🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakultetida “Mustaqillikka erishilgandan keyingi yillarda amalga oshirilgan eng yirik islohotlar” mavzusida davra suhbati tashkil etildi. Davra suhbatida mamlakatimiz mustaqillikka erishgandan keyingi davrda ijtimoiy-siyosiy, iqtisodiy, ta’lim, madaniyat va boshqa sohalarda amalga oshirilgan keng ko‘lamli islohotlar, ularning mazmun-mohiyati hamda jamiyat taraqqiyotidagi ahamiyati haqida fikr almashildi.

Shuningdek, keyingi yillarda amalga oshirilayotgan yangilanish va islohotlarning mazmuni, yoshlar uchun yaratilayotgan imkoniyatlar, ta’lim olish, kasb-hunar egallash, ilmiy va ijodiy faoliyat bilan shug‘ullanish uchun yaratilgan shart-sharoitlar haqida atroflicha ma’lumot berildi. Tadbir davomida talabalarning mavzu yuzasidan fikr va mulohazalari tinglanib, ularning savollariga tegishli javoblar berildi. Davra suhbati yakunida yoshlarda Vatanga daxldorlik, milliy qadriyatlarga hurmat, fuqarolik mas’uliyati va mustaqillikning qadriga yetish tuyg‘ularini yanada mustahkamlash muhimligi ta’kidlandi.

🌟🌟🌟🌟🌟🌟🌟🌟🌟

Iqtisodiyot fakulteti dekan o'rinbosari tomonidan 2-bosqich talabalari uchun mustaqillik yillarida mamlakatimizning ijtimoiy-iqtisodiy, siyosiy va ma'naviy hayotining turli sohalarida amalga oshirilgan keng ko'lamli islohotlar, qo'lga kiritilgan yutuqlar hamda bugungi taraqqiyot jarayonlari haqida batafsil ma'lumot berildi.

Tadbir davomida, xususan, ta'lim tizimida olib borilayotgan izchil islohotlar, oliy ta'lim bilan qamrov darajasining oshishi, oliy ta'lim muassasalari sonining ko'payishi, talabalar uchun zamonaviy va qulay ta'lim imkoniyatlarining yaratilishi, shuningdek, xalqaro hamkorlik aloqalarining kengayib borayotgani haqida atroflicha fikr yuritildi.

Shuningdek, mustaqillik yillarining milliy davlatchiligimizni yanada mustahkamlash, mamlakatimizda tinchlik va barqarorlikni ta'minlash, yosh avlodni Vatanga sadoqat, milliy g'urur va vatanparvarlik ruhida tarbiyalash, milliy qadriyatlarimizni asrab-avaylash hamda yoshlarning yuksak ma'naviy fazilatlarini shakllantirishdagi muhim o'rni haqida fikr almashildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakultetida talaba-yoshlarning kasbiy bilim va ko‘nikmalarini rivojlantirish, tanlagan mutaxassisliklariga bo‘lgan qiziqishini oshirish maqsadida “Men tanlagan mutaxassislik — mening kelajagim” mavzusida davra suhbati tashkil etildi.

Tadbir davomida talabalarga tanlagan mutaxassisliklarining mazmun-mohiyati, sohada yetarli bilim va ko‘nikmalarni egallashning ahamiyati, kelgusida kasbiy faoliyatni samarali tashkil etish hamda malakali mutaxassis sifatida shakllanish masalalari yuzasidan tushunchalar berildi.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟