Mazkur tadbirdan ko‘zlangan asosiy maqsad talaba-yoshlar qalbida Vatanga muhabbat, ajdodlar xotirasiga hurmat va ehtirom tuyg‘ularini yanada mustahkamlashdan iborat bo‘ldi. Suhbat davomida Ikkinchi jahon urushi yillarida xalqimizning front va front ortidagi mashaqqatli mehnati, yurt tinchligi va farovonligi yo‘lida jon fido qilgan insonlarning jasorati haqida so‘z yuritildi.

Tadbirda talabalar tomonidan urush faxriylari va mehnat fronti qatnashchilarining hayoti hamda fidoyiligi haqida fikr-mulohazalar bildirildi. Shuningdek, bugungi tinch va osoyishta hayotning qadriga yetish, yurt ravnaqi uchun munosib hissa qo‘shish har bir yoshning muqaddas burchi ekani alohida ta’kidlandi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti oliy matematika kafedrasida sog‘lom turmush tarzini hayotga keng tadbiq etish va ommaviy sportni yanada rivojlantirish maqsadida stol tennis musobaqasi o‘tkazildi.

Tadbirdan asosiy maqsad sog‘lom turmush tarzini targ‘ib qilish, jamoaviy muhitni shakllantirish va sportga bo‘lgan qiziqishlarni oshirish.

🌟🌟🌟🌟🌟🌟🌟🌟🌟

Samarqand iqtisodiyot va servis instituti psixologi D.To‘xtamisheva tomonidan talabalarning shaxsiy o‘sishi, psixologik barqarorligi hamda motivatsiyasini oshirish maqsadida “Mustahkam iroda sohiblari” shiori ostida psixologik trening mashg‘ulotlari tashkil etildi.

Tabiat qo‘ynida, ochiq osmon ostida o‘tkazilgan ushbu trening talabalarda katta taassurot qoldirib, ular orasida ijobiy kayfiyat va ruhiy yengillik muhitini yuzaga keltirdi.

Trening davomida “Bir-biringizni biling”, “Mening hayotdagi shiorim”, “Kelajakdagi men” kabi interaktiv mashg‘ulotlar hamda “Enerjaynest” psixogimnastik mashqlari tashkil etildi. Mazkur mashg‘ulotlar talabalarning o‘z salohiyatini kashf etish, iroda kuchini mustahkamlash, tanqidiy fikrlash hamda o‘z-o‘zini anglash ko‘nikmalarini rivojlantirishga xizmat qildi.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟

Samarqand iqtisodiyot va servis instituti psixologi D.To‘xtamisheva hamda qo‘shma ta’lim dasturlarini muvofiqlashtirish bo‘limi tyutori D.Dushanova hamkorligida talabalar ishtirokida “Ta’lim muassasalarida tazyiq va zo‘ravonlikning oldini olish” mavzusida seminar-trening tashkil etildi.

Seminar davomida jamiyatda sog‘lom muhitni shakllantirish, tazyiq va zo‘ravonlikka nisbatan murosasiz munosabatda bo‘lish, bunday holatlarga befarq qolmaslik hamda qonuniy choralar ko‘rish zarurligi haqida talabalarga tushunchalar berildi.

Shuningdek, psixolog tomonidan tazyiq va zo‘ravonlik holatlarida mutasaddi tashkilotlarga murojaat qilish tartibi, psixologik yordam olish imkoniyatlari hamda ruhiy salomatlikni asrash masalalari yuzasidan batafsil ma’lumotlar taqdim etildi.

Trening jarayonida nevrosteniya shkalasi bo‘yicha ham tushunchalar berilib, stress va surunkali charchash oqibatida yuzaga keladigan funksional asab tizimi buzilishlari, ularning insonning ish qobiliyati, hissiy barqarorligi va umumiy holatiga salbiy ta’siri haqida so‘z yuritildi.

🧠 Seminar-trening doirasida quyidagi mavzularda amaliy mashg‘ulotlar ham tashkil etildi:
🌟 “Men kimman?” — o‘zini anglash va shaxsiy rollarni tushunish;
🌟 “Mening takrorlanmas sifatim” — o‘ziga xos jihatlarni aniqlash va o‘z-o‘zini baholashni rivojlantirish;
🌟 “Kognitiv jarayonlar faoliyati” — tafakkur, xotira, e’tibor va idrokni baholashga qaratilgan testlar.
Mazkur seminar-trening talabalarning psixologik bilimlarini oshirish, ularning ruhiy barqarorligini mustahkamlash hamda sog‘lom ijtimoiy muhitni shakllantirishga xizmat qildi.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟