#SamISI95 #Psixolog_faoliyati

“Ta’lim muassasalarida tazyiq va zo‘ravonlikning oldini olish” mavzusida seminar-trening o‘tkazildi

Samarqand iqtisodiyot va servis instituti psixologi D.To‘xtamisheva hamda qo‘shma ta’lim dasturlarini muvofiqlashtirish bo‘limi tyutori D.Dushanova hamkorligida talabalar ishtirokida “Ta’lim muassasalarida tazyiq va zo‘ravonlikning oldini olish” mavzusida seminar-trening tashkil etildi.

Seminar davomida jamiyatda sog‘lom muhitni shakllantirish, tazyiq va zo‘ravonlikka nisbatan murosasiz munosabatda bo‘lish, bunday holatlarga befarq qolmaslik hamda qonuniy choralar ko‘rish zarurligi haqida talabalarga tushunchalar berildi.

Shuningdek, psixolog tomonidan tazyiq va zo‘ravonlik holatlarida mutasaddi tashkilotlarga murojaat qilish tartibi, psixologik yordam olish imkoniyatlari hamda ruhiy salomatlikni asrash masalalari yuzasidan batafsil ma’lumotlar taqdim etildi.

Trening jarayonida nevrosteniya shkalasi bo‘yicha ham tushunchalar berilib, stress va surunkali charchash oqibatida yuzaga keladigan funksional asab tizimi buzilishlari, ularning insonning ish qobiliyati, hissiy barqarorligi va umumiy holatiga salbiy ta’siri haqida so‘z yuritildi.

🧠 Seminar-trening doirasida quyidagi mavzularda amaliy mashg‘ulotlar ham tashkil etildi:
🌟 “Men kimman?” — o‘zini anglash va shaxsiy rollarni tushunish;
🌟 “Mening takrorlanmas sifatim” — o‘ziga xos jihatlarni aniqlash va o‘z-o‘zini baholashni rivojlantirish;
🌟 “Kognitiv jarayonlar faoliyati” — tafakkur, xotira, e’tibor va idrokni baholashga qaratilgan testlar.
Mazkur seminar-trening talabalarning psixologik bilimlarini oshirish, ularning ruhiy barqarorligini mustahkamlash hamda sog‘lom ijtimoiy muhitni shakllantirishga xizmat qildi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Yoshlar_kuni

Iqtisodiyot fakultetida “Fast typing” musobaqasi o‘tkazildi

Iqtisodiyot fakultetida “Yoshlar kuni” munosabati bilan talabalar o‘rtasida “Fast typing” musobaqasi tashkil etildi. Mazkur musobaqadan ko‘zlangan asosiy maqsad talabalarning kompyuter savodxonligini oshirish, tezkor va samarali ishlash ko‘nikmalarini rivojlantirish hamda iqtidorli yoshlarni aniqlashdan iborat bo‘ldi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

Buxgalteriya hisobi va menejment fakultetida “Oilaga sharqona sadoqat” mavzusida davra suhbati bo‘lib o‘tdi

Davra suhbati davomida oilaning jamiyatdagi o‘rni, milliy qadriyatlarimizni asrab-avaylash, yoshlar ongida oilaga hurmat va sadoqat tuyg‘ularini mustahkamlash masalalariga alohida e’tibor qaratildi. Davra suxbati davomida sharqona tarbiya, o‘zaro hurmat, mehr-oqibat va oilaviy qadriyatlarning inson kamolotidagi ahamiyati haqida fikr-mulohazalar bildirdilar.
Shuningdek, talabalar tomonidan mavzuga oid qiziqarli savol-javoblar, fikr almashuvlar hamda hayotiy misollar asosida chiqishlar tashkil etildi. Tadbir yoshlarni milliy va ma’naviy qadriyatlarga sodiq bo‘lish ruhida tarbiyalashda muhim ahamiyat kasb etdi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Sport_sinovlari

SamISIda “Jismoniy tayyorgarlik darajasini aniqlash” sport sinovlari o‘tkazildi

Bugun, 20-may kuni Samarqand iqtisodiyot va servis institutida talaba-yoshlarning jismoniy tayyorgarlik darajasini aniqlash, ularning sportga bo‘lgan qiziqishini oshirish hamda sog‘lom turmush tarzini targ‘ib etish maqsadida sport sinovlari tashkil etildi.

Sinovlar davomida ishtirokchilar arg‘amchida sakrash, 60 metrga yugurish, 3x10 metrga mokisimon yugurish, yerga tayangan holda qo‘llarni bukish va yozish, kurakda yotgan holda gavdani 90 darajaga ko‘tarish hamda savatga to‘p tashlash kabi yo‘nalishlarda o‘z imkoniyatlarini sinab ko‘rdilar.

Tadbirda O‘zbekiston Respublikasi sport vaziri Adham Ilxamovich Ikramov hamda Milliy olimpiya qo'mitasi raisining birinchi o'rinbosari Otabek Muxammadalievich Umarovlar ishtirok etdi.

Sport sinovlari talaba-yoshlarning jismoniy faolligini oshirish, sportga qiziqishini kuchaytirish va sog‘lom turmush tarzini shakllantirishga xizmat qilmoqda.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞