#SamISI95 #davra_suhbati

Samarqand iqtisodiyot va servis institutining servis fakultetida O‘zbekiston xalq shoiri Muhammad Yusuf tavalludining 72 yilligi munosabati bilan davra suhbati tashkil etildi.

Tadbirning asosiy maqsadi talaba-yoshlar qalbida milliy adabiyot va she’riyatga, ona Vatanga muhabbat hamda sadoqat tuyg‘ularini mustahkamlash, shoir ijodining betakror badiiy olami va boy ma’naviy merosini keng targ‘ib etishdan iborat bo‘ldi.

Davra suhbati davomida so‘zga chiqqanlar Muhammad Yusuf she’riyatining xalqchil ruhi, sodda va samimiy ifodasi bilan kitobxonlar qalbidan chuqur o‘rin egallagani, ayniqsa Vatan, ona, muhabbat va insoniylik kabi yuksak qadriyatlarni ulug‘lashdagi o‘rni haqida fikr bildirdilar.

Shuningdek, talaba-yoshlar tomonidan shoir she’rlari ifodali o‘qilib, uning ijodiga xos samimiyat, hayotiylik va yuksak badiiy ruh alohida e’tirof etildi.

Tadbirda Muhammad Yusufning o‘zbek adabiyoti va milliy ma’naviyat rivojiga qo‘shgan ulkan hissasi, yosh avlodni vatanparvarlik, ezgulik va sadoqat ruhida tarbiyalashdagi o‘rni alohida ta’kidlandi. Ishtirokchilar shoir ijodi bugungi kunda ham o‘z ahamiyatini yo‘qotmagan bebaho ma’naviy xazina ekanini qayd etdilar.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #ishtirok

Bank-moliya xizmatlari fakulteti talabalari O‘zbekiston xalq shoiri Muhammad Yusuf tavalludiga bag‘ishlangan tadbirda ishtirok etdi

Samarqand iqtisodiyot va servis instituti bank-moliya xizmatlari fakulteti talabalari A.S.Pushkin nomidagi Samarqand viloyat axborot-kutubxona markazida O‘zbekiston xalq shoiri Muhammad Yusuf tavalludining 72 yilligiga bag‘ishlangan badiiy kechaga tashrif buyurishdi.

Badiiy kecha davomida shoir ijodiga bag‘ishlangan she’rlar o‘qildi, uning hayoti va ijod yo‘li haqida atroflicha so‘z yuritildi. Talabalar ham faol ishtirok etib, Muhammad Yusuf she’rlari orqali Vatanga muhabbat, insoniylik va ezgulik g‘oyalarini yana bir bor his etdilar.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #davra_suhbati

“Diniy bag‘rikenglik, tolerantlik xalqlar do‘stligining muhim poydevori” mavzusida davra suhbati tashkil etildi

Samarqand iqtisodiyot va servis instituti iqtisodiyot fakulteti tyutori S.Temirova tashabbusi bilan “Diniy bag‘rikenglik, tolerantlik xalqlar do‘stligining muhim poydevori” mavzusida davra suhbati o‘tkazildi.

Tadbir davomida ishtirokchilarga dinlararo hurmat va bag‘rikenglikning ahamiyati keng yoritildi. Shuningdek, tolerantlik, o‘zaro tushunish va bir-birini qadrlash insoniyat o‘rtasida tinchlik va do‘stlikni mustahkamlashda muhim omil ekani alohida ta’kidlandi.

Mazkur davra suhbati nafaqat ishtirokchilarning bilimlarini oshirishga, balki jamiyatda bag‘rikenglik ruhini yanada rivojlantirishga xizmat qildi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Mahorat_darsi

Samarqand iqtisodiyot va servis instituti akademik litseyida tillarni o‘qitish kafedrasi katta o‘qituvchisi N.Narziyev tomonidan “Insurance Fundamentals” mavzusida mahorat darsi tashkil etildi

Mazkur mahorat darsi o‘quvchilarga sug‘urta tizimining nazariy asoslari, uning iqtisodiyotdagi o‘rni va ahamiyati, shuningdek, risklarni boshqarishdagi roli haqida tizimli bilim berishga qaratildi. Dars davomida sug‘urtaning asosiy turlari, moliyaviy himoya mexanizmlari hamda zamonaviy sug‘urta xizmatlarining amaliy jihatlari atroflicha yoritib berildi.

Tadbir interaktiv va zamonaviy pedagogik yondashuvlar asosida tashkil etilib, unda o‘quvchilar ingliz tilida muhokamalar olib borish, real hayotiy vaziyatlar asosida fikr yuritish hamda kasbiy terminologiyadan amalda foydalanish imkoniyatiga ega bo‘ldilar. Amaliy mashg‘ulotlar, keys-stadilar va savol-javoblar orqali o‘quvchilarning mustaqil fikrlash hamda tahliliy yondashuv ko‘nikmalari rivojlantirildi.

Shuningdek, mashg‘ulot davomida o‘quvchilarning ingliz tilida tinglab tushunish va og‘zaki nutq ko‘nikmalarini rivojlantirishga alohida e’tibor qaratildi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #amaliy_dars

Menejment kafedrasi tashabbusi bilan amaliy mashg‘ulot darsi o‘tkazildi

Samarqand iqtisodiyot va servis instituti menejment kafedrasi professor-o‘qituvchilari tashabbusi bilan operatsion menejment fani doirasida "AZIA METALL PROF SPOOO" korxonasida amaliy mashg‘ulot darsi tashkil etildi.

Mazkur amaliy mashg‘ulot davomida talabalar metallurgiya korxonasida cho'yan, po'lat va turli temir qotishmalarini ishlab chiqarish bilan yaqindan tanishdilar. Shu bilan birga, nazariy bilimlarini amaliyot bilan mustahkamlash imkoniyatiga ega bo‘ldilar.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Kafedra_faoliyati

Iqtisodiyot nazariyasi kafedrasi professori L.Xalikova rahbarligida IK-825 guruh talabalari uchun “Asia Alliance Bank” ATB Samarqand mintaqaviy bank xizmatlari ofisi bilan hamkorlikda amaliy dual dars tashkil etildi.

Mazkur dars bank xizmatlari ofisi boshqaruvchisi X.Sanakulov boshchiligida o‘tkazildi. Mashg‘ulot davomida talabalar bank sohasi mutaxassislari bilan ochiq muloqot olib borib, o‘zlarini qiziqtirgan savollarga professional va batafsil javoblar oldilar.

Interaktiv tarzda tashkil etilgan ushbu dars talabalarning nazariy bilimlarini amaliyot bilan mustahkamlash, bank tizimi faoliyati haqida yanada kengroq tasavvur hosil qilish hamda ularning sohaga bo‘lgan qiziqishini oshirishga xizmat qildi.

Bunday amaliy dual mashg‘ulotlar talaba-yoshlarning kasbiy ko‘nikmalarini rivojlantirish, ularni real ish jarayonlari bilan yaqindan tanishtirish va kelgusidagi mehnat faoliyatiga puxta tayyorlashda muhim ahamiyat kasb etadi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞