Iqtisodiyot fakulteti dekan o'rinbosari tomonidan 2-bosqich talabalari uchun mustaqillik yillarida mamlakatimizning ijtimoiy-iqtisodiy, siyosiy va ma'naviy hayotining turli sohalarida amalga oshirilgan keng ko'lamli islohotlar, qo'lga kiritilgan yutuqlar hamda bugungi taraqqiyot jarayonlari haqida batafsil ma'lumot berildi.

Tadbir davomida, xususan, ta'lim tizimida olib borilayotgan izchil islohotlar, oliy ta'lim bilan qamrov darajasining oshishi, oliy ta'lim muassasalari sonining ko'payishi, talabalar uchun zamonaviy va qulay ta'lim imkoniyatlarining yaratilishi, shuningdek, xalqaro hamkorlik aloqalarining kengayib borayotgani haqida atroflicha fikr yuritildi.

Shuningdek, mustaqillik yillarining milliy davlatchiligimizni yanada mustahkamlash, mamlakatimizda tinchlik va barqarorlikni ta'minlash, yosh avlodni Vatanga sadoqat, milliy g'urur va vatanparvarlik ruhida tarbiyalash, milliy qadriyatlarimizni asrab-avaylash hamda yoshlarning yuksak ma'naviy fazilatlarini shakllantirishdagi muhim o'rni haqida fikr almashildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakultetida talaba-yoshlarning kasbiy bilim va ko‘nikmalarini rivojlantirish, tanlagan mutaxassisliklariga bo‘lgan qiziqishini oshirish maqsadida “Men tanlagan mutaxassislik — mening kelajagim” mavzusida davra suhbati tashkil etildi.

Tadbir davomida talabalarga tanlagan mutaxassisliklarining mazmun-mohiyati, sohada yetarli bilim va ko‘nikmalarni egallashning ahamiyati, kelgusida kasbiy faoliyatni samarali tashkil etish hamda malakali mutaxassis sifatida shakllanish masalalari yuzasidan tushunchalar berildi.

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟

🌟🌟🌟🌟🌟🌟🌟🌟🌟

Samarqand iqtisodiyot va servis instituti iqtisodiyot fakulteti talabalari hamda “Mushoira” klubi a’zolari tashabbusi bilan “Mushoira kechasi” tashkil etildi.

Tadbir davomida iqtisodiyot fakultetining ijodkor, she’riyat va kitobxonlikka qiziqadigan iqtidorli talabalari o‘zlarining she’riy kompozitsiyalari bilan ishtirok etib, ijod namunalarini namoyish etdilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti servis fakulteti tyutorlari tashabbusi bilan talabalar o‘rtasida stol tennisi musobaqasi tashkil etildi.

Mazkur musobaqa talabalarning bo‘sh vaqtini mazmunli tashkil etish, ularning sportga bo‘lgan qiziqishini oshirish, sog‘lom turmush tarzini targ‘ib qilish hamda yoshlarni turli zararli illatlardan, xususan giyohvandlikdan saqlash maqsadida o‘tkazildi.

🌟🌟🌟🌟🌟🌟🌟🌟🌟