidan tushuntirishlar berildi.

Rahbar xodimlar korrupsiyaviy holatlarga nisbatan murosasiz bo‘lishga chaqirilib, korrupsiya hamda talon-torojlikka yo‘l qo‘ygan har qanday xodimga nisbatan qonunchilikda belgilangan tartibda javobgarlik choralari ko‘rilishi ta’kidlandi.

✅ https://t.me/SamHETK

⚡️KUZ-QISH MAVSUMIGA TAYYORGARLIK HOLATI O‘RGANILDI

Samarqand viloyatida 2026-2027-yillar kuz-qish mavsumini betalafot o‘tkazish, elektr ta’minoti tizimlarining barqaror ishlashini ta’minlash hamda ehtimoliy favqulodda holatlarning oldini olish maqsadida maxsus-taktik o‘quv mashqi o‘tkazildi.

O‘quv mashqi doirasida “Hududiy elektr tarmoqlari” AJ Samarqand hududiy filialida mavsumga tayyorgarlik yuzasidan amalga oshirilayotgan ishlar holati atroflicha ko‘zdan kechirildi.

Jumladan, kuz-qish mavsumi davomida yuzaga kelishi mumkin bo‘lgan avariya va nosozliklarni tezkor bartaraf etishga jalb etiladigan tezkor brigadalarning shayligi, maxsus texnikalar, avariya-tiklash vositalari, asbob-uskunalar va zarur jihozlar bilan ta’minlanganlik darajasi o‘rganildi.

Shuningdek, filialning markaziy zaxira ombori hamda moddiy-texnika bazasi ko‘rikdan o‘tkazildi. U yerda joriy kuz-qish mavsumi uchun shakllantirilgan moddiy-texnika zaxiralari, ehtiyot qismlari, zarur materiallar va boshqa vositalarning mavjudligi hamda tayyorlik holatiga alohida e’tibor qaratildi.

O‘rganish jarayonida favqulodda va avariyaviy holatlar yuzaga kelishi ehtimoliga qarshi zarur kuch va vositalarni tezkor jalb etish imkoniyatlari, mavjud resurslardan samarali foydalanish va elektr ta’minotidagi nosozliklarni qisqa muddatlarda bartaraf etish uchun yaratilgan shart-sharoitlar ham ko‘rib chiqildi.

Maxsus-taktik o‘quv mashqi natijalari kuz-qish mavsumiga tayyorgarlik ishlarini yanada takomillashtirish, mavjud moddiy-texnika zaxiralarini yetarli darajada shakllantirish va elektr tarmoqlarining ishonchli faoliyatini ta’minlash bo‘yicha zarur choralarni belgilashga xizmat qiladi.

✅ https://t.me/SamHETK

⚡️ Energetika tizimidagi tayyorgarlik jarayonlari o‘rganildi

Samarqandda kuz-qish mavsumini betalafot o‘tkazish, elektr ta’minoti tizimlarining barqaror ishlashini ta’minlash maqsadida maxsus-taktik o‘quv mashqi o‘tkazilayotganligi xususida xabar berilgandi.

Mazkur tadbir davomida Favqulodda vaziyatlar vaziri o‘rinbosari Nuriddin Kadirov “Hududiy elektr tarmoqlari” AJ Samarqand hududiy filialida bo‘lib, Vaziyatlarni monitoring qilish bo‘limi faoliyatini o‘rgandi.

O‘rganishlar davomida kuz-qish mavsumiga tayyorgarlik, mavjud infratuzilmaning barqaror ishlashini ta’minlash bo‘yicha amalga oshirilayotgan ishlar ko‘rib chiqildi.

✅ https://t.me/SamHETK