SAMARQANDDAGI JAHON SAMMITI — OAV NIGOHIDA

Samarqandda o‘tkazilayotgan “Bolalar farovonligiga investitsiya: kelajak avlodlar uchun barqaror va adolatli taraqqiyot sari yo‘l” mavzusidagi Jahon sammiti xalqaro hamjamiyat e’tiborida.

Sammit doirasida bolalarning ijtimoiy himoyasi, salomatligi, ta’limi va huquqlarini ta’minlash, shuningdek, ularning farovon kelajagiga investitsiya kiritish masalalari muhokama qilinmoqda.

Sammitning ahamiyati, yuqori darajadagi uchrashuvlar, xalqaro muloqotlar va asosiy muhokamalar haqida batafsil reportajda tanishing.

✅ https://t.me/SamHETK

#Eslatamiz

⚡️ Elektrni behuda sarflash javobgarlikka sabab bo‘ladi

Mansabdor shaxs yoki YATT tomonidan elektr va issiqlik energiyasini behuda sarflash, BHMning 10 baravaridan 20 baravarigacha (4 mln 400 ming so‘mdan 8 mln 800 ming so‘mgacha) miqdorda jarima solishga sabab bo‘ladi.

Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, BHMning 20 baravaridan 35 baravarigacha (8 mln 800 ming so‘mdan 15 mln 400 ming so‘mgacha) miqdorda jarima solishga sabab bo‘ladi.

✅ https://t.me/SamHETK

#Ayni_damda
#Ochiq_muloqot

Ayni damda Samarqand viloyat teleradiokompaniyasi efirida “Ochiq muloqot” ko‘rsatuvi namoyish etilmoqda.

Ko‘rsatuvda “Hududiy elektr tarmoqlari” AJ Samarqand hududiy filialining bosh muhandisi Ilhom Norboyev hamda “Hududgaz Samarqand” filiali mas’ul xodimlari ishtirok etib, hududlarda elektr energiyasi va tabiiy gaz ta’minotini yanada yaxshilash, iste’molchilarni uzluksiz va sifatli energiya resurslari bilan ta’minlash borasida amalga oshirilayotgan ishlar haqida batafsil ma’lumot bermoqda.

Shuningdek, muloqot davomida sohada olib borilayotgan modernizatsiya ishlari, kuz-qish mavsumiga tayyorgarlik, mavjud muammolarni bartaraf etish hamda aholini qiynayotgan masalalarga yechim topish yuzasidan ko‘rilayotgan chora-tadbirlar xususida fikr almashilmoqda.

“Ochiq muloqot” ko‘rsatuvi orqali fuqarolarni qiziqtirgan savollarga mutasaddilar tomonidan atroflicha javoblar berilishi ko‘zda tutilgan.

✅ https://t.me/SamHETK

#Ochiq_muloqot

⚡️Elektr va gaz ta’minoti yuzasidan ochiq muloqot

“Samarqand” telekanalida efirga uzatilgan “Ochiq muloqot” dasturida hududlarda elektr energiyasi va tabiiy gaz ta’minotini yaxshilash masalalari muhokama qilindi.

Jonli efirda “Hududiy elektr tarmoqlari” AJ Samarqand hududiy filiali bosh muhandisi Ilhom Norboyev, tuman va shahar elektr ta’minotlari rahbarlari hamda “Hududgaz Samarqand” filiali mas’ul xodimlari ishtirok etdi.

Muloqot davomida elektr va gaz tarmoqlarini modernizatsiya qilish, mavjud muammolarni bartaraf etish, iste’molchilar murojaatlarini o‘z vaqtida ko‘rib chiqish hamda energiya resurslari ta’minoti barqarorligini oshirish borasida amalga oshirilayotgan ishlar yuzasidan ma’lumot berildi.

✅ https://t.me/SamHETK

#Munosabat
Ijtimoiy tarmoqlarda Samarqand tumani Quyi Turkman mahallasi hududida joylashgan “Yuksalish Eco City” turar-joy majmuasida elektr energiyasi ta’minotida uzilishlar kuzatilgani haqida murojaat e’lon qilindi.

Mazkur holat yuzasidan ma’lum qilamizki, turar-joy majmuasini elektr energiyasi bilan ta’minlash maqsadida quruvchi tashkilot tomonidan yangi transformator punkti o‘rnatilib, elektr tarmog‘iga ulangan.

Quruvchi tashkilot balansidagi transformator punktining 0,4 kV kuchlanishli kabel tarmog‘ida yuzaga kelgan nosozlik tuman elektr ta’minoti xodimlari tomonidan bartaraf etilib, elektr ta‘minoti tiklangan.

Hududda elektr ta’minotining barqarorligini ta’minlash maqsadida quruvchi tashkilot bilan tuzilgan shartnomaga muvofiq, “Samarqand magistral elektr tarmoqlari” filiali tasarrufidagi “G‘arbiy” podstansiyasidan umumiy uzunligi 3,2 kilometr bo‘lgan yangi elektr tarmog‘ini qurish belgilangan.

Yer osti kabel tarmoqlarini yotqizish jarayonida yuzaga kelgan ayrim texnik va tashkiliy masalalar sababli ishlarning yakuniy bosqichi kechikdi.

Ayni paytda tarmoq tortish ishlari bajarilgan bo‘lib, montaj ishlari olib borilmoqda.

Rejaga ko‘ra, joriy yilning noyabr oyida barcha montaj ishlari yakunlanib, yangi tarmoqni elektr ta’minoti tizimiga ulash ishlari amalga oshiriladi. Shundan so‘ng mazkur hududdagi iste’molchilar belgilangan tartibda yangi tarmoqqa ulanib, elektr energiyasi ta’minotining barqarorligini ta’minlash imkoniyati yaratiladi.

Hozirda loyiha doirasidagi ishlarni jadallashtirish va belgilangan muddatlarda yakunlash masalasi mutasaddi tashkilotlar nazoratiga olingan.

✅ https://t.me/SamHETK

⚡️ ELEKTR ENERGIYASINI TEJASH BO‘YICHA FOYDALI TAVSIYALAR

Sovuq kunlarida elektr energiyasiga bo‘lgan talab ortadi. Shu bois elektr energiyasidan oqilona foydalanish, ortiqcha sarf-xarajatlarning oldini olish va elektr ta’minoti barqarorligini saqlashda har bir iste’molchining hissasi muhim.

✅ https://t.me/SamHETK