⚡️ BARQAROR ELEKTR TA’MINOTI YO‘LIDA AMALIY ISHLAR

“Hududiy elektr tarmoqlari” AJ Samarqand hududiy filialining Ko‘p qavatli binolarga xizmat ko‘rsatish bo‘limi tomonidan iste’molchilarga barqaror elektr ta’minotini yetkazib berish maqsadida profilaktik va ta’mirlash ishlari olib borilmoqda.

Jumladan, O‘zbekiston Respublikasi Prezidentining 2026-yil 5-fevraldagi 48-son qarori ijrosini ta’minlash hamda kuz-qish mavsumida aholini uzluksiz elektr energiyasi bilan ta’minlash maqsadida Kattaqo‘rg‘on shahri, Oqmachit mahallasi, Ziyokorlar ko‘chasidagi 17-uy va Samarqand shahri, Farovonlik mahallasi, Zafar ko‘chasidagi 4-sonli ko‘p qavatli uyning elektr taqsimlash qurilmalarida rejali ta’mirlash ishlari bajarildi.

Ta’mirlash jarayonida qurilmalarning texnik holati ko‘rikdan o‘tkazilib, eskirgan va talabga javob bermaydigan qismlar yangilariga almashtirildi.

Mazkur ishlar elektr ta’minoti ishonchliligini oshirish va ehtimoliy nosozliklarning oldini olishga xizmat qiladi.

✅ https://t.me/SamHETK

⚡️ PANGATDA ELEKTR TA’MINOTI BARQARORLIGI OSHIRILMOQDA
 
Qo‘shrabot tumanining Pangat mahallasida aholini barqaror va sifatli elektr energiyasi bilan ta’minlash, mavjud elektr tarmoqlarining quvvatini oshirish hamda iste’molchilarga ko‘rsatilayotgan xizmatlar sifatini yaxshilash borasida amaliy ishlar olib borilmoqda.
 
Xususan, O‘zbekiston Respublikasi Prezidentining tegishli qarori doirasida mahalladagi mavjud 843 transformator punktiga qo‘shimcha ravishda 100 kVA quvvatga ega yangi transformator punkti o‘rnatildi.
 
Shuningdek, elektr tarmog‘ini mustahkamlash maqsadida 9 dona yangi beton ustun o‘rnatilib, 660 metr uzunlikdagi 10 kV elektr uzatish tarmog‘i tortildi.
 
Pangat mahallasida amalga oshirilayotgan ushbu ishlar hudud infratuzilmasini rivojlantirish, aholi turmush sharoitini yaxshilash hamda elektr energiyasidan foydalanish qulayligini oshirishga qaratilgan sa’y-harakatlarning amaliy ifodasidir.
 
✅ https://t.me/SamHETK