#SamISI95 #Kafedra_faoliyati

Iqtisodiyot nazariyasi kafedrasi professori L.Xalikova rahbarligida IK-825 guruh talabalari uchun “Asia Alliance Bank” ATB Samarqand mintaqaviy bank xizmatlari ofisi bilan hamkorlikda amaliy dual dars tashkil etildi.

Mazkur dars bank xizmatlari ofisi boshqaruvchisi X.Sanakulov boshchiligida o‘tkazildi. Mashg‘ulot davomida talabalar bank sohasi mutaxassislari bilan ochiq muloqot olib borib, o‘zlarini qiziqtirgan savollarga professional va batafsil javoblar oldilar.

Interaktiv tarzda tashkil etilgan ushbu dars talabalarning nazariy bilimlarini amaliyot bilan mustahkamlash, bank tizimi faoliyati haqida yanada kengroq tasavvur hosil qilish hamda ularning sohaga bo‘lgan qiziqishini oshirishga xizmat qildi.

Bunday amaliy dual mashg‘ulotlar talaba-yoshlarning kasbiy ko‘nikmalarini rivojlantirish, ularni real ish jarayonlari bilan yaqindan tanishtirish va kelgusidagi mehnat faoliyatiga puxta tayyorlashda muhim ahamiyat kasb etadi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Psixolog_faoliyati

Talabalar uchun ruhiy salomatlik va emotsional barqarorlik mavzusida seminar tashkil etildi

Samarqand iqtisodiyot va servis instituti psixologi D.To‘xtamisheva hamda servis fakulteti tyutorlari hamkorligida talabalar ishtirokida “Ruhiyat — salomatlik garovidir” hamda “Tashqi agressiv muhitda emotsional muvozanatni saqlash” mavzularida seminar va davra suhbati tashkil etildi.

Mazkur tadbir davomida talabalarning ongi va dunyoqarashiga ta’sir ko‘rsatishi mumkin bo‘lgan turli tashqi omillar, ularga nisbatan ijtimoiy-psixologik immunitetni shakllantirish, ruhiy barqarorlikni mustahkamlash hamda sog‘lom fikrlash muhitini qaror toptirish masalalari atroflicha muhokama qilindi.

Seminar davomida interaktiv muloqotlar, savol-javoblar va fikr almashuvlar tashkil etilib, talabalar mavzu yuzasidan o‘z fikr-mulohazalarini bildirdilar. Bu esa tadbirning yanada mazmunli va samarali o‘tishiga xizmat qildi.

Bunday seminar va davra suhbatlari talaba-yoshlarning ruhiy salomatligini mustahkamlash, ularda hayotiy vaziyatlarga ongli va bardoshli yondashuvni shakllantirish, shuningdek, sog‘lom va barkamol shaxs sifatida kamol topishida muhim ahamiyat kasb etadi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #GRACE

Komplaens nazorat: Servis fakultetida GRACE dasturi bo‘yicha seminar-trening o‘tkazildi

Samarqand iqtisodiyot va servis instituti servis fakulteti tyutorlari tashabbusi bilan “Siyosiy, g‘oyaviy va iqtisodiy korrupsiya – xavfsizlikka tahdid, xalqaro korrupsiya iqtisodiy-siyosiy manfaatlar to‘qnashuvi oqibati sifatida” mavzusida seminar-trening o‘tkazildi.

Tadbir davomida korrupsiyaning jamiyat hayotiga salbiy ta'siri, uning asosiy sabablari hamda unga qarshi kurashishning samarali usullari haqida so‘z yuritildi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Amir_Temur_vorislari

“Amir Temur vorislari” harbiy-sport musobaqasi koʻrik-tanlovining 2-hududiy saralash bosqichida Samarqand iqtisodiyot va servis instituti jamaosi faol ishtirok etdi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Tyutor_faoliyati

Samarqand iqtisodiyot va servis instituti iqtisodiyot fakulteti 2-kurs talabalari bilan A. S. Pushkin nomidagi Samarqand viloyat axborot-kutubxona markazida "Qiziqarli kutubxonada" nomli  ekskursiya tashkil qilindi.

Unda talabalarga mutaxassislar tomonidan kutubxonada yaratilgan sharoitlar, kitoblar olami, kutubxona loyihalari bo'yicha faoliyat yuritayotgan elektron ma'lumot bazalari haqida batafsil ma'lumotlar berib o'tildi

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Tyutor_faoliyati

Servis fakulteti talabalari uchun A. Pushkin nomidagi viloyat axborot-kutubxona markaziga ekskursiya tashkil etildi

Mazkur ekskursiya davomida talabalar kutubxonaning boy fondi, zamonaviy axborot-resurs markazlari, elektron katalog tizimi hamda o‘quv zallari faoliyati bilan yaqindan tanishdilar. Shuningdek, ularga kitobxonlik madaniyati, mustaqil ta’lim olishda kutubxonalarning o‘rni hamda ilmiy izlanish olib borishda axborot manbalaridan samarali foydalanish bo‘yicha muhim tavsiyalar berildi.

Tadbir davomida mutaxassislar tomonidan talabalarga zamonaviy bilim olishda kitobning o‘rni, mutolaa orqali tafakkurni rivojlantirish hamda intellektual salohiyatni oshirish masalalari yuzasidan batafsil ma’lumotlar taqdim etildi.

Mazkur ekskursiya talabalarning bilim olishga bo‘lgan qiziqishini yanada oshirish, ularni kitobxonlikka keng jalb etish hamda ilmiy dunyoqarashini kengaytirishda muhim ahamiyat kasb etdi.

Servis fakultetida bu kabi ma’naviy-ma’rifiy tadbirlar izchil davom ettirilib, talaba-yoshlarning har tomonlama barkamol shaxs sifatida shakllanishiga xizmat qilmoqda.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞