#SamISI95 #Sport_sinovlari

SamISIda “Jismoniy tayyorgarlik darajasini aniqlash” sport sinovlari o‘tkazildi

Bugun, 20-may kuni Samarqand iqtisodiyot va servis institutida talaba-yoshlarning jismoniy tayyorgarlik darajasini aniqlash, ularning sportga bo‘lgan qiziqishini oshirish hamda sog‘lom turmush tarzini targ‘ib etish maqsadida sport sinovlari tashkil etildi.

Sinovlar davomida ishtirokchilar arg‘amchida sakrash, 60 metrga yugurish, 3x10 metrga mokisimon yugurish, yerga tayangan holda qo‘llarni bukish va yozish, kurakda yotgan holda gavdani 90 darajaga ko‘tarish hamda savatga to‘p tashlash kabi yo‘nalishlarda o‘z imkoniyatlarini sinab ko‘rdilar.

Tadbirda O‘zbekiston Respublikasi sport vaziri Adham Ilxamovich Ikramov hamda Milliy olimpiya qo'mitasi raisining birinchi o'rinbosari Otabek Muxammadalievich Umarovlar ishtirok etdi.

Sport sinovlari talaba-yoshlarning jismoniy faolligini oshirish, sportga qiziqishini kuchaytirish va sog‘lom turmush tarzini shakllantirishga xizmat qilmoqda.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Psixolog_faoliyatidan

Talaba-qizlar ishtirokida ochiq davra suhbati o‘tkazildi

Samarqand iqtisodiyot va servis instituti psixologi D.To‘xtamisheva hamda iqtisodiyot fakulteti xotin-qizlar masalalari bo‘yicha dekan maslahatchisi G. Hamidova hamkorligida talabalar turar joyida istiqomat qilayotgan talaba-qizlar ishtirokida ochiq davra suhbati tashkil etildi.
Tadbir davomida talaba-qizlar orasida turli jinoyatchilik va huquqbuzarliklarning oldini olish, psixoemotsional holatlarni barqaror saqlash hamda sog‘lom ijtimoiy muhitni shakllantirish masalalariga alohida e’tibor qaratildi.
Shuningdek, nizolarni tinch yo‘l bilan hal etish, sog‘lom muloqot madaniyatini shakllantirish, empatiya va o‘zaro hurmatni kuchaytirish maqsadida “Maqsadni aniq qo‘yish”, “Art terapiya” hamda “Biblioterapiya” psixologik mashqlari o‘tkazildi.
Davra suhbati davomida zo‘ravonlik va tazyiq holatlarining oldini olish, bunday holatlarga duch kelgan shaxslarni qo‘llab-quvvatlash, amaldagi qonun va hukumat qarorlari haqida ham tushunchalar berildi.
Bundan tashqari, talabalarda yuzaga kelishi mumkin bo‘lgan psixologik zo‘riqishlarning oldini olish maqsadida salbiy ijtimoiy va shaxsiy ta’sirlardan xalos bo‘lish, ichki ruhiy holatni yaxshilashga qaratilgan psixokorreksion usullar qo‘llanilib, mavzu yuzasidan tavsiyalar berildi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#Jarayon

Institut korrupsiyaga qarshi kurashish "Kompleans nazorat" tizimini boshqarish bo'limi tomonidan tashkil etilgan "Antikorrupsiya" volontyorlar guruhi yakuniy nazorat jarayonlarining shaffof tarzda o'tishini ta'minlamoqda.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#Yoshlar_kuni

"Yoshlar kuni" munosabati bilan buxgalteriya hisobi va menejment fakulteti talabalari ishtirokida Samarqand shahrining diqqatga sazovor joylariga ekskursiya amalga oshirildi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #Yoshlar_kuni #Shaxmat

Talaba-yoshlar o‘rtasida shaxmat musobaqasi o‘tkazildi

Bank-moliya xizmatlari fakulteti tyutorlari hamda fakultet koordinatori tashabbusi bilan “Yoshlar kuni” munosabati bilan talaba-yoshlar o‘rtasida sportning shaxmat turi bo‘yicha musobaqa tashkil etildi.

Musobaqa davomida ishtirokchilar o‘zlarining mantiqiy fikrlashi, strategik yondashuvi va tezkor qaror qabul qilish ko‘nikmalarini namoyish etdilar. Bahslar qiziqarli va murosasiz ruhda o‘tdi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

#SamISI95 #uchrashuv

Samarqand iqtisodiyot va servis instituti real iqtisodiyot kafedrasi professor-o‘qituvchilari tomonidan mahallalarda olib borilayotgan islohotlar, aholi muammolarini o‘rganish hamda yoshlar masalalariga bag‘ishlangan uchrashuv tashkil etildi

Tadbir doirasida “Mahallalarda ishsiz va band boʻlmagan yoshlarni qisqa muddatli oʻquv kurslariga jalb etish” hamda “Mahalla — oilaviy poliklinika — ta’lim muassasasi” mavzularida atroflicha tushuntirish ishlari olib borildi.

Shuningdek. suhbat davomida mamlakatimizda 2026-yilda mahallalarga e’tibor yanada kuchaytirilgani, hududlarni rivojlantirish, aholining muammolarini chuqur o‘rganish va ularni joyida hal etishga qaratilgan ishlar haqida fikr almashildi. Ayniqsa, mahallalardagi yoshlarning ta’limga bo‘lgan qiziqishini oshirish, bo‘sh vaqtlarini mazmunli tashkil etish, turli to‘garaklar faoliyatini yo‘lga qo‘yish hamda yoshlarni tadbirkorlikka keng jalb etish masalalariga alohida e’tibor qaratildi.

Shuningdek, “Oltin asr” hamda "Hunarmandlar" MFY raisi so‘zga chiqib, institut professor-o‘qituvchilarining mazmunli ma’ruzalari uchun minnatdorchilik bildirib, bunday hamkorlik mahalla fuqarolarining kerakli ma’lumotlardan xabardor bo‘lib borishida muhim ahamiyat kasb etishini ta’kidladi.

🌟🌟🌟🌟🌟🌟🌟🌟🌟

✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞