Buxgalteriya hisobi fakultetida talabalarning bo‘sh vaqtini mazmunli tashkil etish hamda sog‘lom turmush tarzini targ‘ib qilish maqsadida sportning mini-futbol turi bo‘yicha musobaqa o‘tkazildi.

Musobaqada talabalar faol ishtirok etib, o‘zaro do‘stlik, jamoaviylik va sportga bo‘lgan qiziqishlarini namoyon etdilar.

🌟🌟🌟🌟🌟🌟🌟🌟🌟

Samarqand iqtisodiyot va servis institutida talaba-yoshlarning Vatanga bo‘lgan muhabbatini, milliy g‘urur va vatanparvarlik tuyg‘ularini yanada mustahkamlash maqsadida “Ona Vatanimning buyuk farzandlari”, “O‘zbekistonlik ekanimdan faxrlanaman”, “Vatanga xizmat qilish — buyuk maqsadim” mavzularida maqolalar tanlovi o‘tkazildi.

Tanlovda talabalar o‘zlarining ijodiy ishlari bilan faol ishtirok etib, Vatanga sadoqat, yurt ravnaqi va uning taraqqiyotiga munosib hissa qo‘shish kabi mavzulardagi fikrlarini maqolalari orqali ifoda etdilar.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakulteti hamda menejment va marketing fakulteti 1-bosqich talabalari o‘rtasida yoshlarning ijodiy qobiliyatlarini rivojlantirish, Vatanga muhabbat va milliy qadriyatlarga hurmat tuyg‘ularini mustahkamlash maqsadida “Vatan taraqqiyotiga mening hissam” shiori ostida rasmlar tanlovi o‘tkazildi.

Tanlov davomida talabalar o‘zlarining ijodiy ishlari orqali yurtimizning boy tarixi, buyuk ajdodlarimiz merosi, Vatanga sadoqat va fidoyilik g‘oyalarini aks ettirdilar. Tadbir yoshlarning ijodiy salohiyatini namoyon etish, vatanparvarlik tuyg‘ularini yuksaltirish hamda ijtimoiy faolligini oshirishga xizmat qildi.

🌟🌟🌟🌟🌟🌟🌟🌟🌟

Samarqand iqtisodiyot va servis instituti bank-moliya xizmatlari fakultetida Mustaqillik yillarida mamlakatimizning ijtimoiy-iqtisodiy va ma’naviy-ma’rifiy rivojiga munosib hissa qo‘shgan, fidoyilik va jasorat ko‘rsatgan O‘zbekiston Qahramonlari hayoti va faoliyatini yoshlarga keng targ‘ib etish maqsadida targ‘ibot tadbiri o‘tkazildi.

Tadbir davomida talabalarga O‘zbekiston Qahramonlarining hayot yo‘li, mehnat faoliyati hamda Vatan ravnaqi yo‘lidagi fidokorona xizmatlari aks ettirilgan hujjatli videofilm namoyish etildi. Tadbir yoshlarni vatanparvarlik, fidoyilik va yurt taraqqiyotiga daxldorlik ruhida tarbiyalashga xizmat qildi.

🌟🌟🌟🌟🌟🌟🌟🌟🌟