Kechki ta’lim fakulteti tyutorlari hamda fakultet koordinatori tashabbusi bilan 9-may — Xotira va qadrlash kuni munosabati bilan talabalar ishtirokida “Vatan himoyasi – muqaddas burch” mavzusida ma’naviy-ma’rifiy tadbir tashkil etildi.

Tadbir davomida Vatan himoyasi har bir fuqaroning sharafli va muqaddas burchi ekani, yurtimizdagi tinchlik va osoyishtalikni asrab-avaylash bugungi kunning eng dolzarb vazifalaridan biri hisoblanishi alohida ta’kidlandi. Shuningdek, Ikkinchi jahon urushi yillarida xalqimiz tomonidan ko‘rsatilgan jasorat, front ortidagi fidokorona mehnat va mardlik haqida atroflicha so‘z yuritildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti buxgalteriya hisobi va menejment fakulteti tyutorlari va menejment kafedrasi professor oʻqituvchilari tashabbusi bilan fakultet talabalari uchun A.S.Pushkin nomidagi Samarqand viloyat axborot-kutubxona markazida “Men oʻqigan kitob” loyihasi doirasida kutubxona bo‘ylab ekskursiya tashkil etildi.

Ekskursiya davomida mutaxassislar tomonidan kutubxonada yaratilgan zamonaviy sharoitlar, boy kitob fondi, o‘quv zallari hamda kitobxonlarga ko‘rsatilayotgan xizmatlar haqida batafsil ma’lumot berildi. Shuningdek, kutubxonada amalga oshirilayotgan loyihalar va faoliyat yuritayotgan elektron ma’lumotlar bazalari, raqamli resurslardan foydalanish imkoniyatlari yuzasidan tushuntirishlar berildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti oliy matematika kafedrasida sog‘lom turmush tarzini hayotga keng tadbiq etish va ommaviy sportni yanada rivojlantirish maqsadida shaxmat musobaqasi o‘tkazildi.

Tadbirdan asosiy maqsad sog‘lom turmush tarzini targ‘ib qilish, jamoaviy muhitni shakllantirish va sportga bo‘lgan qiziqishlarni oshirish.

🌟🌟🌟🌟🌟🌟🌟🌟🌟

Musobaqadan koʻzlangan asosiy maqsad talaba-yoshlar oʻrtasida sogʻlom turmush tarzini targʻib qilish, sportga boʻlgan qiziqishni oshirish hamda jamoaviy hamjihatlikni mustahkamlashdan iborat.

Bellashuvlarda fakultetning iqtidorli va sportsevar talabalari faol ishtirok etib, gʻoliblik uchun murosasiz bahs olib borishmoqda.

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti tyutorlari hamda jismoniy madaniyat kafedrasi tashabbusi bilan talabalar o‘rtasida sog‘lom turmush tarzini targ‘ib qilish, jismoniy faollikni oshirish hamda sportga bo‘lgan qiziqishni kuchaytirish maqsadida davra suhbati tashkil etildi.

Tadbir davomida talabalarga sog‘lom turmush tarzining ahamiyati, muntazam sport bilan shug‘ullanishning inson salomatligiga ijobiy ta’siri hamda yoshlar o‘rtasida jismoniy faollikni oshirish bo‘yicha tavsiyalar berildi. Shuningdek, sportning inson hayotidagi o‘rni, zararli odatlardan yiroq bo‘lish hamda bo‘sh vaqtni mazmunli tashkil etish masalalari yuzasidan fikr almashildi.

🌟🌟🌟🌟🌟🌟🌟🌟🌟