Samarqand iqtisodiyot va servis instituti iqtisodiyot nazariyasi kafedrasi qoshida faoliyat yuritayotgan “Adam Smit izdoshlari” to‘garagining ish rejasiga muvofiq, kafedra dotsenti F.Ishankulova tomonidan ilmiy maqola yozish bo‘yicha seminar-trening tashkil etildi.

Treningda tayyorlangan tezis va maqolalarni tahlil qilish, shuningdek, eng yaxshi tezis hamda ilmiy maqolalarni ilmiy anjuman va konferensiyalarda ishtirok etish uchun tavsiya etish masalalari ta’kidlandi.

🌟🌟🌟🌟🌟🌟🌟🌟🌟

Mazkur musobaqadan ko‘zlangan asosiy maqsad talabalar o‘rtasida sog‘lom turmush tarzini targ‘ib qilish, jamoaviylik, hamjihatlik va sportga bo‘lgan qiziqishni yanada oshirishdan iborat bo‘ldi.

Musobaqa davomida ishtirokchilar o‘zaro kuch sinashib, sport mahoratlarini namoyon etdilar. Bellashuvlar qizg‘in va murosasiz ruhda o‘tdi hamda tomoshabinlarga ko‘tarinki kayfiyat ulashdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakultetida “Talabalik davri – imkoniyatlar davri” mavzusida davra suhbati tashkil etildi.

Tadbir davomida talabalarga talabalik davridan samarali foydalanish, o‘z ustida ishlash, zamonaviy bilim va ko‘nikmalarni egallashning ahamiyati haqida atroflicha tushunchalar berildi. Shuningdek, yoshlarning bo‘sh vaqtini mazmunli tashkil etish, ularni ilm-fan, innovatsiya va tadbirkorlik faoliyatiga keng jalb etish masalalari muhokama qilindi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti tillarni o‘qitish kafedrasi tashabbusi bilan rus tili va adabiyoti to‘garagi doirasida nutq va madaniyatni rivojlantirishga qaratilgan amaliy mashg‘ulot tashkil etildi.

Tadbir davomida talabalar rus shoirlarining she’rlarini o‘qib, ularni to‘g‘ri talaffuz qilish va nutqdagi xatolarni tuzatish ustida ishladilar. Shu bilan birga, mashg‘ulot ishtirokchilari nutq madaniyati, intonatsiya va emotsional ifodani oshirishga qaratilgan mashqlarni ham bajarishdi, bu esa ularning badiiy va kommunikativ ko‘nikmalarini yanada rivojlantirishga yordam berdi.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟