Samarqand iqtisodiyot va servis instituti turizm kafedrasi professor v.b. R.Amriddinova tashabbusi bilan magistratura bosqichida tahsil olayotgan talabalarning nazariy bilimlarini amaliyot bilan integratsiya qilish maqsadida turmahsulot marketingi fanidan amaliy dars mashg‘ulotlari Imom Buxoriy majmuasida tashkil etildi.

Mazkur amaliy mashg‘ulotlar davomida magistrantlar yangi ochilgan kompleks faoliyati, u yerdagi mehmonxona sharoitlari hamda turistik axborot markazi bilan yaqindan tanishish imkoniyatiga ega bo‘ldilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti tillarni o‘qitish kafedrasi katta o‘qituvchisi N.Narziyev tomonidan institut akademik litseyi o‘quvchilari uchun “The Great Temur” mavzusida ma’naviy-ma’rifiy mahorat darsi tashkil etildi.

Mazkur masterklass yoshlar orasida Amir Temurning boy tarixiy merosini keng targ‘ib etish, ularda milliy g‘urur va vatanparvarlik tuyg‘ularini mustahkamlash maqsadida o‘tkazildi. Tadbir interaktiv shaklda tashkil etilib, unda o‘quvchilar faol ishtirok etdi.

Dastur doirasida Amir Temur hayoti va faoliyatiga bag‘ishlangan taqdimotlar, ingliz tilidagi chiqishlar hamda sahna ko‘rinishlari namoyish etildi. Shuningdek, ishtirokchilar o‘rtasida savol-javoblar va muhokamalar tashkil etildi.

Tarixiy muhitda tashkil etilgan ushbu mahorat darsi ishtirokchilarda katta taassurot qoldirdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakulteti tyutorlari tashabbusi bilan “Siyosiy, g‘oyaviy va iqtisodiy korrupsiya – xavfsizlikka tahdid, xalqaro korrupsiya iqtisodiy-siyosiy manfaatlar to‘qnashuvi oqibati sifatida” mavzusida seminar-trening o‘tkazildi.

Tadbir davomida korrupsiyaning jamiyat hayotiga salbiy ta'siri, uning asosiy sabablari hamda unga qarshi kurashishning samarali usullari haqida so‘z yuritildi.

🌟🌟🌟🌟🌟🌟🌟🌟🌟

Iqtisodiyot fakulteti tyutori G.Xamidova tashabbusi bilan giyohvandlikning oldini olishga qaratilgan “Biz sog‘lom turmush tarafdorimiz” shiori ostida davra suhbati hamda sport musobaqasi tashkil etildi.

Tadbir davomida talabalarga giyohvandlikning inson salomatligi va kelajagiga salbiy ta’siri haqida batafsil tushunchalar berildi. Shuningdek, sog‘lom turmush tarzini shakllantirish, sport bilan muntazam shug‘ullanish va zararli odatlardan yiroq bo‘lishning ahamiyati haqida foydali tavsiyalar bildirildi.

🌟🌟🌟🌟🌟🌟🌟🌟🌟

Mazkur tadbirda yoshlarning jamiyat taraqqiyotidagi o‘rni, ularning bilim olishga bo‘lgan intilishi, yurt ravnaqi yo‘lida fidokorona mehnat qilishi kabi muhim masalalar muhokama qilindi. Professor-o‘qituvchilar tomonidan yoshlarga bugungi kunda yaratilayotgan keng imkoniyatlar, ulardan oqilona foydalanish zarurligi alohida ta’kidlandi.

Shuningdek, davra suhbati davomida talabalarning fikr-mulohazalari tinglanib, ular bilan ochiq muloqot olib borildi. Tadbir yoshlarni Vatanga sadoqat ruhida tarbiyalash, ularning ijtimoiy faolligini oshirish hamda kelajak oldidagi mas’uliyatini chuqur his etishga undadi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakultetida “Yoshlar kuni” munosabati bilan Jinoyatchilikga qarshi kurashish ruhidagi film namoyishi tashkil etildi.

Tadbir davomida fakultet xodimlari hamda talabalar “Qora hayot” nomli ibratli film tomosha qilishdi va uning g‘oyasini tahlil qilib talabalar bilan birgalikda muhokama qilishdi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti tyutori S.Temirova tashabbusi bilan “Ommaviy madaniyatning jamiyatimizdagi ta’siri” mavzusida davra suhbati tashkil etildi.
Tadbir davomida ommaviy madaniyat, aslida, ma’naviyatimizga asta-sekin singib boradigan “sokin kushanda” ekani ta’kidlandi. U hech qanday kuch ishlatmaydi, biroq insonni o‘ziga rom etib, uning fikr dunyosi, qarashlari va qadriyatlarini zabt etadi. Natijada esa yoshlar o‘zligini yo‘qotishi, milliy madaniyatga nisbatan befarqlik kuchayishi, g‘arb madaniyatiga ortiqcha taqlid qilish orqali begona g‘oyalar ta’siriga tushib qolishi, bu esa ularning ichki dunyosi hamda ijtimoiy munosabatlariga salbiy ta’sir ko‘rsatishi mumkinligi alohida qayd etildi.

Shuningdek, davra suhbatida milliy qadriyatlarimizni asrab-avaylash, yoshlarni yuksak ma’naviyat ruhida tarbiyalash hamda ularning ongida sog‘lom dunyoqarashni shakllantirish muhim ahamiyat kasb etishi ta’kidlandi.

🌟🌟🌟🌟🌟🌟🌟🌟🌟