Samarqand iqtisodiyot va servis instituti bank-moliya xizmatlari fakultetida talaba qizlar o‘rtasida odob-axloq qoidalariga rioya qilish, muomala va kiyinish madaniyatini yuksaltirish, jamoat joylarida o‘zini tutish ko‘nikmalarini shakllantirish maqsadida profilaktik tadbir tashkil etildi.

Tadbir davomida ustozlar va tengdoshlar bilan xushmuomalada bo‘lish, o‘zaro hurmat va madaniyatli muloqotga amal qilish, institutning ichki tartib-qoidalariga rioya etish hamda internet va ijtimoiy tarmoqlardan mas’uliyatli foydalanish yuzasidan tavsiyalar berildi.

🌟🌟🌟🌟🌟🌟🌟🌟🌟

Dars davomida talabalar axborot-resurs markazining faoliyati, mavjud adabiyotlar hamda elektron va axborot resurslaridan foydalanish imkoniyatlari bilan yaqindan tanishdilar. Shuningdek, fakultet tyutori P.Nabiyev tomonidan talabalarga ta’lim jarayonida mavjud resurslardan samarali foydalanish bo‘yicha zarur tavsiyalar berildi.

🌟🌟🌟🌟🌟🌟🌟🌟🌟

Buxgalteriya hisobi fakultetida talabalarning bo‘sh vaqtlarini mazmunli tashkil etish, ularning tabiat va atrof-muhitga bo‘lgan qiziqishini oshirish, ekologik madaniyatini shakllantirish hamda bilimlarini amaliy kuzatuvlar orqali boyitish maqsadida talabalari uchun SamDU zoologiya muzeyi va oranjeriyasiga ekskursiya tashkil etildi.

Ekskursiya davomida talabalar zoologiya muzeyidagi turli hayvonot dunyosiga oid namunalar hamda oranjeriyadagi o‘simliklar bilan yaqindan tanishib, tabiat va biologik xilma-xillik haqidagi bilimlarini boyitdilar.

🌟🌟🌟🌟🌟🌟🌟🌟🌟

Buxgalteriya hisobi fakultetida talabalarning bo‘sh vaqtini mazmunli tashkil etish hamda sog‘lom turmush tarzini targ‘ib qilish maqsadida sportning mini-futbol turi bo‘yicha musobaqa o‘tkazildi.

Musobaqada talabalar faol ishtirok etib, o‘zaro do‘stlik, jamoaviylik va sportga bo‘lgan qiziqishlarini namoyon etdilar.

🌟🌟🌟🌟🌟🌟🌟🌟🌟

Samarqand iqtisodiyot va servis institutida talaba-yoshlarning Vatanga bo‘lgan muhabbatini, milliy g‘urur va vatanparvarlik tuyg‘ularini yanada mustahkamlash maqsadida “Ona Vatanimning buyuk farzandlari”, “O‘zbekistonlik ekanimdan faxrlanaman”, “Vatanga xizmat qilish — buyuk maqsadim” mavzularida maqolalar tanlovi o‘tkazildi.

Tanlovda talabalar o‘zlarining ijodiy ishlari bilan faol ishtirok etib, Vatanga sadoqat, yurt ravnaqi va uning taraqqiyotiga munosib hissa qo‘shish kabi mavzulardagi fikrlarini maqolalari orqali ifoda etdilar.

🌟🌟🌟🌟🌟🌟🌟🌟🌟