Tadbir davomida oila-turmush munosabatlari doirasida hamda ayollar va yoshlar tomonidan sodir etilayotgan jinoyatlarning kelib chiqish omillari, ularning salbiy oqibatlari va bunday holatlarning oldini olish bo‘yicha amalga oshirilayotgan chora-tadbirlar muhokama qilindi.

Shuningdek, “Talabalar o‘rtasida jinoyatchilik va giyohvandlikning oldini olish chora-tadbirlari” mavzusida ma’ruzalar tinglanib, talabalarga sog‘lom turmush tarzini targ‘ib etish, huquqiy madaniyatni yuksaltirish hamda zararli illatlarga qarshi immunitetni shakllantirish yuzasidan tavsiyalar berildi.

Davra suhbati ochiq muloqot ruhida o‘tib, ishtirokchilarni qiziqtirgan savollarga batafsil javoblar berildi.

🌟🌟🌟🌟🌟🌟🌟🌟🌟

Samarqand viloyati Toyloq tumanida 2026–2030-yillarga mo‘ljallangan uzoq muddatli ijtimoiy-iqtisodiy rivojlanish dasturini ishlab chiqish bo‘yicha muhokama yig‘ilishi bo‘lib o‘tdi.

Mazkur yig‘ilishda Samarqand iqtisodiyot va servis institutning bir qator professor-o‘qituvchilari va ilmiy xodimlari faol ishtirok etdilar.

Muhokamalar davomida tumanning mavjud ijtimoiy-iqtisodiy holati tahlil qilinib, hududni kompleks rivojlantirish, investitsiyalarni jalb etish, yangi ish o‘rinlari yaratish, sanoat, qishloq xo‘jaligi, xizmat ko‘rsatish, ta’lim va sog‘liqni saqlash sohalarini yanada takomillashtirish bo‘yicha taklif va tavsiyalar bildirildi.

Institut professor-o‘qituvchilari tomonidan ilmiy yondashuvlarga asoslangan tavsiyalar berilib, Toyloq tumanining 2026–2030-yillarga mo‘ljallangan uzoq muddatli rivojlanish dasturini samarali shakllantirishga munosib hissa qo‘shildi.

Samarqand iqtisodiyot va servis instituti hududlarni barqaror rivojlantirish, ilm-fan va amaliyot integratsiyasini kuchaytirish hamda davlat dasturlarini ilmiy asosda takomillashtirishga qaratilgan tashabbuslarda faol ishtirok etishda davom etadi.

🌟🌟🌟🌟🌟🌟🌟🌟🌟

Tadbir davomida loyiha maqsad va vazifalari, sun’iy intellekt texnologiyalarining bugungi kundagi ahamiyati hamda ushbu yo‘nalishda yoshlar uchun yaratilayotgan imkoniyatlar haqida batafsil ma’lumotlar taqdim etildi.

Shuningdek, ishtirokchilar sun’iy intellekt bo‘yicha bilim va ko‘nikmalarni rivojlantirish, zamonaviy kasblarni egallash hamda xalqaro mehnat bozorida raqobatbardosh mutaxassis bo‘lib shakllanish imkoniyatlari bilan tanishtirildi.

🌟🌟🌟🌟🌟🌟🌟🌟🌟

Tadbir davomida qonunda belgilangan komplayens va korrupsiyaga qarshi ichki nazorat tuzilmalarining vazifalari, huquqlari hamda faoliyatining xavfsizlik kafolatlari haqida batafsil ma’lumot berildi. Shuningdek, korrupsiyaga qarshi kurashishning zamonaviy mexanizmlari, korrupsiyaviy xavf-xatarlarni aniqlash va baholash tizimi, manfaatlar to‘qnashuvining oldini olish bo‘yicha yangi tartiblar yuzasidan tushuntirishlar olib borildi.

Yig‘ilish ishtirokchilari korrupsiyaga nisbatan murosasiz munosabatni shakllantirish, ochiqlik va shaffoflik tamoyillariga qat’iy amal qilish, shuningdek, xizmat faoliyatida halollik va mas’uliyatni yanada kuchaytirish masalalari bo‘yicha fikr almashdilar.

Tadbir yakunida korrupsiyaga oid holatlarga duch kelinganda Korrupsiyaga qarshi kurashish agentligining 1253 qisqa raqamli “Call-markazi” orqali murojaat qilish mumkinligi eslatib o‘tildi.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟