Kuz-qish mavsumiga tayyorgarlik: elektr ta’minoti barqarorligini ta’minlash choralari ko‘rilmoqda

Samarqand shahrida kuz-qish mavsumini betalafot o‘tkazish, aholiga uzluksiz elektr energiyasini yetkazib berish hamda elektr tarmoqlarining barqaror ishlashini ta’minlash maqsadida tizimli ishlar amalga oshirilmoqda.

Xususan, elektr ta’minoti infratuzilmasini yaxshilash doirasida joriy yilda 8 ta mahallada yangi transformatorlar o‘rnatildi, 290 ta transformator punktida joriy va mukammal ta’mirlash ishlari bajarildi. Shuningdek, 238,3 kilometr elektr tarmoqlari yangilandi.

Shu bilan birga, elektr energiyasidan oqilona foydalanish va energiya samaradorligini oshirishga ham alohida e’tibor qaratilmoqda. Yil boshida 38,3 million kVt·soat elektr energiyasini iqtisod qilish maqsad qilingan bo‘lsa, 9 oylik yakunlariga ko‘ra, amalda 47 million kVt·soat elektr energiyasi tejaldi. Natijada belgilangan reja 109 foizga bajarildi.

✅ https://t.me/SamHETK

Prezident Shavkat Mirziyoyevning Osiyoda hamkorlik va ishonch choralari bo‘yicha kengashning yettinchi sammitidagi nutqidan asosiy fikrlar:

📌Bugungi kunda dunyo chuqur geosiyosiy o‘zgarishlarni boshidan kechirmoqda, yangi tahdid va xatarlar paydo bo‘lmoqda. Bu vaziyat yanada yaqin hamkorlik va birgalikda qarorlar qabul qilishni talab etadi;

📌Har qanday nizo va kelishmovchiliklar faqat tinch yo‘l bilan, siyosiy-diplomatik vositalar orqali, xalqaro huquq va barcha tomonlar manfaatlarini inobatga olgan holda hal etilishi zarur;

📌“Biz Yaqin Sharqdagi qarama-qarshilik va G‘azodagi gumanitar vaziyatni katta tashvish bilan kuzatib boryapmiz. Ushbu mintaqada tezroq tinchlik va barqarorlik o‘rnatilishi tarafdorimiz”;

📌OHIChKning asosiy maqsadi Osiyoda o‘zaro hamkorlikning yaxlit infratuzilmasini shakllantirish, o‘zaro uyg‘un va oldindan taxmin qilish mumkin bo‘lgan harakatlar, majburiyatlarni bajarish asosidagi munosabatlarning barqaror tizimini yaratish bo‘lishi kerak;

📌Osiyoda ishonch infratuzilmasini shakllantirish konsepsiyasini ishlab chiqish, unda Kengashni uzoq muddatli rivojlantirishning asosiy yo‘nalishlari, davlatlar o‘rtasida o‘zaro bog‘liqlik va hamkorlikni kengaytirish bo‘yicha aniq chora-tadbirlarni belgilash taklif etildi;

📌Texnologik ishonch va sun’iy intellektdan mas’uliyat bilan foydalanish bo‘yicha Osiyo tashabbusi ilgari surildi;

📌Iqlim barqarorligi sohasida sheriklik qilish bo‘yicha tashabbus taklif qilindi. Bu suvni tejaydigan texnologiyalarni birgalikda joriy etish, “yashil” energetikani rivojlantirish va atrof-muhit holatini doimiy kuzatib borish imkonini beradi;

📌O‘zbekiston Kengashning Inson mezoni bo‘yicha koordinatori sifatida ta’lim, madaniyat va gumanitar sohalardagi aloqalarni rivojlantirishga katta e’tibor qaratmoqda va kelgusi yili Inson salohiyatini rivojlantirish bo‘yicha forumni o‘tkazishga tayyor;

📌O‘zbekiston OHIChKning tashkiliy asoslarini yanada mustahkamlash va uning nizomini takomillashtirish borasidagi ishlarni qo‘llab-quvvatlaydi. Ilgari surilayotgan tashabbuslar o‘zining amaliy ijrosini topishi muhim.

Facebook|Instagram|X

#Elektr_xavfsizligi_oyligi

⚡️SOHADAGI ISHLAR “TARAQQIYOT YO‘LIDA” KO‘RSATUVIDA
 
Samarqand telekanalining “Taraqqiyot yo‘lida” ko‘rsatuvining navbatdagi soni “Hududiy elektr tarmoqlari” AJ Samarqand hududiy filiali tomonidan elektr energiyasi ta’minotini yaxshilash, kuz-qish mavsumiga tayyorgarlik ko‘rish borasida olib borilayotgan ishlar hamda “Elektr xavfsizligi oyligi” doirasida Samarqand tuman elektr ta’minoti korxonasida tashkil etilgan o‘quv-seminariga bag‘ishlandi.
 
Ko‘rsatuvda elektr ta’minoti barqarorligini ta’minlash, mavsumga tayyorgarlik ishlari va elektr xavfsizligi qoidalariga rioya etish masalalari yoritildi.

✅ https://t.me/SamHETK

⚡️ DIQQAT!

Bugun, 16-oktabr kuni 110 kV kuchlanishli “L-Penjikent” elektr uzatish tarmog‘ida ta’mirlash ishlari olib borilishi sababli, Samarqand va Urgut tumanlarining ayrim hududlarida elektr ta’minotida vaqtinchalik uzilishlar kuzatilishi mumkin.

🕙 Ish vaqti: soat 10:00 dan 18:00 gacha.

Keltirilishi mumkin bo‘lgan noqulayliklar uchun iste’molchilardan uzr so‘raymiz.

❗️️ «SAMARQAND MAGISTRAL ELEKTR TARMOQLARI» FILIALI

#Elektr_xavfsizligi_oyligi

⚡️Elektr manbaida ortiqcha yuklamani hosil qilmang

Iste’molchilardan elektr energiyasidan foydalanishda belgilangan me’yorlarga amal qilish so‘raladi.

Elektr manbalarida ortiqcha yuklama hosil qilinishi tarmoqlarda nosozliklar yuzaga kelishiga, kuchlanishning pasayishiga hamda avariyaviy holatlarga sabab bo‘lishi mumkin.

Shu bois, bir vaqtning o‘zida ko‘p quvvat talab qiluvchi elektr jihozlaridan foydalanmaslik, nosoz va qo‘lbola qurilmalardan voz kechish hamda xavfsizlik qoidalariga qat’iy rioya etish muhimdir.

Elektr energiyasidan oqilona va tejamkor foydalanish orqali tarmoqlarning barqaror ishlashini ta’minlashga har bir iste’molchi o‘z hissasini qo‘shishi zarur.

✅ https://t.me/SamHETK