🌟🌟🌟🌟🌟🌟🌟🌟🌟

Samarqand iqtisodiyot va servis instituti psixologi D.To‘xtamisheva hamda kechki ta’lim fakulteti tyutori B.Qorayev hamkorligida “Yoshlarni oilaga tayyorlash” mavzusida davra suhbati tashkil etildi.

Mazkur suhbat davomida talabalarga stressning kelib chiqish sabablari, uning inson salomatligiga ta’siri, shuningdek, kundalik hayotda uchraydigan emotsional holatlarni to‘g‘ri boshqarish usullari haqida batafsil ma’lumotlar berildi. Trening interaktiv tarzda tashkil etilib, talabalarning mavzuga bo‘lgan qiziqishi va faolligi yuqori bo‘ldi.

Davra suhbat jarayonida “Kaktus” va “Qayiq” proektiv psixologik metodikalari qo‘llanilib, talabalar shaxsiy xususiyatlari, o‘zini himoya qilish darajasi, emotsional kechinmalari, stressga chidamliligi hamda ijtimoiy munosabatlari tahlil qilindi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti kechki ta’lim fakulteti tyutorlari hamda koordinatori tashabbusi bilan 9-may — “Xotira va qadrlash kuni” munosabati bilan Xotira maydoniga tashrif uyushtirildi.

Tashrif davomida Ikkinchi jahon urushida halok bo‘lgan vatandoshlar xotirasi yod etilib, ularning jasorati va fidoyiligi e’zozlandi.

🌟🌟🌟🌟🌟🌟🌟🌟🌟

Ushbu sana yurtimizda bahorning go‘zalligi, yangilanish, poklik va hayotiy energiyaning timsoli sifatida keng nishonlanadi. Favvoralarning betakror va jozibali manzarasi esa atrof-muhitga o‘zgacha fayz bag‘ishlab, insonlarga ko‘tarinki kayfiyat va estetik zavq ulashadi.

Davra suhbati davomida talabalar bahor faslining o‘ziga xos ruhini his etib, 1-may — Favvoralar kunining mazmun-mohiyati, uning madaniy va ma’naviy ahamiyati haqida o‘z fikr-mulohazalarini bildirdilar. Shuningdek, tadbir doirasida yoshlar o‘rtasida faol muloqot va erkin fikr almashish muhiti shakllandi.

🌟🌟🌟🌟🌟🌟🌟🌟🌟

Kechki ta’lim fakulteti tyutori Sh. Bozorova tomonidan talabalar ishtirokida Imom al-Buxoriy majmuasiga sayohat tashkil etildi.

Sayohat davomida talabalar majmua hududidagi muzeyga tashrif buyurib, buyuk muhaddis Imom al-Buxoriyning hayoti, boy ilmiy merosi hamda islom ilm-fanidagi beqiyos o‘rni haqida batafsil ma’lumotlarga ega bo‘ldilar.

🌟🌟🌟🌟🌟🌟🌟🌟🌟

Kechki ta’lim fakulteti tyutorlari hamda fakultet koordinatori tashabbusi bilan 9-may — Xotira va qadrlash kuni munosabati bilan talabalar ishtirokida “Vatan himoyasi – muqaddas burch” mavzusida ma’naviy-ma’rifiy tadbir tashkil etildi.

Tadbir davomida Vatan himoyasi har bir fuqaroning sharafli va muqaddas burchi ekani, yurtimizdagi tinchlik va osoyishtalikni asrab-avaylash bugungi kunning eng dolzarb vazifalaridan biri hisoblanishi alohida ta’kidlandi. Shuningdek, Ikkinchi jahon urushi yillarida xalqimiz tomonidan ko‘rsatilgan jasorat, front ortidagi fidokorona mehnat va mardlik haqida atroflicha so‘z yuritildi.

🌟🌟🌟🌟🌟🌟🌟🌟🌟