Samarqand iqtisodiyot va servis instituti talabalar turar joyida servis fakulteti tyutori Sh.Mamarasulov tashabbusi bilan talabalar o‘rtasida bilim va intellektual salohiyatni oshirish, erkin fikrlash hamda tafakkurni rivojlantirish ko‘nikmalarini shakllantirish maqsadida “Zakovat” intellektual o‘yini tashkil etildi.

Mazkur o‘yin davomida ishtirokchilar turli yo‘nalishlardagi savollarga javob berish orqali o‘z bilim darajasi, mantiqiy fikrlashi va jamoada ishlash qobiliyatini sinovdan o‘tkazdilar.

🌟🌟🌟🌟🌟🌟🌟🌟🌟

Mazkur tadbirda talabalarning moliyaviy savodxonligini oshirish, huquqiy bilimlarini mustahkamlash hamda moliyaviy huquqbuzarliklarning oldini olish bo‘yicha tushunchalarini kengaytirishga qaratildi.

Davra suhbati davomida moliyaviy huquqbuzarlik tushunchasi, uning asosiy turlari, kelib chiqish sabablari hamda ularning jamiyat va iqtisodiyotga ta’siri haqida atroflicha ma’lumotlar berildi. Shuningdek, bunday holatlarning oldini olish mexanizmlari va amaldagi qonunchilik normalari yuzasidan fikr almashildi.

🌟🌟🌟🌟🌟🌟🌟🌟🌟

To‘garak doirasida “yashil marketing”ning nazariy asoslari va amaliy jihatlari, ekologik yo‘naltirilgan startap loyihalarni ishlab chiqish mexanizmlari, shuningdek, sun’iy intellekt asosida innovatsion yechimlar yaratish orqali talabalarning bilim va ko‘nikmalarini mustahkamlash masalalari muhokama qilindi. Professor-o‘qituvchilar tomonidan talabalarda kreativ fikrlash, jamoaviy ishlash hamda barqaror rivojlanish tamoyillariga asoslangan marketing strategiyalarini ishlab chiqish bo‘yicha muhim tavsiyalar berildi.

Mazkur to‘garakda ishtirok etish istagida bo‘lgan talabalar marketing kafedrasiga murojaat qilishlari mumkin.

🌟🌟🌟🌟🌟🌟🌟🌟🌟

Talabalarning bo‘sh vaqtini mazmunli o‘tkazish, sportga bo‘lgan qiziqishlarini oshirish va yoshlarda giyohvandlikka qarshi immunitetni shakllantirish maqsadida Samarqand iqtisodiyot va servis instituti kechki ta'lim fakulteti tyutorlari tomonidan futbol musobaqasi tashkil etildi.

Musobaqa jarayonida talabalar jamoaviylik, faollik va sog‘lom raqobat ruhida ishtirok etib, o‘z mahoratlarini namoyon etishdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti o‘zbek tili va adabiyot kafedrasi o‘qituvchisi T.Chernova tashabbusi bilan o‘zbek adabiyotining yorqin namoyandasi, O‘zbekiston xalq shoiri Zulfiya tavallud kuni munosabati bilan ma’naviy-ma’rifiy tadbir tashkil etildi.

Tadbir masofaviy ta’lim shaklida tahsil olayotgan 1-bosqich talabalari ishtirokida onlayn tarzda, Zoom platformasi orqali o‘tkazildi. Unda shoiraning hayoti va ijodiy faoliyati, uning o‘zbek adabiyoti ravnaqiga qo‘shgan beqiyos hissasi haqida atroflicha ma’lumotlar berildi.

🌟🌟🌟🌟🌟🌟🌟🌟🌟