Samarqand iqtisodiyot va servis instituti servis fakulteti tyutorlari tashabbusi bilan “Siyosiy, g‘oyaviy va iqtisodiy korrupsiya – xavfsizlikka tahdid, xalqaro korrupsiya iqtisodiy-siyosiy manfaatlar to‘qnashuvi oqibati sifatida” mavzusida seminar-trening o‘tkazildi.

Tadbir davomida korrupsiyaning jamiyat hayotiga salbiy ta'siri, uning asosiy sabablari hamda unga qarshi kurashishning samarali usullari haqida so‘z yuritildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakulteti tyutorlari tashabbusi bilan “Ommaviy madaniyat – global xavf” mavzusida davra suhbati tashkil etildi.

Mazkur tadbirning asosiy maqsadi talaba-yoshlarni ommaviy madaniyatning salbiy ta’sirlaridan ogoh etish, ularda milliy qadriyatlarga hurmat tuyg‘usini yanada kuchaytirish hamda ma’naviy immunitetini mustahkamlashdan iborat bo‘ldi.

Davra suhbati davomida ommaviy madaniyatning yoshlar ongiga ko‘rsatadigan ta’siri, uning ayrim jihatlari milliy an’ana va qadriyatlarimizga zid kelishi mumkinligi, shuningdek, bugungi globallashuv sharoitida keng axborot oqimida to‘g‘ri yo‘lni tanlash masalalari keng muhokama qilindi.

Tadbir yakunida ishtirokchilar tomonidan yoshlarning ongini zararli g‘oyalardan himoya qilish, ularni sog‘lom fikrlash va mustaqil qaror qabul qilishga yo‘naltirish borasida muhim fikr va takliflar bildirildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti tyutorlari tashabbusi bilan “Biz ommaviy madaniyatga qarshimiz” mavzusida davra suhbati tashkil etildi.

Tadbir davomida ommaviy madaniyatning mazmun-mohiyati, uning jamiyat hayotiga, ayniqsa yoshlar tarbiyasiga ko‘rsatishi mumkin bo‘lgan salbiy ta’sirlari haqida atroflicha fikr almashildi. Jumladan, bu kabi madaniy oqimlarning yoshlarning axloqiy qadriyatlari, ichki dunyosi hamda ijtimoiy munosabatlariga salbiy ta’sir ko‘rsatishi mumkinligi alohida ta’kidlandi.

Shuningdek, davra suhbatida milliy qadriyatlarimizni asrab-avaylash, yoshlarni yuksak ma’naviyat ruhida tarbiyalash hamda ularning ongida sog‘lom dunyoqarashni shakllantirish masalalari muhokama qilindi. Ishtirokchilar tomonidan bu borada amaliy taklif va tavsiyalar ilgari surildi.

Tadbir yakunida yoshlarni turli yot g‘oyalardan himoya qilish, ularni vatanparvarlik, milliy an’analarga hurmat ruhida tarbiyalash bugungi kunning dolzarb vazifalaridan biri ekanligi alohida qayd etildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi va menejment fakulteti tyutorlari tashabbusi bilan “Biz ommaviy madaniyatga qarshimiz” mavzusida davra suhbati tashkil etildi.

Tadbir davomida ommaviy madaniyatning mazmun-mohiyati, uning jamiyat hayotiga, ayniqsa yoshlar tarbiyasiga ko‘rsatishi mumkin bo‘lgan salbiy ta’sirlari haqida atroflicha fikr almashildi. Jumladan, bu kabi madaniy oqimlarning yoshlarning axloqiy qadriyatlari, ichki dunyosi hamda ijtimoiy munosabatlariga salbiy ta’sir ko‘rsatishi mumkinligi alohida ta’kidlandi.

🌟🌟🌟🌟🌟🌟🌟🌟🌟

Rus tili va adabiyoti to‘garagi doirasida 1-bosqich talabalari ishtirokida “Kelishiklar bilan qiziqarli va oson” mavzusida suhbat tashkil etildi. Mashg‘ulot davomida to‘garak ishtirokchilari o‘zbek tili va adabiyoti kafedrasi o‘qituvchisi T.Chernova bilan birgalikda rus tilidagi kelishiklar, ularning qo‘llanishi hamda ular bilan bog‘liq asosiy qoidalarni takrorlab oldilar. Suhbat jarayonida mavzu sodda va tushunarli usulda yoritilib, talabalar uchun qiziqarli muhokama muhiti yaratildi.

Tadbir davomida talabalarning mavzu yuzasidan bilimlarini mustahkamlash, rus tilida to‘g‘ri va ravon nutq tuzish ko‘nikmalarini rivojlantirishga alohida e’tibor qaratildi. Shuningdek, kelishiklarning nutqdagi o‘rni, ularni amaliy misollar orqali eslab qolish va to‘g‘ri qo‘llash bo‘yicha foydali tushunchalar berildi.

🌟🌟🌟🌟🌟🌟🌟🌟🌟