Mazkur seminar davomida bugungi kunda yoshlar orasida keng tarqalayotgan giyohvandlik va psixotrop moddalar hamda ularning zararli oqibatlari haqida talabalarga batafsil ma’lumot berildi.

Shuningdek, bunday zararli illatlardan yiroq bo‘lish, sog‘lom turmush tarzini tanlash hamda jinoyatga qo‘l urmaslik zarurligi alohida ta’kidlandi. Aks holda, bu kabi holatlar inson hayotida jiddiy va ayanchli oqibatlarga olib kelishi mumkinligi haqida tushuntirishlar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis institutida talaba-yoshlarning til o‘rganishga bo‘lgan qiziqishini yanada oshirish, ularning yozma savodxonligini mustahkamlash hamda grammatik bilimlarini amaliy jihatdan rivojlantirish maqsadida Rus tili va adabiyoti to‘garagi doirasida “To‘g‘ri va diqqat bilan yozish” mavzusida navbatdagi mashg‘ulot darsi tashkil etildi.

Mazkur mashg‘ulot davomida talabalar o‘zbek tili va adabiyoti kafedrasi o‘qituvchisi T.Chernova rahbarligida rus tili grammatikasi bo‘yicha turli topshiriqlar ustida ishladilar, nazariy bilimlarini amaliy mashqlar orqali mustahkamlash imkoniga ega bo‘ldilar. Xususan, to‘g‘ri yozish qoidalari, imlo me’yorlariga rioya qilish, so‘z va gap tuzilishidagi xatolarning oldini olish, yozma nutqda aniqlik va e’tiborlilikni ta’minlashga doir topshiriqlar bajarildi.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti Amir Temur tavalludi munosabati bilan e’lon qilingan “Amir Temur oyligi” doirasida talaba-yoshlar uchun mazmunli va amaliy ekskursiya tashkil etildi. Ushbu tadbir yoshlar ongida milliy tariximizga boʻlgan hurmatni yanada mustahkamlash, buyuk sarkarda va davlat arbobi Amir Temurning boy merosini chuqurroq anglashga xizmat qildi.

Ekskursiya davomida talabalar tarixiy maskanlar bilan yaqindan tanishib, Amir Temur davlatchiligi, uning harbiy va siyosiy faoliyati, shuningdek, mamlakat taraqqiyotiga qoʻshgan ulkan hissasi haqida keng qamrovli ma’lumotlarga ega bo‘ldilar. Mazkur jarayon talabalarning nazariy bilimlarini amaliy kuzatuvlar bilan boyitishga xizmat qildi.

Bunday amaliy ekskursiyalar talaba-yoshlarning tarixiy tafakkurini rivojlantirish, ularni milliy qadriyatlarimiz ruhida tarbiyalash hamda vatanparvarlik tuygʻularini mustahkamlashda muhim ahamiyat kasb etadi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakultetida “Amir Temur tuzuklari to‘plami” mavzusida davra suhbati bo‘lib o‘tdi.

Temur tuzuklari — bu Amir Temurning davlat boshqaruvi, harbiy intizom va jamiyat tartibini belgilovchi qonun-qoidalar majmuasidir. Unda adolat, tartib-intizom, kuchli boshqaruv va xalq manfaatini himoya qilish asosiy o‘rin egallaydi.

Ushbu tadbirdan asosiy maqsad talaba-yoshlarning tarixiy tafakkurini rivojlantirish, ularni milliy qadriyatlarimiz ruhida tarbiyalashdan iborat.

🌟🌟🌟🌟🌟🌟🌟🌟🌟