Servis fakulteti tyutorlari Sh. Mamarasulov va U. Sharabovlar tomonidan Amir Temur tavalludining 690 yilligi munosabati bilan o‘zlariga biriktirilgan guruh talabalari uchun Samarqand shahrida joylashgan Go‘ri Amir maqbarasiga ekskursiya tashkil etildi.

Mazkur ekskursiyadan ko‘zlangan asosiy maqsad talaba-yoshlarni buyuk ajdodlarimizning boy tarixiy merosi, milliy qadriyatlarimiz va bebaho madaniy obidalarimiz bilan yaqindan tanishtirishdan iborat bo‘ldi.

Ekskursiya davomida talabalarga Go‘ri Amir maqbarasining tarixiy ahamiyati, uning me’moriy o‘ziga xosligi hamda Sohibqiron Amir Temur va temuriylar sulolasi hayotidagi o‘rni haqida batafsil ma’lumotlar berildi. Bu esa yoshlarda tarixiy xotira, milliy iftixor va ajdodlar merosiga hurmat tuyg‘ularini yanada mustahkamlashga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi va menejment fakulteti tyutorlari tashabbusi bilan fakultet talabalari ishtirokida “Biz ommaviy madaniyatga qarshimiz” mavzusida davra suhbati bo‘lib o‘tdi.

Tadbir davomida “ommaviy madaniyat” tushunchasining mazmun-mohiyati, uning mumtoz va milliy qadriyatlarimizga zid jihatlari keng muhokama qilindi. Shuningdek, ommaviy madaniyatning yoshlar ongiga salbiy ta’siri, ularning ma’naviy dunyoqarashiga ko‘rsatishi mumkin bo‘lgan oqibatlari haqida atroflicha fikr almashildi.

Suhbat yakunida talabalar o‘rtasida milliy qadriyatlarni asrab-avaylash, boy tarixiy merosimizni chuqur o‘rganish hamda yot g‘oyalarga nisbatan mustahkam immunitetni shakllantirish zarurligi ta’kidlandi.

🌟🌟🌟🌟🌟🌟🌟🌟🌟

Tadbir davomida ommaviy madaniyatning mazmun-mohiyati, uning jamiyat hayotiga, ayniqsa yoshlar tarbiyasiga ko‘rsatishi mumkin bo‘lgan salbiy ta’sirlari haqida atroflicha fikr almashildi. Jumladan, bu kabi madaniy oqimlarning yoshlarning axloqiy qadriyatlari, ichki dunyosi hamda ijtimoiy munosabatlariga salbiy ta’sir ko‘rsatishi mumkinligi alohida ta’kidlandi.

Shuningdek, davra suhbatida milliy qadriyatlarimizni asrab-avaylash, yoshlarni yuksak ma’naviyat ruhida tarbiyalash hamda ularning ongida sog‘lom dunyoqarashni shakllantirish muhim ahamiyat kasb etishi qayd etildi.

🌟🌟🌟🌟🌟🌟🌟🌟🌟

Tashrif davomida Samarqand iqtisodiyot va servis instituti talabalariga narkojinoyat sodir etib, jazoni o‘tayotgan mahkumlarning hayoti, ularning kundalik tartibi, qilgan xatolarining oqibatlari va bu jarayonning inson taqdiriga qanday salbiy ta’sir ko‘rsatishi haqida batafsil ma’lumot berildi.

Mazkur tashriflar yoshlarning giyohvandlik va jinoyatchilikka aldanib qolmaslik, huquqbuzarlikning real oqibatlarini o‘z ko‘zlari bilan ko‘rib, mazkur xatarlar haqida chuqurroq tushuncha hosil qilishlariga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti huquqshunosi N.Ochilova, institut psixologi D.To‘xtamisheva, tillarni oʻqitish kafedrasi oʻqituvchisi M.Ziyodullayeva hamda iqtisodiyot fakulteti tyutori A.Azimov tomonidan “Biz giyohvandlikka qarshimiz” mavzusida davra suhbati va psixologik treninglar tashkil etildi.

Tadbir davomida giyohvandlikning jamiyat va inson salomatligiga salbiy ta’siri, ushbu illatning oldini olish hamda unga qarshi kurashish bo‘yicha dolzarb ma’lumotlar institut yuristi tomonidan ishtirokchilarga yetkazildi.

Shuningdek, institut psixologi tomonidan “Kayfiyat daraxti” art-terapiya mashqi o‘tkazildi. Ushbu mashq talabalarga o‘z emotsiyalari, his-tuyg‘ulari va kayfiyatini tahlil qilish, ularni anglash hamda ijobiy tomonga yo‘naltirishga xizmat qildi.

Talabalar mashq jarayonida o‘zini anglash, emotsiyalarini boshqarish hamda shaxsiy rivojlanish bo‘yicha foydali ko‘nikmalarga ega bo‘lganliklarini ta’kidladilar. Tadbir yoshlarning sog‘lom turmush tarziga bo‘lgan motivatsiyasini yanada oshirdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakulteti tyutorlari tashabbusi bilan “Siyosiy, g‘oyaviy va iqtisodiy korrupsiya – xavfsizlikka tahdid, xalqaro korrupsiya iqtisodiy-siyosiy manfaatlar to‘qnashuvi oqibati sifatida” mavzusida seminar-trening o‘tkazildi.

Tadbir davomida korrupsiyaning jamiyat hayotiga salbiy ta'siri, uning asosiy sabablari hamda unga qarshi kurashishning samarali usullari haqida so‘z yuritildi.

🌟🌟🌟🌟🌟🌟🌟🌟🌟