Samarqand iqtisodiyot va servis instituti buxgalteriya hisobi va menejment fakultetida talabalar uchun grant o‘rinlari tanloviga ariza topshirish tartibi hamda Ijtimoiy faollik indeksi bo‘yicha tushuntirish berish maqsadida davra suhbati tashkil etildi.

Mazkur suhbat davomida fakultet o‘quv ishlari bo‘yicha dekan o‘rinbosari Sh.Omonov hamda guruh tyutori D. Xudoyberdiyevlar tomonidan 2-bosqich talabalarga grant o‘rinlari tanlovida ishtirok etish tartibi, ta’lim grantlarining qayta taqsimlanishi, kambag‘al oila reyestriga kiritilgan oilalar farzandlari uchun ajratiladigan qo‘shimcha davlat grantlari, shuningdek, Ijtimoiy faollik indeksi haqida batafsil ma’lumotlar berildi.

🌟🌟🌟🌟🌟🌟🌟🌟🌟

Unda institut xodimlari tomonidan yoshlar orasida sogʻlom turmush tarzini shakllantirish, huquqbuzarliklarning oldini olish, tibbiy madaniyatni yuksaltirish, shuningdek, ta’lim va tarbiyaning uzviy bogʻliqligi haqida batafsil ma’lumotlar berildi.

Shuningdek, tadbir davomida yoshlarga oʻz salomatligiga befarq boʻlmaslik, zararli odatlardan yiroq yurish hamda doimiy ravishda bilim va koʻnikmalarini oshirib borishning ahamiyati alohida ta’kidlandi.

🌟🌟🌟🌟🌟🌟🌟🌟🌟

Mazkur seminar davomida bugungi kunda yoshlar orasida keng tarqalayotgan giyohvandlik va psixotrop moddalar hamda ularning zararli oqibatlari haqida talabalarga batafsil ma’lumot berildi.

Shuningdek, bunday zararli illatlardan yiroq bo‘lish, sog‘lom turmush tarzini tanlash hamda jinoyatga qo‘l urmaslik zarurligi alohida ta’kidlandi. Aks holda, bu kabi holatlar inson hayotida jiddiy va ayanchli oqibatlarga olib kelishi mumkinligi haqida tushuntirishlar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutida talaba-yoshlarning til o‘rganishga bo‘lgan qiziqishini yanada oshirish, ularning yozma savodxonligini mustahkamlash hamda grammatik bilimlarini amaliy jihatdan rivojlantirish maqsadida Rus tili va adabiyoti to‘garagi doirasida “To‘g‘ri va diqqat bilan yozish” mavzusida navbatdagi mashg‘ulot darsi tashkil etildi.

Mazkur mashg‘ulot davomida talabalar o‘zbek tili va adabiyoti kafedrasi o‘qituvchisi T.Chernova rahbarligida rus tili grammatikasi bo‘yicha turli topshiriqlar ustida ishladilar, nazariy bilimlarini amaliy mashqlar orqali mustahkamlash imkoniga ega bo‘ldilar. Xususan, to‘g‘ri yozish qoidalari, imlo me’yorlariga rioya qilish, so‘z va gap tuzilishidagi xatolarning oldini olish, yozma nutqda aniqlik va e’tiborlilikni ta’minlashga doir topshiriqlar bajarildi.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟