Samarqand iqtisodiyot va servis instituti o‘zbek tili va adabiyoti kafedrasi o‘qituvchisi T.Chernova tashabbusi bilan rus tili va adabiyoti to‘garagi doirasida uchrashuv tashkil etildi.

Unda to‘garak ishtirokchilari turli grammatik topshiriqlarni bajarish hamda rus tili bo‘yicha o‘tkazilgan kichik viktorinada qatnashish orqali o‘z bilim va ko‘nikmalarini namoyon etdilar. Tadbir davomida ishtirokchilar faol qatnashib, o‘zaro bilim almashdilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiy tahlil va statistika kafedrasi dotsenti Sh.Oltayev hamda bank-moliya xizmatlari fakulteti koordinatori tashabbusi bilan talabalar uchun "Salomlashuv odobi" mavzusida davra suhbati o‘tkazildi

Tadbir davomida ishtirokchilarga salomlashishning insoniy munosabatlardagi o‘rni, uning milliy qadriyatlarimiz va an’analarimizdagi ahamiyati haqida batafsil ma’lumotlar berildi. Shuningdek, kundalik hayotda, ayniqsa talabalar turar joyida o‘zaro hurmat va e’tiborni namoyon etishda salomlashuv odobining muhimligi ta’kidlandi.

Suhbat jarayonida talabalar bilan interaktiv muloqot olib borilib, turli hayotiy vaziyatlar misolida to‘g‘ri salomlashish qoidalari muhokama qilindi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti kechki ta’lim fakulteti tyutorlari tashabbusi bilan ma’naviyat va ma’rifat markazi tomonidan tavsiya etilgan 100 nomdagi kitoblar asosida davra suhbati tashkil etildi. Mazkur tadbir talabalarning ma’naviy dunyoqarashini boyitish, kitobxonlik madaniyatini rivojlantirish hamda ularni turli janrdagi adabiyotlar bilan yaqindan tanishtirish maqsadida o‘tkazildi.

Suhbat davomida ishtirokchilar tavsiya etilgan kitoblar haqida batafsil ma’lumot berib, ularning mazmun-mohiyati, g‘oyaviy yo‘nalishi hamda o‘quvchilar uchun ahamiyati haqida fikr almashdilar. Shuningdek, asarlarning badiiy, ilmiy-ommabop, tarixiy va falsafiy janrlarga mansubligi haqida so‘z yuritilib, har bir janrning o‘ziga xos jihatlari yoritib berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi va menejment fakulteti tyutorlari tashabbusi bilan talabalar Samarqand viloyat ijtimoiy qo‘llab-quvvatlash markaziga tashrif buyurishdi.

Tashrif davomida talabalar nuroniylar bilan samimiy suhbatlar olib borib, ularning hayotiy tajribalari va ibratli xotiralarini tingladilar. Shuningdek, ularga hurmat va mehr-e’tibor ko‘rsatilib, iliq muloqot muhitida vaqt o‘tkazildi.

Bunday ezgu tashabbuslar yoshlar qalbida insonparvarlik, mehr-oqibat, kattalarga hurmat hamda ijtimoiy mas’uliyat tuyg‘ularini yanada mustahkamlashga xizmat qiladi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakulteti talabalari uchun “Ochiq eshiklar kuni” doirasida markaziy harbiy okrug muzeyiga ekskursiya tashkil etildi.

Mazkur tashrif davomida talabalar muzey ekspozitsiyalari bilan yaqindan tanishib, mamlakatimiz harbiy tarixi, milliy armiyaning shakllanish bosqichlari hamda zamonaviy qurolli kuchlar faoliyati haqida batafsil ma’lumotlarga ega bo‘ldilar.

Ekskursiya talabalarning tarixiy bilimlarini boyitish, ularning vatanparvarlik ruhini yanada mustahkamlashga xizmat qildi.

🌟🌟🌟🌟🌟🌟🌟🌟🌟

Tadbirning asosiy maqsadi talaba-yoshlar qalbida milliy adabiyot va she’riyatga, ona Vatanga muhabbat hamda sadoqat tuyg‘ularini mustahkamlash, shoir ijodining betakror badiiy olami va boy ma’naviy merosini keng targ‘ib etishdan iborat bo‘ldi.

Davra suhbati davomida so‘zga chiqqanlar Muhammad Yusuf she’riyatining xalqchil ruhi, sodda va samimiy ifodasi bilan kitobxonlar qalbidan chuqur o‘rin egallagani, ayniqsa Vatan, ona, muhabbat va insoniylik kabi yuksak qadriyatlarni ulug‘lashdagi o‘rni haqida fikr bildirdilar.

Shuningdek, talaba-yoshlar tomonidan shoir she’rlari ifodali o‘qilib, uning ijodiga xos samimiyat, hayotiylik va yuksak badiiy ruh alohida e’tirof etildi.

Tadbirda Muhammad Yusufning o‘zbek adabiyoti va milliy ma’naviyat rivojiga qo‘shgan ulkan hissasi, yosh avlodni vatanparvarlik, ezgulik va sadoqat ruhida tarbiyalashdagi o‘rni alohida ta’kidlandi. Ishtirokchilar shoir ijodi bugungi kunda ham o‘z ahamiyatini yo‘qotmagan bebaho ma’naviy xazina ekanini qayd etdilar.

🌟🌟🌟🌟🌟🌟🌟🌟🌟